¹ Mi_ini mana mukeno, iyevaka ena ena asapatena manda pasini va umaku ena ti ankako.Iyevaka uma bainta ke ena uma iyeva ti ankako.Uma baya u iyevaka ena tame. ² Ase makan inta ka i nanani andenim ,mi_ini mana mukeno, Gotin avayayara i ema arara pukino, minifoni eni bilivi eni bilivi mamar erarinonam. ³ Afo E indi eke puka Goti avokufi u yinkeni bayave? ⁴ Jisasin benipa yeno, beni onabami amumi kukenini mukani anasi banta yifokanka evayo, afo iyena Goti bani making u rem temi tenti dia u kan onabane teno . ⁵ Aka ikeni onabami amumi kukenini mukano, Goti ikemi mandem Holi spiriti ama-i uwandem mi ikemi mandem beni Holi pristi uranaka ikenyi yindum ofa ke ure Goti amekovare mini banana beni amoyeno. ⁶ Gotini buku kimma i tikeno, "onano"teni Saioni i mana onabami danam ukukakeno, teni making urukami dia kukamukeno, iye benkim bilivi intefono iyeva I ayorin nonano. ⁷ Mini mana mukeno, iyena iniyabaintau bainta bempa bilivi e fono. Afo mini onabami ma-a uwaram bainta rausin enine? Mini onabane avoku onabami ampa meno. ⁸ Mini mana mukeno mana onabami anasi banta yikani yindukarani yamireyone? Nevara yandeyafo, Gotin avayani sakim meyompoye .Yeni mini yokam marakovani makin ura beyo. ⁹ Ikem mana Goti makin eno, Holi eka beni Pristi yokam marakovare. Ikeye Gotini anasi banta ukami be-i Gotini avokukani Ena iniya bainta u tiyiminakono. Ikemi ayufun kinkena yivimar kakan tai deninare. ¹⁰ Peyukane, puka iniya bainta keva bakeko nainno, afo make puka Gotini anasi banta ukami bano. Aka peni iyeva avaba dukakekomifo make ikeye Gotin patena avaba i dukano. ¹¹ Iyen iniya bainta teni laikin ekafu, teni iken yonaeke ena makusapa tena iniya bainta yonari meko. Mi-ini mukemifo iken yufimi yu i peni pasini uka ekadako. ¹² Avoku pasiniva Gotin iye save ukeyon iniya bainta u yocyika,emi sini bainta ke anami kayinteyo. Mi-ini mana mukeno eni avokau yokani onareni Gotin avimana kumanar yani inteyo Jisasi ovekem yinanin nurane. ¹³ Jisasin avitina yani Irani, King na nampa dukeyon iniya bainta u yivayaya indeno. Nevarafi, King mi iyena erani dukeno. ¹⁴ Beni King mi makin eno,Gotin temi iyen iniya bainta manda uwaranteyafo manara karafusi ka oko, aka Goti amoneno iyen iniya bainta avoku pasini efono. ¹⁵ Minivake Goti laikin evam pasini uwarano, E mini uwareve, iyen iniya bainta Gotin avaya areyafono yen yofemi mata i kuyinonano. ¹⁶ Fri bainta keva bano, iyevaka manda pasini uwararar indeno, iyevake, Gotini yokam bainta keva bano. Avoku pasiniva masiden iniya bainta yocyike, ena en afa avana enavaka laikin ono, Gotin akampeke ben avimana kumanar yaniono. ¹⁸ Ike yokam bainta u ko, ikeyam manar ikenyi iyenon ayampim deka beni aniniti kina bako. Mi avokufi meyo-u hi aniniti Kim manawaino, iyeve. Mi-ini bari-i manava oko iyen iniya bainta ikemi manda u yinkeyafono. ¹⁹ Mi-ini avoku i bemifo amoya ono, umam mare, anavisi mareonave Nevarafi eni Gotini save mukanano. ²⁰ Ne avoku ayaka marantena mana bainta manda uwarakem anavisi marene? Aka iye avoku uwarakem anavisi marefono amoya ono, Goti en avi-i kumanar yani inteno. ²¹ Iyena indini Goti ikemi makin enine ma- ani mukeno, ikeya baka yinavisi marako. Mi Jisasi anavisi i mandem enka i pukenine, emi avoku piksa yo-akeno amankaka Jisasin enin avakuriteva? Beni uwareni pasini uwaran teva? ²² Jisasi iyen sini ba eno, miniva iyeva i enava umaba ti-ankeno. ²³ Anasi banta bem manda u anke bayone, iyem beni manda ba u yinkeno. Ben arumar pukirakr evayone, iyen bekin irandaba indeno. Beyani manar baya sikeri evanim bainta arafimi deno. ²⁴ Goti ike-u namati umani, ike - u namati sini manar beni avoku buka i Demi diwai krosi ka kum pukeno, mi-ini mukemifo iyevaka sini uware avoku pasiniva avakurono. Jisasi ben o ka i manda marenim poni Goti ike-u nama amankafi u sinkarukano. ²⁵ Puka u kane ikeye sipisipi donpin nukenini mukake i aka make ombeke Jisasin Kimi yeno. mi sipisipi ka nama laifi ka nama i antenim bainta beni pake.