¹ Sorwara awaspa enakepa Gerasensipa arenoyo. ² Jisasi boti kinke ademi yenimi manawanta kurum spiriti dukani yemoni. ³ Mana wanta masipa wemoni, iye mana wanta we pakemoni. Seniwa iye pakemoni. ⁴ Amuna ya aina wa seinifo karabusa menoyo. Aka karabusa oyo senin dakadaka memoni diniwa pundondemi. Iye wem pakan awanka wemoni. ⁵ Umaden taimi masipate wa anupate wa wadem ifidemi osa we yo akemi. ⁶ Mini wanta JIsasi nempate onademi iyayom maro akantimi akorukaremi. ⁷ Owa dare ifidemi, se naontekafu, Jisasi Goti aka? Goti awita inanteko iyewa si simeno. ⁸ Jisasi mini manda spiriti wani semoni, mini wanta ukude mapa wono. ⁹ Jisasi indamemoni, en awi iye wenafi? Mini wanta samemi sentivi Liyini wemi, newarafi, wayu amuna we. ¹⁰ Mini wanta Jisasi indamemi iyewa mifa sisinkano. ¹¹ Kipa anuka'i amuna poru nani nenoyo. ¹² Mini spiritiu Jisasi kai inda enoyo, wayu tisinka porukim umpekano. ¹³ Weni eyosimi dani mini mand spiriti mapa kundemi pontimi umpekemoyo, poru iyayoni nompimi ofekenoyo, wakaka (2000) poni nomkim pukenoyo. ¹⁴ Poru nam yimeyo wanta mini aneneu oneni iyayeni siti wa nom awasa weyo iniwanta oreni siyimenoyo. ¹⁵ Jisasi wanipa yereni onayomi manda spiriti dafitani wanta kumanten wemoni. Kamuna indemi wemoni. Wen onademi pekenoyo. ¹⁶ Iye iniwanta mini kurum spiriti wankakim anene oneyo anasiwanta siyimenoyo, ne poru heyafo miniwa siyimenoyo. ¹⁷ Yenyi maku ukudem wino wani samenoyo. ¹⁸ Jisasi botikim indo onami mini krum spiriti dukam wanta Jisasi kayi indae awano ema wonuno. ¹⁹ Jisasi samemi awensemoni afo wen samemi amapa ore en akum siyimeno ne anda iyeno enka urarenafino. ²⁰ Afo manda spiriti dukani wanta, akufandemi iyeno Jisasi onin anda siyankam makuni indideni yukam anaonimi anom yimonenoyo. ²¹ Jisasi solwara awasapa wemoni, botiki wewanimi anasiwanta wemi yenkenoyo mini nom awasapa. ²² Mana lida wanta Juda-uyi mamaka dafitami wanta wen awi Jairus yeremi Jisasi akontimi akor-ukaremoni. ²³ Mini wanta yerande semi, " Sentiramum pukirani atika oremi, eranta semi yere ore ayan sentiramun aropa dam yeranden ukukano. ²⁴ Minonim Jisasi mini wanta wai wemoni, woyomi amuna ini wanta Jisasi atika yereni we yeukenoyo. ²⁵ Mini mana ini twelfi ankuka ikona onem wemoni. ²⁶ Aka mini ini akim wemoni,weni onene umai doktafa kipemoni fo, pani mini awin wemoni. ²⁷ Jisasi awaya indidemi Jisasin anaye undemi kamuna aru emi. ²⁸ Mini inini wina semi, " Jisasini kamuna aruare i sasasim marante'u." ²⁹ Mini ini Jisasi aruanim uwo iyen demoni we oka onanimi mini awin kipemoni. ³⁰ Jisasi akaka-emi firimi-emi weni eram kipewami, waye-emi anasiwantaka semi, iye senti kamuna aru-ena? ³¹ Weni disaiperu wem mini samiri menoyo, onano mana amuno iniwanta kina i ese, iye siru efono. ³² Iye siruenafino siremi Jisasi yifakemoni. ³³ Mini ini andu-iremi pekemoni, wen okan'ko ampamonim anda. ³⁴ Mini ini ka Jisasi semi, eni indikari-im ayayemifo en aku wa-i kipantemi. ³⁵ Pa mini wanta waya sewani, mam lidau yereni wenka seni, "En aramum ayi pukemi, iye wa Jisasi wokar ameno?" ³⁶ Jisasi indidemi semi, newara seyateno mam lidauka-i mana siyimini memoni. Iyewa pekako, indi kara mana ogo. ³⁷ Minonimo anasiwanta wiranoyomi wawa semi, Pita, Jemsi, wa Joni, Jemsi afa. Yemana yiwikemoni. ³⁸ Mam lidia-u yimakim yeremi Jisasi indewani anasiwanta ifideni rofe wenoyo. ³⁹ We makim undonim, we mini siyimiri memoni. Newara dofe ifideka, am iye pukemi pani wemi. ⁴⁰ Anasiwanta Jisasi indewani wem amarieni intewoyo. Aga mini akinta ano afo wa wen akumi yiwikemi namunkim ureno. ⁴¹ Jisasi mini inta ayan pokare semi, Talita, Koum, mini waya wayedanami, kipa akinta, enoni se-uku ukuka. ⁴² Aka emi mini akinta ukukemi, ( mini akinta 12 anku dukemoni). Anasiwanta yindudeni anom yimonenoyo. ⁴³ Mino nimim Jisasi eran wayani semi iye wa enu siyimeko. Ina emi Jisasi semi mini akinta naru ameko.