¹ Mana'a watayu Judiake kumemo Antioki'i afa awa siguru yigemo, afo semi, yigemo yu mo bu akefe'o Mosesini lo awakunti, Kotimi yigemi yeradem bu yibigatem. ² Mini mano Pol ya Banabasi asuvi anta nampa aruvim baya mini watayu nampa semo. Ugami Poli ya Banabasi manta itare mana'a akumi yen yiwanapike Jerusalemi bitemo aposoli yu nampa yenti yinom wata nampa mini intaranti asitemo. ³ Mini mono ma'ano, yiyikami bemo Fonisia wa Samaria waya yiyimi waya mani siruka, ena akum wa'i Kotipa yemo. Mini waya mano anona yimoyi antami afa awa pake yemi. ⁴ Jerusalemi yema fawaromi, mono mapike akum ano aposoli yu wa yinom watayu yibigemo yimo yantapike, Poli ya Banabasi yiyimemo masidem anona aneneyu Kotimo yeka nampa uwara aneneyu. ⁵ Ugami mana'a yimakuku Farisi akunu, itavemi manisemo, "yiyimina yumi akefareya Mosesini lo mi awakurogo". ⁶ Minimi aposol wa yinom wata duwantu uve mini yanta ganti siranti. ⁷ Aruvim waya siran aneka, Pita itavem yiyimem afa awa yiymemo a'i intagam mana'a kana yakagami Koti mana ayim yigen yi'wanapa manuga. Waya fike samirukau, mana'a wata anasi mono waya intare yimakuku intemo. ⁸ Koti, iye arakake intateve, benana'o yiyimide Ayo aga yimemi manayiom ure seyu'o urukani urem. ⁹ Bemi seyuyami awanapike seyuya nampa yige anmpa. ugami bemi yen yira'i manta soke'emi yimakuku antanako. ¹⁰ Nayeyara yigemi Koyimi maka maka irantege, ugaga mini umanti disaipoli yu yinugapim maga rantege. anene yanti seyuya sifo'e unan nampa seyuyami bu marafa nunami. ¹¹ Ugami seyuya simakuku ofaunami Kotimi seyuya sivigananim anona Jisasimi awa'awa nako yem wa mana itemi. ¹² Maside wata anasi sadage bem intemo Poli ya Banabasi Kotimo yekanto yofa urukawa ake yoganto yodukam ena inim wata yige'o. ^{13 14} Yeyi waya kiparemi, jemisi manisirem waya anona emi, afa awa seta intago. Saimoni ite aiyipina sena amanta nurani ure Koti beyi awa'awa yigate rem ena akum inin awa yivigara mana'a wata anasi beyabika. ¹⁵ Profeti yu yami mana yiraka magemi mini a'i agantukani uremi. ¹⁶ Mini anene yu anepa'i semi orare yerave'i Devitini seli ma'i uwara tege, itemi fafasigam maside anene savi ugam yerade maganam bitemi. ¹⁷ Minu ganami sito'a akum wata mano anona afakatemo nampa ena inim wata semo sesiuka'o garaunayu. ¹⁸ Minimi nayeyantaga anona mano semi, iye wa mini anene yu'i intagafauna feya kanafimi. ¹⁹ Minugami seti intiti mano manuga, seyuya sira umanti ena akum bu yimefa. Wata anasi Kotipa yewayi. ²⁰ Ugami, ye wapa afaunti agara fanu, yiyimeya mani sefanu, yemi nekaga wago awogu bu'uga avu'ava pimi manuremi muna kotimi maside masidem famuku antayu'i, nanto anta uramo fubuga aneneyu, narewa na anta wa. ²¹ Nayeyare, Mosesini lo mi sima fawarure maside anom magufim yiyimika feya kanafi maside mono mapim Sabati nurami. ²² Mini avogu uga aposol yu wa yinom wata nampa monopim wa akunampa Judasimi uya akemo Basabasive sire avidewayi. Ya Sailasi, yiganti mono maka dafisito makatano yiyikami Poli ya Banabasi ya nampa Antioki bemo. ²³ Manisire afaunti agaremo, mana afaunti aposol ya nampa yinom wata, yemi yigen yifa yiwamo, yige afa'awa ena akum wayi Antioki, Siria wa Silsia, mani semo avogu waya wane sigenanti. ²⁴ Seyuya intafauna mana'a wata seyuyam siwa mapake ugami, senupakem eyo waya bu mantuka, mana'a siguru waya yimeyi umanti yimemo. ²⁵ Ugayami waya anta ure ya wata manta itareya siyi fanam yige wapa bitemo senuyati avogu afa awami mini yoganti Banabasi ya Poli. ²⁶ Yeganti ye yu yanti bu intewaro anonamano avipimi Jisas Kraisi. ²⁷ Minuga yami Judasi ya Sailasi yiyika faunami yemono, yeganti yiyimi temo maya yiom waya yena'o yeyofeke. ²⁸ Minimi avogu'ino Ayo aga nampa seyuya bu magafa uma aneneyu yigen yimugapa'i ugami umanti bu rewanani anene yigem yimugapa dafanu. ²⁹ Minugafo yigemi yinena iamego anenemo muna kotimo amiranti, natemo rewa anta, yayaka antauramo fugewam wa, madem madem famuku antayu, mini anene mana neka;o wate'u avogu ure wanago, avogu waya wane. ³⁰ Duwantu kipami Antioki kumemo, maside wata anasi manta duwantu urami mni afaunti yimemo. ³¹ Mini afaunti yanta remi, anona yimomi mini afaunti urami yofauga mini waya mano. ³² Judasi ya Sailasi yeganto wai profeti monto mini tami afa aewa yofa uga nesu waya nako ake uyikaka. ³³ Naemi mana'a kana wama taremi miniga;i afa awami yiyikami yerade yira faru nampa buga yega ose yigayimi. ³⁴ Undefined. ³⁵ Ugamifo Poli ya Banabasi Antioki nesu wata anasi nampa wami siguru yimevemi kotini waya yiyimika. ³⁶ Naemi mana'a kanaga'i, Polimi Banabasimi samemi seganti yeraka bekaro maside afa awami yimonara maside maguga anonamano wayamo siyimidukau taga, yimonara iteniga ureya beyafo magemi. ³⁷ Banabasi Joni nanti ayemi ena avi'i Maki yeka nampa bino yanti. ³⁸ Poli mani intiri emi soke bu uga Maki nampa avigeya bofanam, nayeyare Pamifilia yera yiremi yikanampa bubemi yoganto yogantafa'i. ³⁹ Naemi, mini yanti asuvurenta ara dadentamo minimi Banabasimi Maki avigenta sipifimi daunta venta Saiprusi bentamo. ⁴⁰ Ugami Poli mi Sailasimi sima uya'akaremi yera aremi afa awa yineka bemi anona ma noni awa awa pimi. ⁴¹ Afo bemi Siria wa Silisia wa akenyikara minifa wam mano wagu.