¹ Ena iyeva daime, embac iye daimantemi. ² Mini daminto ena daindanami embaci, minifoni emi umarugami arintec emi. ³ Fayaci sito pompom agagukam benim enafa abam okapenkena oneba, anon yaki en okampem baya iye onanagakeve? ⁴ Ikenurec ena afa abanan seci,eana sito pomppom aga okampem benim uyenkaman ankano; embac anon yaki okampem bayave? ⁵ Eye kantam aban dukanobe! Enare eyokampenkena yaki uyenkarebac,mikake abokuc onaric uremi eyafa abam okampenkena uyenkanonami. ⁶ Iyeba abogu yunam benim madam iyanuc yeme, eyic ba abogu ankararo mandam foruc yontapac ano, minageya yinkanto akaravareya dakaman sitosito ifo. ⁷ Indaurananaci, emi ami. afaganono eni onanonami. Ona arinami diankatemi. ⁸ Iyeucyac indae yafo, mareno, afaka noyou oneno, iyem bainta eni ona inkamintefe emi diankantemi. ⁹ O iyec enkike, en akac sikoni aravan inantina onabam mandan aminteve? ¹⁰ . O noyakan inantina meman mandeke aminteve? ¹¹ Minic ugemifo, iye eni mandauc oneci abogu mandan anintauc yimefe, Enafo inarumpa beni avogu aneneuc benga inante youc yemenafi? ¹² Minic mugemifo, ne anene bantauc uwar- ankakobara indefe, eyabac yemi minuc bac uyinka, mini bayani Kotinic yokam baintaci sirukami. ¹³ Sito onakim beyon asacka umpeka. iyena ona benim ani anamukemi abigemi mandakimi bintemi, afo amuna iniya bainta mini asa beno. ¹⁴ Afo kipa ona benim ani, aniyocde afakare oremi bananabani maranonami. ¹⁵ Mibe uma yokam baintabare, sipisipi aka kana uemi mini unambadokimi uremi yemi, fukaukane afasam iyammi bemino. ¹⁶ Yenyic yunam akankaci yonanonami. Afo amankakaci bantauc avi yasankena akami maranateyafono,o ena avi yayakam bake? ¹⁷ Miniasapate aboguc akami irintemi, manda yani manda akami iremi. ¹⁸ Awokuc yani manda akami iye irantemi, mandayani awokuc akam iye irintemino. ¹⁹ Umacden yayuc awokuc akam iye irinanimi akefamani ikakimi acninteno. ²⁰ Yenyic yunan akami mikaci yonaman afotaci danonami. ²¹ Madeukana senani Iyeno o, iyeno o, seyou inarumpac urinteyau, iye ino, sentifo inarumpa beniyi, benic ayintac beni manaino. ²² Amucna baintauci mini yamuc senani seni, Iyeno o, Iyeno o, en avickimi ano yokani marewacumpe, en avickimi ocemi sankevacupe. ²³ Mikaci yemi mandan afotac deci, emi iye onakecumpe, sicnaempac yankakano, eni manda uwaranon banamino sentecumpe. ²⁴ Minicmukemifo, sentibaya indere abukukureyo yenyima onaroc i uwareno. ²⁵ Aci rem kumenimi nomi sayemi, iyena sisoba emi mac iyen pafasemi, nebarafi, onabam naro i uwantemi. ²⁶ Afo amunoukam sentibaya indire, iye abukiranayou yeni oembaintake eyu naroc uwareno. ²⁷ Anon ac dem nom sayem,sisobanama emi mini mac abekaranami manda pafasintemi. ²⁸ Jisasi mini baya siman kiparanic, banta anasi ano indirimeno, siyimentinukare. ²⁹ Anon eran dukeni kanaci siyimemi, iyen yenyic indim baintakanac semi.