¹ Mini anecneuc ánaempaci Poli Atensi yereremi Korinic bemi. ² Mini avafac beni mana Juda bainta onemino, ben avic Akuilai, beni Pontusi magafateno bemi, beni bey anac Prisira namac Itali magu yereremi yemi. Klaudiusi masiden Judauc Romi magafac yere ece bogo vani siyinkemi. Poli yen yonarani bemi, ³ beni yena yogan yogaric eva bemi, beni yenamaci bemi seri andukevami, yenyic yogani seri andukin yogani bami. ⁴ Poli masiden sabati nuram baya siyimemi, beni yenyic indin kaga yinkevami, Yudauc namac Grikiuc namaci. ⁵ Afo mini ginkaci Sailasi Timotin namac Masedonia magu yerereni kundaomi, Poli mam baya siyimevami, Iyenonic Ayo Inta bemi eran baya siremi samimi beni Yuda inimbaintauc Jisas nani Kraisi bemino siremi siyimemi. ⁶ Afo Yuda inimbaintauc mana yirakac beni bemi mandaic siankarami, Poli beyic bacdouc yen yugampemi dundun uman demi, yemi siyimemi, "Ecanaci yigen yic koran yigen yicnon naroc bano. Senkim mana umanda iyem bemino. Mage mana nuran kake kugandeci mapac inimbaintauc paci bontecumpe.'' ⁷ Afo inaemi, beni yereremi mana bainta ben avic Taitius Jastusin amapaci bemi, beni Koctin kac man sevam bainta bami. Ben amac mam mac adekaci vami. ⁸ Krispusi, mam makim anaric ugam bainta bemi, beni Iyenon kim birivic evani, ben amac kim ban inimbaintauc baci birivic evano. Amucna Korini inimbaintauc Polin avaya indireni, yeni birivic eni nom mareno. ⁹ Iyeno ayufumi kainkac Polin samemi, "Eni iyevac fegano, baya siyimevac, kapinage iyevac bano. ¹⁰ Seni enamaci becumpe, mana bainta vac emi mandaic iyen uankantenone, seni amucna inimbaintauci mana taoni gim dukaunani benone. ¹¹ Poli minigim mana orande sikisi igona gaci bemi Kocti avaya banta anasiuc siguru yimevami. ¹² Afo Galio Akaia magusapac gavanaic uini Yuda inimbaintauc Polin avigeni ko kac yeno. ¹³ Yeni seno, "Mana bainta yirac mandani loc haya ugacdareni enac ugan ásapaci Kotin kac man senone." ¹⁴ Micni sirami, Poli a sirar imi, Galio Yudauc siyimemi, "Yigeni Yudauge, manai fuga siren iye anteckan anda benafi, haca, lo ugacdaganami, amankaci yigeni mandan ukukanagomino. ¹⁵ Afo mana i bayauga, yiviguga, yigen yic lo banaci yigenafo vaci simar antegago. Seni mana andau kac yasi ic iyen ontecumpe." ¹⁶ Galio indir uwandemi ko magusake siyinkarani beno. ¹⁷ Micnuini, yeni Sostenesim fakeno, beni mam mac kimi yinonic ugam bainta bani, koc magusac bemi manda yandaci areno. Afo Galio yena mini uvaranan umar indiric iyen emi. ¹⁸ Poli mini gim amucna nuram bagemi inaemi bey afacava unam yere yinkaremi sipi yemandaremi Siria magusapaci Prisila nuc Akuila nuc namac beno. Beni Senkria oraemi un non avafac bey acnon yo akecyemi , beni poromasic uvandukagemi, micnemi. ¹⁹ Yeni Efesasi yeraeni, Poli minigaci Prisila nuc Akuila nuc yere yinkaremi, beyakaci mam mac kin umpecemi Yuda inimbaintauc namaci a semi. ²⁰ Yeni Poli yenamac iyakac bano vani indaurami, beni ecemi. ²¹ Afo beni yere yinkarem birar emi beni semi, ''Afo Kotinic ayina banaci, seni yige banagompac ovaege yentecumpe.'' Afo icnaemi beni sipi mandaremi Efesasi yereremi bemi. ²² Poli Siseria magusin oraemi beni Jerusalemi fatena mam mac kin undaemi, birvic an inimbaintauc a yindiremi, icnaemi Antioki kumemi. ²³ Poli manaca nuram minifac bagemi, beni yereremi Galesia namac Frigia magusinkac bemi macden disaiporiuc eraruyinkemi. ²⁴ Afo mana Yuda bainta, ben avic Apolosi beni Aleksandria magufatenom bemi, beni Efesasi faci yemi. Beni ayogugic uremi baya semi beni Kocti avaya indigaraci ugami. ²⁵ Apolosi Iyenon avaya gim siguru avogugic uremi maremi. Beni Ayo Inta gin amusin kim bemi, beni a semi antecdemi Jisasinan siguru yimevami, afo beni Yoni nom manyinkevam manan onagami. ²⁶ Apolosi kugandemi mam mac kim eran namaci siyimevami. Afo Prisilanuc Akuilanuc bena sevan indireni, yeni ben avicman avafac deni avogugic ureni sameni, avoguc ure Kotin avakurinayon ayani sameno. ²⁷ Beni Akaia maguginkac birani ayimi, afacava unam baya sireni erar amicdeni, ben avogugic ure avigago vani afan sandegeni Akaia maguginkac kena disaipoiuc yimeno. Beni yeraemi avogugic uremi iyeuyafi Kotinic avacbac kim birivican inimbaintauc anonic uremi yiyayemi. ²⁸ Apolosi anon eran namaci Yudauc, banta anasi yugan kac yen siman, mandaic uyinkaremi, yemi Koti avaya ginke Jisasinan Kraisi ino siremi siyimemi.