¹ Paipa tigeva oketaena vindi mima ago puwanda kina pusuma tigeva mita-tae. ² Tige mambavindisa oketaena vindi mita-tae, mamba vindi saena egara tae. Tigeva ata awamusa aegarama mo mandari mitama mamba evavemi. Ivawa mo ata awamusa ama wa-waya pindi eriya pegina Anutu kasa ega-yuye. ³ Paipa taeva kaga ma kamana ega-yukena wa-age mita-tune, taeva tau-amage napiena mage aumavo meta. Taeva paisa tanda ge napiena ge ega ratune. Tae-geva kamasamba ige mita samba mita tombe kana pipa Anutu da amo ena ago mae kenae. ⁴ Pigo ema Anutu-va tavera agoya ena wambe awita-wata gina tae kagava avu ga tae. ⁵ Pigo taeva puanda kina misuma oketae-ena repindi, eva tiuma va maema miyi-oma Isu Mesia pindi putae. Anutu-da ago yaena wake, eva to metiva vutae. ⁶ Anutu-va to mesu asi rata-tae Isu Mesia pindi, Pigo eva tae kagava Isu Mesia ge manda kumatisa iwanda emuyavera kaga miyi-yoma. ⁷ Eva piyamba iya kitae kaga wa-waya mekanama egara kive kaga, mo tavera ago yaenawa tae-ta putami kaga, nana viema eva Isu Mesia ge tavavuma igina ugu kai-tae. ⁸ Mo Anutu ago ya ena watasa, tigeva tima ti-tipi gina Anutu-va me tiva vikiema. Pindanava tigeripa kamba ema. Kamba rakane, amuena Anutu tisa mekana ema. ⁹ Eva kamba kawina eriya pugai tami takagava mekana tae, pigo ema kamba kawina ewa ageva asa-gaukie. ¹⁰ Nana viema, Anutu-va taipa oso wa-waya avorama Isu Mesia pindi ato kaera ta-tae, tae kaga-gava ogi-ena puku-nombe-kaga. Ma danava ago Anutu eva araketa puma aindi taeva wakuna kagava. ¹¹ Pigo paikaga na-api iyoma tigeva to kinami kina mita-tae. Ige Juda kinamiva i-u-pa kasa vudini tige kagava to-gina taema uve-e, " Kamba i-u-pa kasa kena yakara ema". Pig ema i-u-kasa ken-naena agova, wasana aya tasa puvi ema. ¹² Ma dagava, tigeva Isu Mesia tasava ira-rama mikive ema. Tigeva ave iraka minda ema mo Israeli kinata uta maranda kasa watapa. Pigo ema aindiva tigeva kamba raka-ka ogi enava mae kive-ema. Tigeva mambavipa pagasa rataka Anutu tasava minda ema. ¹³ Tigeva Anutu tasava mepaga taka mita-takini ivawa Isu Mesia pindi, Anutu-va Isu Mesia kuratasa ewati wakara metava viema. ¹⁴ Isu Mesia ewa paru anda enava pura ta-tae. Taeva tara ma mindua kana, mo ewa autasa eva tae akuninda kagisa igasavama pigo ema ka kina ena purata-tae. ¹⁵ Mapa piyamba nema, eva akuninda kasa va megasima mo kaga Judami kasa geva. Eva piya putamipa mo tara kina mema akivuma ka oso yagara ena pota kena. Pina agoga eva ka tanda paru ena piyoma. ¹⁶ Isu Mesia tara kina maema ato kaetae mo ka wasana piema Anutu pindi. Eva ayaema kamoena kandava kaga takae yavera aegu gai tae. ¹⁷ Isu -va mekanama a-u-winda kasa kega pagasa mari minda kivembeno mo wakara mindabe agoya kasa amba utae. ¹⁸ Mo Isu pindi kaga taeva Anutu ge mikune ka awamusa wa pindi. ¹⁹ Pigo tigeva ivawa to kina tae, kamba toma marisa o pagasa marisa oma. Pigo ema tigeva aena wa-waya witaema, Anutu ewa tigepa ewa kina tae uti maratae. ²⁰ Tigeva Anutu-da waewa tae-ema purita-tae, pigo pinda-mapa arimara tapa mo aposel kina, mo profeti kina mige uta kasarasa. Isu eva kana mama-gama akapisa esegi posiwa ewane. ²¹ Eta ando, aya ema nanda ayambu kanara esegi asu putae, pigo mesu anosama tave vuma kamasa tave yagara manda ini nama kanda asu putae. ²² Mo eta ando eva tigekeva puritama tige-ge kaga mesu asima pigo Anutu-da Awamusa Yagara Manda namaga dana tige pindi wikie.