¹ Nageva agatuwe sipsip awaloma amalu seveniwa sili yaga alila kaye malanda. Piya vutagina kawina fowa kina miye pindisa piya utaye tavela kegaye utipa andalu uma, " Kano utaye!" ² piya utagina pavita tave lave hose kanataye. akavatiba kawina mala mima mitaye, kana pindagara mava ilevuge ilegema uma mitaye. Anutu va ka hati amitagina pulitaye kama ena winimi venoma kamba laga yagarama kama. Aye watipa evi evima kama ena vuma winimi venoma wataye. ³ Pigo ka aogangapa sipsip awalo ganda vuti kinama aigitaye tara sililo, to nayeva avitogana tara gina malo utaye pi fowa pindisa," Kano utaye!" ⁴ Pigo ayeva piya utagina, pavita tete hose kanataye. paviti lova ka yagara mala mima mitaye, Anutu va amitaye esegi ena wawaya agokaye vekana iyuma akusanda ena vindiva kambalo mikiveyema, piya vigina igeva igewi a ayegu ayegu ena vindi mikiveyema. Pina amika ayeva tave yogi mete kanataye. ⁵ Pigo to sipsip awaloma kakaga sililo aigitaye, nageva avitogana to kakaga ginama pi fowa pindisa ginamalo utaye,"Kanoma!"Pigo pitapa, agatogana tunu hose kanataye. paviti lova ka yagara mima kanataye, ayeva kamasa sikel mete aya pindiva kanataye. ⁶ Piyavutagi pigo nageva avituwe awamusa ngaga utipa pavi fowa kina miye pindisa utagi. Pi hose akavata miti naka omitaye, "Pindanava puma avolo omitaye ka alita witive ape ngkwape igoma puwaki yema ka yagarama eliya pikivipa avaya lasa atami wama pikiyema kana naninda mekena mone akivi kibipa. Piya vutegina to ka enalova puma avoloma kakaga alita bali lova aisagoma kamasa apeta. Pigoya tova a melungava poma olive weli omandage waini omandageva." ⁷ Pigo sipsip awalo malova fowa sililo aigitaye, nageva to avituwe pi fowa kina malo utipa, "Kano utaye!" ⁸ Pigo pitato agatopa yagigu hose kataye, paviti lova ka yagara mima kanataye, pina agewapa, " Pindagarava wawaya igokaye vekina pulikena,"Kaisa gina milova agaluvata kanataye; Pina agewatova, pulinda kina we mbaliyema."Anutu va pi tarava isimitaye esegi ena wasana uma ayegu yenoma fowa ngaukwai mamba vindisa wawaya. Igeva akemba ndana pikenana lasa pikive yema, o kavona enalasa, o aiyena lasage, o kabu ginamige. ⁹ Pigo to sipsip awaloma nayaka amu sili aigitaye, Nayeva agatuwe alta oma amendai manda gumati igoma spiriti Anutu nda eliya kina ngkwa iyegu gainde gana puwande imatiti punde kina Anutu kamanaka, kana kamana Anutu ayewa igavebema iwimeti kina. ¹⁰ Igeva tavela kegaye uma avigataye Anutu ka," Esegi tave lembaoma, kayeva Holi ma taga ndagara gayema. ayandaga kayeva koti kamanapa oitama igana vindiva itaki venema momba vindi tayegute kinapa?" ¹¹ Piya utegana Anutu va iyoka iyoka iyutasa enava tave lave iyutasa ena poitataye, pigo piya voitate oimitaye amana ngavando wata mi-iyoma. Igeva amana ngavando wata mi-igina piyaki ivabuku wema ala pumalanda kina amba nagali sanaga tigege imatiti punda kina____Pi igavalage imana palagema Kraisti pindi imatiti kina____igekeva paviyama iyegu igina ige pute sapuma imatiti enalaka. ¹² Pigo Nayeva to agato gana sipsip awalo omava nayaka amu puma tonetisa ka anumema sililo aigitaye, piya vutagina mamba vindi tave imima putaye. Piya vutaginava papindiva tavela tunu suwataye me tunu kaiganda puwama. To me wopindi lova kaga tete vuwama kora kanda vuwataye. ¹³ Pigo piya vutagina noliva kaga tuvumete mavindi tumi lumi vutaye igoma takaya, me tave iguguya pegina fikiya oma ana amu tutuvu vulite mavindi tumisa puma. ¹⁴ Pigo piya vutagina me manda omava tavela apako vuma akalakilite atuti wataye me yaga alila isa kayema akalaki gagesa puma. Piya vutagina kaga amunga mage me kayo wani pindi aki mando ndova imima pute ayegaka waye gaitaye malunga atate. ¹⁵ Pina atutiva, mo kaga kina mamba vindisa, pindaga kini ginake, inata tavepe agi minda kinake, amili tave agi minda kinape, mone kinape, tavepe esegi agi minda kinape, pi avovolapa mo kaga kina ndaga, pavi kaga kotanga mindano kamba mindano,me yava pindi kakama miyeno me amu pindi yava ake vindi miyeno. ¹⁶ Igeva aye uma kegaye ikiveye amunga make yava ngoma kega,"tumba taila likema kakata toma malo siya kini la mi-i ndagara mava kamba laganoma, piya vekana sipsip awalo mava kamba igana vindiba tatanoma. ¹⁷ Pindagava kamba laga yaga laka amba avolakiye. kamba ka winava ugava kamba mikivene!"