¹ Pipa Anutu va kaga enava tige kamba Juda gina mitindaga vutaye, Kraisti Isu agelaka nayepa natataye, Poli nde, iganavindi natatipa tigetaka. ² Nayeva tokanatuwe tige agayoma Anutu naye namiti aota ndapiena tigetaka. ³ Aeva namitaye aota ndapiena pi kakama kamana tigeti kayeto alo ngisa; ⁴ pi tige isute pai amalu kayema lato alo kamana tigeka, pipa tigeva ago aogima agama pi naye alama agagasima taga kamana kaye malatopa Karaisti ka. ⁵ Paipa, Anutu va kamba kagapa iyakitaye mono kamana aindi kanaki vikava kaisa kinatapa. Pipa kana kaisa ginama kamba napiti ndanagana, piya vutipa ma ivaba Spiriti oma iyakigasaye aogi kamanapa aposeli ginake profeti ginake mo Spiriti vindi kegaye ikina Anutu awaga iyoma. ⁶ Pi kakama taga kamana minda kamba Juda ginata ivaba kaga yetamima Juda gina mige spiriti vindi igoma ndana meyombe Anutu tisa, pavi kamasa puma Anutu kinamige, mema yetami kiveye kaga ena Anutu ugaindi ndanava pipa mo Kraisti Isu ge atokaye yombeka---pimba aogi kamana piye. ⁷ Nayeva ivaba Anutu ngeliya kina ndaye mema yetamikena aogi kamana, kana eliyapa kamba vukuwe yopa, pipa Anutu namine pi ngeliyapa esegi enawa pindisa voma. ⁸ Piya vopa nayeva amba amenda puma Anutu kina miyepindi, Anutu va ago kanara punatagi aogima auma akusawanda enawa pimdi kamana nkwapa pagusauwe kamba Juda gina pindi aogi ena Kraisti pulatatika, tage wasana mitava kamba isuma agakunombe ndana vutika. ⁹ Nage puta naso ngeliyapa aogima awema kaga kinaka oimikena Anutu pilage pugaindi ndanaga, pindanava Anutu pai kakama atandine paitakaya, pingavala Anutu kaga ena vutindana napigaindi ndanaga. ¹⁰ Nanavaya Anutu esegi napiena wataka pilage vugaindiye, aeva iyakigaindiye esegi angelo ginankwa inatisa kuma pindisa wawaya iyuma amiteka Kraisti. ¹¹ Pitaka Anutu va kaga pilage pugaindiye agola asiasima, Pitasa nana npienava agovima pulite kanaye kana eliyapa Kraisti Isu tavelemba pugaiti pindi. ¹² Piyavika ivaba pure undatava, tayeva kanakune Anutu ti esegi vulindata kamba tayekuru vunda, pipa tayeva taumalepa Isu pindi atama, aye Anutu auma ago puma nagali gaitika. ¹³ Piyaviya nayekava a piyaye mayeva a uma navuki vaki ena meyokava pavi tigetaka igana vindiva minduwa,mangeliyapa ayetaka tige tiyopikena vuwe. ¹⁴ Pipa Anutu va kaga enava ago tigeka eliyapa pugaitaye, nalakavima purepa uwe Anutu tavalemba kava. ¹⁵ Aye asa kaga tungama ageva inatisave mamba vindisave tamigasaye. ¹⁶ Nayeva pure yopa pipa mo Anutu esegi enawa timigasi tige esegi vulitakena Spiriti watasa tige spiriti vindi mima eliyapi. ¹⁷ Nageva pure uwe Kraisti tige tinda vindi miyekili tigeva tiyuma ayepindi ataiyoma, piya vekili tigeva esegima asima ya avungama mopindi tumigasisa pute yaba mala atagasima simendi vuma nama titipuma ki-isapuma, ¹⁸ Piyavekana kayeva nagalima agavebe voma, pavindaga mo Anutu aigingatati kema, ayamavaya agava vuma yayelo puma inata puma mopindi tumigasima avuwati ndana wapa Kraisti nda. ¹⁹ Kana avuwanda enawapa tavelakane tayeva kamba napi kunombe kanara, pavi avuwanda enawa tasa, nayeva purepa Anutu kava uwe ayeva tindavindiva pume litanoma ayewandaga. ²⁰ Anutu va ayeva tavepe enava uga vikiye tage pure uma avigagombe piya voma, o pavikeva ayeva uga vikiyema napigaso mbe keva, paviyama esegi enawa taye tanda vindi eliya pugagaisa puma. ²¹ Pika kaga tamatiti pombe kina mitava akima awagayeno Anutu pa, kamasa puma Kraisti Isu kema, tavuwano Anutu kava mevapuma mamba vindisa enaga tavuwaisa puma. Pika kaga tamatiti pombe kina mitava agemema inatapeno asiasima! atagana puma nagaleno.