¹ Pigo ema tigeva Anutu da auma ago maiyoma, nana viema eva tae kagava avugae kata taeva a'e yagara ena penoma. ² Mo tigeva wasana avuganda kaumarasa nasikenae, mo Mesia tae kaga-ga tavuga vemisaba mo eva ofa gandama takae yavera itama ogi agunda Anutu ti mesu ivemisa puma. ³ Pigo ema tigeva kumienava apiyoma, o kambaraga kaumave, mo tunusuwanda kaumave, mo kaegakaga puwa kena napienave. Pindana kauma agomava mo togaisa kinamiva mo Anutu pindi imatiti kina kagava oketa kasa oita kivewe. ⁴ Tigeva a'a wasanami indava isepama mo kambaraga kasa isiema o aivonavo kasa isiema, o kambaraga mandani. Pindanava oketaena ema. Kanara tigeva Anutu ka timu kasa ikenae ema. ⁵ Pigo ema tigeva mayamba aga kena ema, pi dagarama kumuena pikivi na, kambagara ena pikivipa, mo aewa kaga puga kena kinape, pipa kamasapie mo kambari anutu ta mono pasie, pimba kinapa Isu Mesia ke Anutu da ewasa kuma gativa kambaraka mesu ikivewe. ⁶ Tigeva a'a ka yagarava ataigina wasuwa kasarasava kambari kasa enoma, nanaviema, pina agoga Anutu va kamana igauvemi pindagarava amoena potakie. ⁷ Pigo ema tigeva piya kina keva a'a akivuma nasiyoma. ⁸ Amarupa tigeva tunu danavindi mitatae, pigo ya ivawa tigeva Tave Yagara manda ewasa ena wapindi mindae. Pigo ema tigeva ke nasikivepa ewasa enama dagara gandama mewaki vewe. ⁹ Ewasa ena mava ogiena avoravie piyamba piyo mo Isu ewasa enawa pindi minda wawayapa arake taena pundana taga kasa ikie. ¹⁰ Pigo tigeva agi yosagama gaiyo nanarataka paya Tave mava kanara andava puviema. ¹¹ Tigeva kambari ena pekina migeva a'a uma atoka ema nana piema kamba naindawapa avoravie. ¹² Kaka marupindi mo pimba kambara gaena puendanava avora mepagusa kenava inipikive ema. ¹³ Pigo ema ewasa enama aya emenava maema avopora puvie, pigo kanara aya emenenava ara tata taka wivie. ¹⁴ Ewasa enamava kumapa maema aya emenayaga avorama ewasapuvie. Pigo ema umaranda kasava windiema, "Asiyoma kae wasana iva kawitamindabe. Mati pindisa asiyoma Mesia da ewasaena kaeta kane takiema." ¹⁵ Pigo ema tigeva tigu yagara rapa ogima kavikena ema tigeva kamba ogi napienawa winda yagara gandamapa a'a miyiyoma. ¹⁶ Tigeva kanatipa ogima kavi kena ema, ayugu kanatipa uma paga pawasana gaya. Nana viema iva mindombe kanatapa oke'etaena mava awi tawae. ¹⁷ Pigo ema tigeva a'a aivo avopa puma miyiyoma, tigeva napiena puma mo Tave rimba nana a'e auma vikiwindana pikenara. ¹⁸ Tigeva a'a aivo wanipa andama aivo avo enawa pumamima, nana viema tigu yagara mage tima titi puma mikenae. ¹⁹ Tigeva ini buku visa togaisa mitapa iniva oitandini, mono iniva udini, mo awamusa pindisa inive, timema agarasa ogi inive uma kaga tindarasa Anutu pa isesa kenae. ²⁰ Tigeva asi asiyagava Anutu Tavaremba kagava Isu Mesia agera kaga isasugau tauema. ²¹ Pigo ema tigeripa togaisami imenda pindi atumi gina piya viki vendanamava Isu Mesia tave agi ami kivewe. ²² Kaga wayapa tigeva tiwae amenda pindi mikenae, nana viema tigeva Tavema Isu amenda pindi misuma. ²³ Nana viema wamava inatasa ano kinane wayamatasa, kamasamba Mesia geva mono namatasa ano eva yagarae. Mono Namapa Mesia ewa aune piyam bakana Mesia ewa memae ritae. ²⁴ Pigo ema Mono Ininamapa Mesia amenda pindi mindie, kamasamba kaga wayapa igeva iwae amenda pindi mikenae mo kaga enavindiva. ²⁵ Waya karava, tigeva waya tikagava ivuga kenaenava wiyenoma, pigo ema Mesia mono ininama kaga avu gatami kaga ewanda agu yagarava mono ininama takaga amigaitae. ²⁶ Mesia ewanda agu yagara amigaitae mono ininama takaga pigo awamusa pindi asienoma. Eva Inimono namapa kamana gatasa wanikandama asuwa pundana wani aema ogivutae. ²⁷ Ewa mono ininamapa ewa orapa kanara puwanoma, mono ininamapa kamba inipa wiyenoma, kamba iruturu enava wiyenoma, pigo ema mono ininamapa awamusa pindi mima oketaena gava kamba ema. ²⁸ Paviyamba taka wamiva igevita pusuma waya wikagava ivuganoma. Aendagarama waya wakaga avuga kivipa, ewa kaga avugakie. ²⁹ Kamba ka yagara mava ewa aukagava andava aeguvie, pigo ewa aupa kavima ogi naninda amivie. Kamasamba Mesia va ogi naninda amima ininamapa ogi potavie. ³⁰ Nana viema, kaga taeva ka kina kandama ewa pindi mindune. ³¹ "Pina agoga, ka yagara mava anoavapa atate waya wambage umikie, pigo ema isi geva ka isuena pikie." ³² Ma taga kasava kakama tavera taka windie, naeva Mesia ge mono ininama takaga ma kasa uema. ³³ Piyamba kana kaga kaka winagava waya wakagava avuganoma ewa aukaga avuga misamba, pigo wayamava awae amenda pindi miyenoma.