¹ Mini aneneyu'i fawarimi Apolosi Korini wa kanafim, Poli bemi menta awafa wam magufimi bemi anona magu Efesesi,mana'a disaipol yu yimonami minifa'i. ² Poli yintaemi manisemi, yigemi yimakuku Ayo Aga'i aga maregafo buwafi? Waya anona emi semi, Bube, seyu yami bu Ayo Aga ganti sito ka bu intagafu. ³ Poli yintaemi, mono nomi iteniga urega marane? Yemi semi, Joni nopeyikewayi nomi ⁴ fetikaka. Poli waya anona emi semi, Jonimi wata anasi nomi feyi kakami yira'i wayede Gotimi awakuro go yanti. Watayu'i yiyimemi naemo yinayi kaga yimakuku inona mi aneka yewayimi, Jisasi kaga yimakuku ogo. ⁵ Wata anasimo mini waya intemi, mono nomi marami anona JIsasi avipimi masremo. ⁶ Naemi Polimo yinaka ayam magami, Ayo Aga'i yenampa yewage'emi imi yemi ba yimi nesu nasu ena ena waya sebemi naemo fawarinanimi yantaganti semo. ⁷ Adeka 12 a watayu'i mono nomi maremo. ⁸ Polimi Juda yuyi naupa bemi itama erauremi wata anasi yiyimemi fuga waya nampa Gotini magu yanti yiyimemi. Amaka 3 a biyoka. Ugami mana'a Juda yu yira'ano akeimi waya buintemo savi waya semo Jisasimi awakure wanata nesu watanasi yugaka'i. ⁹ Minimi Polimi yirewmi disaipoli yu yibimaremi Tairanusi sigurufa bemi Gotini wayami yiyimemi masidem waya-wami. ¹⁰ Mini yoganti 2 a kirisimasi ka'i sem; amaka masidem wata Esia wayi anona manoni waya intemo, minimi Juda wa Griki nampa'i. ¹¹ Gotini nesu soke anene era anene Poli age fawarimi. ¹² Kefo dawarawe nampa ara ara unawadio ino Poli marem bugamu yi wata yu yige maro rami soke yerare emo, savi awamu gu'ano yiremi bemi. ¹³ Ugami mana'a karasi watayu mini magu fimi novemi savi sava awamugu'i wate yu pike sima fasa de wa Jisasi avi'i daremi ake'i mantemi savi awamu gu'i yiyi ke'emo, ma'ni se'emo, mini Jisasi avipimi. Polimo awayi ewayi pimi yera arega fasagi ogo. ¹⁴ Mini seveni'a wata yu mini antamo ewayi yemi Juda yu yinom wata agafantamo, be avi'i Skiva. ¹⁵ Mana savi avamu ano yen yami anona emi semi, Jisasimi amona rukau, Polimi amona ruka'u, yigemi iyebe? ¹⁶ Savi avamu ano mini watamano aupeke mini glasi watayu ka'i dauntemi, yeyi eraru'i manta fasademi, yenyi unam wado daga demi yan afa yiremi, ano savi marari ure mi mini magu yeraremi mana mana emo. ¹⁷ Masi dem Juda wa Griki wa iyemo Efesesi wayimi mini waya intemo, anom fegariemo uremi Anona Jisasi avi yani emo. ¹⁸ Nesu yima kuku ewam watayu yeravemi yeyi kumi anta savi anta sima fawarure mi semoi. ¹⁹ Nesu wata yu muna mana anta ewayimi yeyi buku yu maremi iga agara wata anasi yugaka, mini buku yu'i anona moni kake mare wami, mone avi'i 50,000 silivami. ²⁰ Ugami Gotini waya mano made ayapa bemi era nampa'i. ²¹ Polimi beyi yoganti kiparemi Ayo Aga'anoni akeka'i bemi inte inte emi Mesadonia wa Akala kemi Jerusalemi bemi semi, Jerusalemi bage'e Romu wa bebe'u. ²² Polimi kam yogam wata yiyikemi Timoti ya Erastus Maseptamia bentamo, mini wata gantano yoganti ofaewaro. Ugami benana'o ifademi Esia wage'emi. ²³ Yemi mana kanaga yerabimi, mane sito waya wa mana amanti Efesasi bu fawaremi Jisasi avakuri ayimi. ²⁴ Mana wata wage'emi, ben avi'i Dimitris bemi silva nako muna gotimi. Atemisi uremi nesu mone'i uware'em nesu mone'i yakagarem muna uwatemi sali emi. ²⁵ Masidem manta duwantu uremi muna gotimi uwante nesu moni marewayi. ²⁶ Yige inte amonami Efesasi ana waye masidem Esia ayapa mini wata Polimi wata anasi yira'i wayedemi ena ayika bemi, bemi semi, mana goti buwami emo yiyanako uwarewami. ²⁷ Seyuya minawa seli ureya mone'i marateya raye, mono mai anona, goti inim Atemisi wai'i fa yanta ganta intemi. Minimi goti avi itemo madepa wata Esia nampa maside ayapake beka'i mono sewa bemi kuminani. ²⁸ Mini wayamo intemi, yirami gami arama semi manisemo, Atemisi Efesasikem bemi amonemino. ²⁹ Masidem wata anasi mini magu fikemi ani ana eve nesu inti uremi uyaemi mana anona kasi ewam mapimiupegemo. Kam wata fakemo Mesadonia kemi Poli, na Gaiusi ya Aristakusi. ³⁰ Poli minifa upega ranti awanapimi nesu wata anasi wapimi, ugami disaipoli yu'i uya akemi bu bino sem. ³¹ Mana'a anom wata mini magu gakemi Esia kemi Polini aganta ano na waya demi Poli nanti mini naupa bu upegano. ³² Mana'a wata anasi arama semi semi mana yantawa mana'a semi ena yanta'i, ani anaem nesu intiri emo, nesu ano bu intemo naye anta yara mini duwan tufa beyafo. ³³ Mana'amo Aleksenda sasamemi, mini wata mi Juda yu'o abekamo maside wata yugaka'i duwantu uge waka'i. Ugami Aleksenda ayami yanafa demi sima ama uremi wata anasi yiyimemi semi Judayu'i mana umanti bu ruka. ³⁴ Ugami, yemo intemo mini watami Juda akupikena maside wata anasi aravoka uremi semi. Atemis Efesasikemo anonami, aravoka uremi ka auwagi'i mini se'emo. ³⁵ Mini magufikena kusi kusi ano simenti faka yikemi ara vokam buyogo simi mini siremi yiyimemi, yige Efesasi kena wata yuge. Maside wata maside ayapake yumi inte yime yemi Efesasiyu'i dafisevemo anasi gotimi mono maka'i, urei inte'i sei'i mini mino gotini amamono inaru fakemi kumemi. ³⁶ Yigemi a'i intagami mini yantaganti, minugafo ame ame urega mana yanta'i buwa uwanyikago. ³⁷ Naugana mini watayu {Gayusia Arista Kusi} yigemi yibigega koti ga'i yego, yemi mono naupa umom wata buwa, mini muna goti inim monomi savi waya benanti sasakemo. ³⁸ Minugami Dimistrisi manu nampa yimamo muna gotimi mana'a watafim dukemi, koti a'i diyemi koti intewam watayu yewami, eaya yeyi sayeke maya wa emo wa koti auga ka'i. ³⁹ Ugami yigemi ena yanta ganta amisirante'i afo bega yi'nom waita yimo narege yenampa ami sego. ⁴⁰ Fuga uga seyu'ya mana duwanto yanti waya sefanu, wayami atereya itemo watayu yiramo garemo magemo fa'waremi, mana duwanti manoni anta waya kamani seyu'ya sinta iya. ⁴¹ A'i siremi, wata anasi yiyikaruka mini duwantu fikem, mini magu yera remi bemo.