¹ Mini asaka ike bayi ukanakon ininanu, iken yivafun akum pena baki. Emini nani, bantau ye Gotin avaya iye inde yon ni, ike yen yinama kukin kena awoku baru i onanteno. Minen amaka ye bayayu iye tinte nofo amaka i mini baruponi bantau tasa sirani yindun baekan teno. ² Mini foni yeni eni avoku bar onakara yimi yen yindun daba avokufi intemi. ³ Ikeni, iyevaka i ikenyi avokuku mapa buna mana o uwarankaki, manema anon dume onava, korifoni on uwaranke ona nama, awoku oanami eonanama. ⁴ Iyevake, puka sikenin ouwarankani benimi, eyan mandan makafin deva i nana ya uka. Gotin okaka i mini i avoku kukami bemi iyena andanda ukami bemi. ⁵ Anteke yon ininanu i yeyani mandan makafini mureni nanan nukeno. Yeni Gotin avayani pukan tikenimi indinke, onankeni yeni yen yivafun akum pemi beno. ⁶ Mana amanka i bemi, Serami Abrahamin avayani indiremi Abrahamin aremi semi iyeno ven temi.Ene, iyeva umaru akan peke avoku baru uware i, eni Seran aka kekem banona mini. ⁷ Mana i muke nove, ike bantau baka i avoku indin nama beka i iken yina maku namaka i, baki. Nevarafi, erani anasi u i, iyeva i dukeno.Ikeni avoku baruka i iken yina maku uwan yikakive. Nevarafi, anasi uba i, iyaka benin yaumi maran teno.Ikeni micni bara uwan dana i, iyeva iken yi yukam munkiru uyaka. ⁸ Baya kakipemi,ike umade va mana indinta beka i, ikeyam mandan makafin deka i, enava i, yindun tinke va avoku onari oki. ⁹ Eno iye emi manda uwaran kantenafi, iye vaka yeveke bema mini manda uwaranka.Enni avokufi ukananim baru manava i, yemi uwan yika, iye uya yeni emi manda uwaran karan teyafo.Nevarafi,enni iyena avaba i,mara nona minove, mini avoku bani eni uware ona kake. ¹⁰ Iyen iniya baitau kai, yeni avokuka be avoku yaum benin nan yiyenafi, iyevaka i yeni yen yofen e ana i manda ukenin bayayu tena i, umaku iye vaka i, ti. ¹¹ Yeni manda ukenin baru yoyena amireya i, anteka nanin baru uwarar ayara i afaka kive. ¹² Iyeno i, ante keyon iniya baintau ka i, beni okamadu kemi yenyi yukamunkiru i indemi. Aka, Goti iyeva i avokuc yonari eminive mandau uware yon iniya baintau i. ¹³ Iye emi ananka ankantena, mine evoku andanda uwarar ayin duka naneve. ¹⁴ Aka, mine e, eni awoku andaka umamare i, mini aman kaino.Mini aya i avoku i maran nona minove. Nenecne andandau akara i bantau pekan teyafoni, iye vaka i peka. ¹⁵ Eni iyeno Jisasin mandekeva i,avoku andanda kevaida.Eni umaden yamu i tesa manava ukeva i anasi banta tiyi meva i, eni Goti nama, beni avoku ban nama onaka ran nuka nami. Eyam mandan maka fini ureva i, dadake nana yin tinkeva i yemi baya tiyime. ¹⁶ Eni Gotin kinken yenin avoku indira i duka na i, iye beni, avoku aumi Jisa sinkimi benin anan uwaran karar indeyafo, yeni yiyo rinte noni. Nevarafi, eni iyeva manda baru uwarana baintam banami. ¹⁷ Mini amanka ino, minema Gotini ayinta umamare onave.Avoku baru uwaremi iyeva i manda ukenin baru uwara nami. ¹⁸ Jisasi beni antekanim baintam bemi senifo aka, beni ikeunama numo iniya baintau si umani mare moni.Jisasi minin uwaranimi, ike unama i tivi ekemi Gotin anaka i remi. Papa i bemi aruram puimi , aka Gotini Holi Spiritin yevekem bemi ukuka akemi. ¹⁹ Holi Spiriti kimi Jisasi oremi maro bayani tiyimemi, spiritiu i iye uya yeni make kalabusikim beyafo. ²⁰ Mini yamu i yeni bayani bayani iyeva i inde vayomi, Gotini nana yini pani yeka Noa ni kukakan yamu ka i dafita nimi Noa mini yamu i, sipi uwaremoni. Goti avokufi muremi 8-iniya baintau manan dafi yikemoni ni, mini yamu anonon yenimi. ²¹ Mini nomi, nomi mare yonani amam makemi. Nevarafi, Goti nomi mare ona foni yeveken avikemi. Nomi mare yomi, banta i numo yo manandan dara rainive. Gotin Jisasin bamasipike ukukar akan toni, ikemi yivikemi. ²² Jisasi inarumpa i undemi make Gotin ayan akum pa i bemini.Ensoro u nama iyena baintau nama umaden mana makakakena eraru nama i, ben arafim manava yeki.