¹ Magewa'i Poli ya Sailasi yentamo Deb nampa Listra magufa minifa'i mana disaipoli wage'emi be avi'i timotimi bemi mana Juda inim mano agai'i bemi intami benafo'emi Griki watami. ² Bemi iyemo beni afa'awa Listra wa Ikonium avugu waya benanti awogu waya sewayi. ³ Polimi Timoti ayiakemi benampa binoyanti ugami avigem maroremi aumi akefemi,nayerafi Judayu mini magufa wayi,masideyu intaga ben afo'emi Griki waitami. ⁴ Anona maguyu awanapimi waya yiyimemo awakurigo siguru waya avakurogo,minimi Aposoli anom waitaJerusalemi kenomi agarami. ⁵ Minugami mono magu ano yimakuku ayapa'i era emo wata anasi yi nampa mano nesugi emi mana mana wayami. ⁶ POli nampa iyemo bemio awakuroyi,yemi Frigia Galatia magu awanapimi, Ayo Aga'ano yiwauru uyademi Gotini wayami Asia magufimi. ⁷ Misia adeka yararemi Bitinia magufimi upegara omi,ugami Gotini Ayo Aga'ano rafiyikemi. ⁸ Minimi Misia yakagaremi, anona magu Troasi kumemo. ⁹ Polimi kainanta uga yanta'i amonemi ayufupimi: Mana Masidia wata mano miniga itavemi, be wapa arama semi, mani semi Masidonia yeravemi senuyami sofaono. ¹⁰ Polimi mini kainanta ugan yanta amonem mini ame ame ureya Masidoni beyamo fau, seya intasi waunami, Goti saremi Gotini waya yiyimefa noyanti. ¹¹ Botifim rauntave anom magu Troasi yerareya Samotrais , mini wayawam mano aneka'i Neapolisi orave yami. ¹² Naemi Pilipai beyami minimi Masidonia yi anona magu mi, mini anona magufimi mana'a waya wami wage eyamofau. ¹³ Sabti nurami tauni manoni ontafike mapa kume yamofau non anapa, minifa mana yugam muke wam mage watenafiyo siga siwau. Kumantuve ya seyu nampa yigam ininam nampa waya sigasiwau yuga muku rare sire yigayi. ¹⁴ Mana inim ben avi'i Lidia , avodu unam wadoyu'i moneka Tiatira magufim moneka dewayi. bemi mini inim manomi Gotimi mano i sisake wayimi senuyanti intemi. Anona mano mini inim mano ara onta dirami naye wayamo poli sewami intano yanti. ¹⁵ Poli ya Sailasi nomi feyikaremi benampa iyemanumo be'amapim wayi nampa. Bemi mani siremi sisimemi, yigemi intami semi awogu urega anona nampa'i wanaotei setimapa yewago, mini inim mano seyuya sira'i mantarayami. ¹⁶ Ena wa'awami yugam muko wam maguga beyamofau, mana asika oma amoneyamofau savi sava awamo bepimi yayimi, wata anasi naye mo nayemi fawarinanim yiyimewayi, nesu mone'i beni dafisi amewai. ¹⁷ Mini inimano Poli nampa seyuyami siwakurewami, anona semi manisemi, manami Gotini yogamwata iyemo yanafa wayimi. Yemi waya yiyiminayo ami atedemo Gotimo wata yibigananim. ¹⁸ Mini wayami nesu wa'awami yiyimemi, ugami Pita mano araka fuga buwage' emi, minimi mini inimi amonemi mini awamu'i sasamemi, Jisas Kraisi avipim sasame'i se'i mini wata ifadano, mini ameuremi mini savi awamu ano yerademi bemi. ¹⁹ Beni dafisiru amonami mone marewan ayimi yera arami yirami gami Poli ya sailasimi ririfaremi maketi naupa upegemo Lo mano yinom wata waka. ²⁰ Yibigemi yinom wata waka bemi manisemo, mana juda wata gantano wata anasi manta ani'ana senutim magufim. ²¹ Yemi sima fawaremo Romu yu bu ewan anta wa bu awakurewa antayu'i. ²² Maside wata anasi itavemi aruvim bugami Poli ya sailasi ya uga, yinowatayu'i yekanti unam wado utu ma fasa demi aruvim watayu siyimemi yakinako yiruga. ²³ Aruvim watayu anona yi'i yimemi, yekanti kalabusi fimi yikemo,kalabusiyu dafisewam watayu yiyimemi yekanti dafima sokeogo buwa uyau voka. ²⁴ Mini waya mantaremi, mini dafisim watamano yibima kalabusi fimi demi yiga wa yiyaka wai antaurem manapa'i dukage'em. ^{25 26} Ayufu awanapa Popli ya Sailasi wa yugam mukeventa Gotipi i'i darami ayufun awanampim Poli ya Sailasi wa yugam mukeventa i'i Gotipim daram buga, mana'a karabusi wayu intaga. Mini ame ame uremi magunti dimi mini kalabusi ma'ano uwa uwa emi, ame'emi masidem onta divimi yifi yiyapa antauruka nantano iyabuga. ²⁷ Mini kaladusika dafikayi dugage en ikaka masiden anta kalabusi ma'i dibuga, beyi soparo'i mantemi adeka'i bena'o aremi nayeyara ben intami masidem kalabusi yerademi bovemono. ²⁸ Ugami Polimi anona wayafike semi, enana'o buameno, nayeyara maside yu manafa siwaunave ²⁹ Mini kalabusi dafisim watamano arama sevem onanti afakaremi amonara, iyemanuwa fabeyafo anona feganampa yema dufamemi Poliya Sailasi yifimi. ³⁰ Makantano yibigemi mapa kumemi yintauga dafisim wata yugo, iteniga anona Goti yerade sivi gatene? ³¹ Manisentamo, enampa iyemanumo enampa wayi anona Jisasi kai yimakuku ina Gotimi yeradem yibigatem yigemi. ³² Yeganiti anona manoni waya bemi samentami, masidemi beni naupa beamapim wayi. ³³ Naemi kalabusiga dafisim wata makauntano yibigem sini kanafi uremi yekanti sumi seseureka mini ame ama uremi benampa, benamapim wayi mono nomi fegemo. ³⁴ Naemi Poliya Sailasi yibigem uremi beya mapa'i, yunam makantano yimiduka, anona amo anta duka beya mapimo mo wayi nampa yimoyuremi yunami yimika bemi anon amomi uruke benamapim wayi nampa, nayeyare Goti amakuku emi. ^{35 36} Afau untami, yinom yinom wata wayami demi kalabusi yuyi dafisiru ganti semi ifayirana favogo. Kalabusiga dafisim watamano Poli sasamemi semi, yinom wata yu ami dami yemi semi , yiyikana bego semo. Mini magafo mapa asavego yirafaru mapa bugo. ³⁷ Ugami Poli sasamemi semi, seyuyani romuke wane sire nesu wata anasi yugaka siruremi karabusifim sikaka. Naugaya yemi aiyofare seyuya sisikeya bogo seye? Bumi, e'ana mini jasi yu yema sibigeya mapa bogo karabusi fike. ³⁸ Kalabusi dafisiru mini baya maremi jasi yu maro yiyimemo, yemo intemo semo Poliya Sailasi ya yeganti romu. Onona fegantim wayegemo. ³⁹ Jasiyu yerareve siguno yiyikare makantano yibigem mapa kumemo kalabusi fikem yinta emo mini magu yerarega bogo ⁴⁰ Mi'nimi Poliya Sailasi yiyikami kalabusi fikebenta mo Lidia amapim. Poliya Sailasi ya nampa mana'a yimakuku ewam watanasi yimonare yeganti mante ake uyikare mini anom magu yeraremo.