¹ Pigo aindiva Nayeva agatuwe fowa angelo asima mite mavindi. Kapa ati notili asima mitaye, kapa pa iyiti asima mitaye, kapa aveti sautili asima mitaye, kapa pa movasiti asima mitaye. Igeva iguguya alakuma mitaye kaga ena awamusa puma ayasa kaisanaga mavindi sage, kayo wani pindisage, o mo kaga yagega. ² Pigo to ka angelo kanataye mo pa iyitisa. Ayeva Anutu nda sili mete kanataye. Pi sili lasava Anutu va, mo kaga ngesegi enawa tasa, ala poitataye ayewa kina iwili kena. Pi angelo oma kegaye utipa tavelasa mo fowa angelo ga Anutu oimiti kamba laga pugasiyoma mage kayo wanike. ³ Ayeva piya oimitaye, " A pundiyoma kamba laga enava malake kayo wani takeva o yalakeva mati tage alandana Anutu kinata pugasa kilina inela. ⁴ Pigo ka angelo oma kaisa awo angelo ginamige alandana kaga Anutu nda eliya kina ngkwata putaye. Nayeva avituwe ayaki kinata paya alandana pune utepa. Piya kinema alandana putepa 144,000. Pipa igeva kaga tupindisa Israeli ginane. ⁵ Pigo angelo ginamiva ala putaye tuwolup tausen wakina Juda tupindi sava, tuwolup tausen wakina toye Ruben tupindi sava, tuwolup tausen wakina toye Geti tupindi sava, ⁶ tuwolup tausen wakina toye Asa tupindi sava, paviyama tuwolup tausen wakina toye Naptali tupindi sava, to tuwolup tausen wakina toye Manase tupindi sava, ⁷ Tuwolup tausen wakina toye Simiyon tupindiva, paviyama tuwolup tausen wakina toye Livai tupindiva, paviyama tuwolup tausen wakina toya Isaka tupindiva, ⁸ to paviyama tuwolup tausen wakina toye Jebulan tupindiva, to tuwolup tausen wakina toye Josepe tupindiva, tuwolup tausen wakina toye Benjameni tupindiva. ⁹ Aindi pingawa ena atawagai tagindava, Nageva agatuwe tave igoma kinataka. Pipa kana wasanava igoma kinakana kamba wasana mava kamba isukena mane piyaki nemava. Pipa igeva toma toma mbavndi saye, toma toma tupindi saye, toma toma aki gina pindisage, toma toma kamana pindisa ginake. Igeva asima mitaye siya kini la sipsip awalo mititake. Igeva tave lave gai vulite iyativa kokonasi ayeke yamage pakale ndakale vuma imu putaye. ¹⁰ Tavela aye ndaye utaye," Tayenda Anutu lenema, Malo siya kini la mala mima mi-i ndagara gaunema, Pi sipsip awalo tawima Satani ngesegi ena vindisa tavabuti nema, piya utaye!" ¹¹ Kaga angelo ginapa asima kive puma siya kini va mitaye, kaga tavepe gina pipindi migage kinakeva, mo fowa asiasima migage kinakema. Kaga pi kinamigeva mavindi iyowa mo ivalatama awaga uma age inata putaye. ¹² Igeva piya utaye," Ye, atagana paviya veno! awaga ute , tamu peno, ayetaka amenda pukune, Anutu lembaye, Asiasima! Tayeva kagaune kayeva pagivu gasima esegi enagapa, kaye kasa esegi yagara gaye, kevaya kaga enava uga vikena yagaraye asiasima! Tagane!" ¹³ Pavipindisa ka tave yagarama navigataye, Makina tave lave iyutasa ena pule kinapa, kayeva ago igano kegivaya yemave ayetasa kane kina nemava?" ¹⁴ Nayeva awema omutuwe," Wayagara, Nayeva kamba iganduwema. Tagamba kayeva ago iganda kivenema kegivaya yemava!" Ayeva neka piya unamitaye,"Makinapa tave gunda ena vindi iyeguma gainda kinanema. Sipsip awalova igeka pulitayema, Piyavutagina Anutu va igenda agunda enawipa meigaiti nema. Paviyama igenda kamba laga enava waninge igasima iyutasa enava kora tasa aogi poitatine. ¹⁵ Piyavuteka, Igeva Anutu aoli siya kini liva asindaye, pigo igeva alotu uma awaga uma miyeye alapela aseka pela puma tave alotu nama pindi. Anutu, aye asa siya kini la mi-indagara, ayeva iwima itama mikiye. ¹⁶ Pina amingaka, igeva kamba igayena gava ivikiye, igeva ivemaba kamba asakiye,kamba tave pa ngamava iyalakiye, o kamba ka ena omava kamba lagava poitaye. ¹⁷ Pipa sipsip awalo mava siya kini la mi-i ndagarama aogima kavi-itakiye, paviyama sipsip ta kavina kinama kavigagai sapuma. Ayeva paitama ivabute asiasima mikenana vindi ivabute wakiye, paviyama sipsip ta kavina kinama ivabute waniti wagagai sapuma. Anutu va igokaye vekini kunda enava kamba mekiveye, ayeva iyo vindisa iyonuva poigasima aogi voitakiye