Sapta 4
1
Yerandemi Jisasi uno awanda sukuri siyime wani, amuna ini wanta wema weno, Mana bouti non amuka wanimi Jisasi minikimi unkuman demoni. Amuna ini wanta uno awanda wenoyo, Mini yamu,
2
Amuna anene Jisasi wayekan wayasimi
demoni anasi wanta siyimemoni, Mina semoni.
3
Indeko ! Mana wanta yuna yokewani weni yanayu
yokarani wemoni.
4
Yokewani, sana yanayun anka
adewani nunu nenoyo.
5
Ena yana yunu oh makaka
adewani iye amuna maka wenikim. Akakaemi uremoni newarafi sana maka wemoni.
6
Akakemi, yanayunu yokewani yerandeni ayankeno
newarafi, anu makakin iye kumemi,
7
Ena yanayunu
manda namanki kumenoyo, Mini namaru arewani
iyewa nar akan iremoni.
8
Ena yanayu sawoku makakimi kundemi ireyo 30,
60, wa 100 yanka kakemi,
9
" Yerandemi semoni, Iye akan dukantenafi, weya indi !
10
Jisasi weyaka enafa wani, Anasi wanta wa disapelu weni wayekaruka inda oyomi.
11
Yenka semi, Yike ahi Gotini opatena inarun indin marami. Aka iyen ini - wanta mafa weyo, Umaden anene wayekanta wemi.
12
Minukami, onantenofo iye onanteno, iye indeyo pani indintenofo iye onakeno, Mini onade Goti wapa yinayo yeyi numo uki yinkatemi.
13
Yerandemi yenka Semi, Yike wayekaru amara ukeka? Naudaka ena wayekaru amaranteka ?
14
Yunam yokeni wanta yanayum yokeni Gotini wayani yokemi
15
Mini ayunu ah ararepa kukufemoni, Mini Gotini waya yokemi, Aka mini waya anasi wanta indeyo wam akauremi yemarami wemoni.
16
Aka ayunu onaropa yokeni mini ini wanta akakeni
Gotin awaya yimo yintai marenoyo,
17
Ye - anu iye
dukeyo aka kikoka weni kiko awamakan yemi,Ye
akakeni minikim yandeno. Ena ayunu kurun namankin yokeno,waya inde weno.
18
Ena ayunu kurun makakai yokeno, Waya indeno
19
Mini akan anasi wanta makaka kena anene wani indikara yeyo Goti awaya aremi, iyena akam ireno.
20
Ne sawoku makakim yokenafi mini indidemi awakeyo, ye narakam ireyo- 30,60 wa 100 ye yankakemi.
21
Jisasi yenka semi," Yike yimaki ramu indide baketik deka,Afota ramu kakemi ma umadenkim.
22
Newarafi, anene opa wantenafi afotai wantemi
23
Iye akan dukefe weya inde."
24
Jisasi yenka semi antedeka indeki ne amanka indintefe mini aman kamana maranimo.
25
Newarafi, iye dukantenafi, Awokui mara nomi.
iye iye dukantenafi weyinda whai maranteno.