¹ Pina agoga nae Pol, naeva Isu Mesia agera kaga kalavusi yagara mo tige to wa-ami titaga. ² Ago tigeva avita kive-ema piyamba Anutu-va eriya namitae-ema mo ago-yaenawa tige tiya kikena. ³ Naeva awa ena kaima tigepa urimu ema mo Anutu-da kaka kasawa maema avoratae naeta. Pi ma kasava taga-taga kasa ka-kademine, naeva uwaena dowa tige-geva iyogi tune. ⁴ Kana agovima ma kamana i-isu kivepa, pigo ema tigeva naena arama napiena va pikive-ema mo Isu Mesia pindi. ⁵ Pai takapa, Anutu-va waya-awamitapa ma taga kasa va kamba maema avoratae. Pigo ema ivawa, Awamusa Yagarama ma kasa maema avorae mo aposel wa profet kinami pindi kana ma eriya penomava. ⁶ Ma taga kasa va ka-kamami ta-tae mo togaisa kina migeva ige-geva Awamusa Yagara manda agoyaena geva kamasa puma Juda kina mige mae kive-we. Ige-geva Isu Mesia pindi ka au-ena pumae, uta maranda kasava mo agoya kasa vindi windie. ⁷ Piyam-baka ma agoya kasa manda eriya kina wandana putue, pigo ema Anutu-da agoya ena-wambada amuena wane. Eva ma eriyapa esegi ena wandaga namitae. ⁸ Naeva Anutu-da ogi wa-ami imendapindi raka nema, pigo ema Anutu-da ogi ena ge agoya ena yake-e, eva ma eriya-pa namitae, pigo ema uma avorama ikena ema mo ogi enawa Isu Mesia-da agoya kasa windemi. ⁹ Pigo maema avoratue mo Anutu-da kaka napiena wapa mo waya-awami tapa. Anutu-va ma napiena va pai-tataka kae-marandemine mo aya emena avoran demita. ¹⁰ Pi manda pienava mono namapindisa me avo porapuma mekana tae mo ige inta minda kinape mo manda kumatisa esegi angelo kinape ige-geve kaga Anutu-da ogi napiena waka-gava agai yema. ¹¹ Pi ma napienava Anutu-da paisa napiena wakana pigo eva Isu Mesia Tave-renba pindi mesu avoratae. ¹² Pigo na-naviema, mo Isu Mesia pindi, taeva esegi puma kamba taekuru enava windie, taeva Isu Mesia pindi tama ti-ti purite Anutu tiva mewa kune. ¹³ Pigo ema naeva tige kagava tivigau ema a-a tiekuruva apiyoma, tige-enaga ma nauki-vakiena va ese-gavu ema, na-naviema mandanava tige-tige mesu asagau kuna ema. ¹⁴ Anutu-va kaekaga mandana putamipa pina agoga putamika naeva Anutu ta nara puga-yukue. ¹⁵ Ae-e asa-ando tave agi memae kie mo mandari minda pe mambavisa ve. ¹⁶ Naeva mayamba nu-numuva uwema, Anutu-va okaena-na kanara ena utagai tae-ema tige timi kena pigo ema tindava awi taraka awi tama mo Awamusa Yagarama esegi ena watasa pigo ema esegi ena purita-kini mikive-ema. ¹⁷ Naeva mayamba nu-numuva uema, tigeva tima ti-ti enarasa, Mesia-va tinda mimpindi mima tigeva esegi vuma asi-kive ema mo yavu kandama mara esegima taku remisampa. ¹⁸ Pigo ema tigeva esegi ena maekivewe, tigeva Anutu-da ayaema imati-ti wa-wayapa agama napienava piki vewe, Isu Mesia-da wasana avu gai kenenawa aga kivewe, e-eropuma, mesu inata ima, mavindi raka atumima. ¹⁹ Naeva piyamba nu-numuva uvuema tigeva kanara napiena pikive-ema Isu Mesia tavuganda enagava, ayaema tae napienava asu gasima. Pigo tigeva Anutu-da ogi napiena rasa awi tawakie. ²⁰ Pigo Anutu, eva kanara inda aya emena tae napi yombe na avi gombe, pindanava egaravie na-na esegima tanda mipindi eriya puvemi esegi enasara. ²¹ Pigo ema Mono Namatisa wa-wayapa Anutu ge Isu Mesia ge isigeva asa-siyagava mesu asa-gau yenoma, Tagane.