¹ Oukure yeukure vaci enic antekan abuavac anasi banta onakobam yen yugankac uwara, mini ayac inarumpa eyafo bampate iyem maranonami. ² Andada iyeruke yuo yimirani, kam bofem dukam baintauc mam mackinkac namac ayana anasi banta yem manam yanic ogobam ufen areyonic ure bac iyevacdo. Fugan emi siankego, yeni aci yeyi ayac mareno. ³ Afo andada iyeruke you yimirante ec anam en ayan opatena ayan mano iyeva onano, nec en ayan ukam mano uwarenafi? ⁴ Micnuinama enou yiminona emampac yimiranami afo enafo emampac onemi ayac amintemino. ⁵ Inantintei, iyevagac kam bofem dukam baintauc kege ogo. Yeni mam mackinka namac ayanafatac ukukage inantirani yiyemino, micneva anasi banta yonakovare. Fugan emi siankego, yeni yeyic ayac aci mareno. ⁶ Afo ikeye , yikena inantirani yike yimakin umpeceka, ona munkurekac yiken yifo emampac bemifo inantego. Afo ikem yifo emampac bem onaremi ayac yimintemino. ⁷ Yikena inantirani, amucna bayayuc mapac baintauc seyonic iyevac o, yeni indiekeni mayau amucna bayayuc sevanauc ic inditemino seno. ⁸ Mini ifo, yekacna iyevagac ogo, iken yifo onankemino, ne anenec bara inde eni ben indae. ⁹ Macni inantirika ogo: Mayau sifo inarunkimpa, ecanan en avic antekano. ¹⁰ Ecanan enic kindomi yino. Ecanan enic ayim bano mana magagac inarumpac beninic urene. ¹¹ Mayau simeno mana nurankena yunane. ¹² Mayausic manda andauc ukic sinkano, mayau mandai usinkeyo uyic manda andauc ukic yinkeguna ureve. ¹³ Mayau sivic eke yimam makantin iye devac ic mayau sivikano manda kinkeve.' ¹⁴ Yikena anasi bantau yic mandauc ukic yinkami, inarunpate iken yifo yikembac ukic yinkantemino. ¹⁵ Yikena enouyic manda andauc iyevac ukic yinkarami, yikembac iken yifo iyen ukic yinkatemino. ¹⁶ Miniuc namac yikena yunan ece inansintec ic iyevagac ific bundic ec, kam bofem dukam baintauc kege eno. Fugan igemi sinyinkego, yeni aci yeyic ayac mareno. ¹⁷ Afo ikeye, yikena yunan ece inansintege, yicnonkim basafem acdekac ic ike yun sesec uregac, ¹⁸ ic enoyic onantac yunan ece inanteyoni iye egac ic yigen yifo mana emampac bem, emampate yonemi ayac yimintemino. ¹⁹ Mana magagac onda anda iyevac ucyefano, bamina konkonuc ire banami umom baintauc ukac dare umorinteno. ²⁰ Inarumpatena ond anda vac ucyefago, bamina konkon mano iyen anankayintemi, umom baintauc bac ukac dare iyen umorinteno. ²¹ Nafagac eni onda anda bantenafi, mifa ic en anduni bantemino. ²² Ogamano okingena omino, en ogan ayogugic uganami en okingac kagantemino. ²³ Afo en ogam mandai uganami, umacdem bunam ayufumi kantemino. Afo on enkim bagem ayufum kanam, anon ayufumi kantemino. ²⁴ Maya kantan dafisintac iyen yongantemi, mana afogaremi enan ayintemino, mayam pagic emi ena eci rantemino. Eni amanka Gotinic yokan namac mana magagagena yogan namac iyeu maran nonami. ²⁵ Micnuga ic samego, eyic baru gar anon indiric iye ono, ne yunanamac nonamaga ne ey age ne unambacdo inte. ²⁶ Nunuc onano. Yeni yocde kore manan iyen ucyefenone, unan deyompa inarumpatena enafo yemi dafisemino. Eni yembac ic yesan kaga namino. ²⁷ Iye eni eyic baru manan anonic irar anon indiric ec. ²⁸ Eni nevarac unambacdo var anon indiric ec. Atauc maga yana ba nar indeno, inkecnikac ure ampame yafo. Yeni iyen yokeno, yeni unambacdo iyen eno. ²⁹ Emi samego, Solomoni beyic anom bic namac micnagenkam unambacdouc iyen emino. ³⁰ Goti atauc unambacdo uyinkaranami, mage ayum bagem saganami igagimi mandan acnintemino, nacde yaca emi unambacdo uankatenafino, ece kipa yokaric ono. ³¹ Mini ifo, anon indiric iye ono, ne yunanac nec ne nona narec inken unambacdo ontekafuno? ³² Mapac baintauc mini vani afakeno, en afo inarumpate onankemino miniuc dukar indanau ge. ³³ Afo Goctini kindomi namac benic antekam anda namac afakaranami mini anecneuc emi amintamino. ³⁴ Mini ifo, sakanankena var anon indiric iye ono. Ena nuram mano beyarani anon indiric intemino mana mana nurami bey amankaci beyic umani dukemino.