¹ Aindiva tiyuma amba agevikena Kraisti ka pipa tanipuwataye Anutu kamana avikenava. Tigeva kana tiyope kili agakena ginapa kamba kana puwanda kina kandama mitaye. ² Pigo tige mitepa mo kaga mbavindisa ginami putesa pumalo ma ivaba miye-ye, pigo tige, gelova, putaye nanavaya Satani avutindana---Satani va aeva ayeva ginane kamba lataga spiriti omanda paviya esegi enalasa kaga mbavindi kavi gagai. Satani va aeva kamba laga spiritiye aeva kamba laga eliya pugagaye Anutu kamana avekina pindiva. ³ Tayegeva paviyama mitombene mo Anutu kamana kamba avesa puma ; tayeva tauma oma utindana vuta nasitombene, pindana kamba aogiena tautake napienale pindige kana tindanaga. Pitaka Anutu va tavela amo pulatataye, paviyama mo kaisa kina kegava. ⁴ Pigo Anutu va agagate tavela aumama pulatataye, aeva tave lataka tayekava avuwataye. ⁵ tayeva puwanda kina misu vutombene, tani tani puwama Anutu kamana avikeva, piya vutombepa atama Kraisti ke mema atokaye latataye. Anutu va tawime taye tavela, tavela takaya auma lamitaye. ⁶ Aeva mesu asilatama puwanda kina mitombe akapindi sava, aeva malupa tamitaye tave malu Kraisti ke inatisa gumati. ⁷ Aeva piya vulatataye tayakikena aindi mikuno mbetasaga, pipa taye Kraisti Isu ge atokaye yombe taka. ⁸ Pipa Anutu tiwima tivabutaye igana vindi mitegana tavelataka avuwama tiyuma Isu amiteka. Tigelipa kamba tiwi melindaye; kambaye ugamba timi kenana timitaye--- ⁹ ugamba taka togina mava kamba pikivi ndana, piya vikana ka yagara mava nayene nawime tuweva kamba ikiye. ¹⁰ Piya vikana Anutu va to aoso kina ndana pulatataye Kraisti Isu ke atokaye latama, piyama aogiena mana puku nombeka--- pi paitaka Anutu piya vikiveye ugaindisa puma. ¹¹ Pikava a tigeguwa viyo mo kamba-- Juda gina tayakata kamba tamatiti putombeka Gentaeli gina tayema pipa tigeva kamba avola litatikana Juda gina pindiva. Pipa Juda gina mava kakaya suma alo atu kamba kasanda kinanema ulatatene''; pina amika pipa ulitataya igeva, pipa tigeva Anutu kinataya. piya vipa alo atu kasakenava pipa wasanama auta pindana gana, pipa Anutu ndaena yane. ¹² Pingava lapa,kayeva kamba Kraisti geva atokayema mite kamba atokayema Israeli gina migeva mitambene. kayeva kamba Anutu kamana ngama kamba amenda pute alo kamana pindiva kamba mitambe kana. Aindi piya vukuwe umalanda kamanapa kayeva kamba avitambene, kayega kaumala mitambene Anutu pa kamba aganda. ¹³ Pigo ivaba nana Kraisti Isu pugaiti ndanava,tigeva pigo ka tuma vuma kaumagapa amigaitane Kraisti va ka auma votama yarapa itikana. ¹⁴ Kraisti tumitipa tauma akusama ka kina ndana pulatakena tumitaye Juda kinake kamba Juda kinakema taye akapisa koma igalivi kena, aeva akapisa kagisa akasava kasima tota tota mitombe mema atokaye kena. ¹⁵ Aye piya vutipa Juda ginami nda alo kamanake piya viyoma kayemalati agaluva iyoma yane. ¹⁶ Aye vutipa Juda ginake kamba Juda ginake mema ka kinandana pulatama Anutu aolapa naokina kayema aoso kina miku nombeka tamatiti kinataka. Aye vuliti yara, Isu mema aogi pugaitaye aka tanda vota votama mitombepa. ¹⁷ Isu tumima tumba pagusataye aogima tauma akusama Anutu ge mikenava; Aeva pagusama, ulamitaye kamba Juda gina mitekava, taye kamba Anutu aganda mitombeka, pi taye Juda gina, taye Anutu ago agate mitombe. ¹⁸ Pigo Isu ayetasa Juda ginake kamba Juda kinakeva Anutu geva malo kamana suma tavalemba geva mikune Anutu Spiriti mindika tamatiti kina mitepindi. ¹⁹ Piya vikana ivaba kamba Juda gina mindambepa togeva kamba togina kandava kamba vikivene Anutu kina pindiva, piya vikana ivaba Anutu nda wawaya mindaye, pavigo Anutu nda katu mindune tavalemba Anutu ge. ²⁰ Tigeva yaba kandama Anutu nama kikena kapi potatisa puma, kana nama kikenava aposeli ginamige profeti ginamige pulayakite sapuma. Pipa tave yaba takane, pipa mo konalasa yaba kana, pikana yava ndamapa Isu Kraisti ayewane. ²¹ Isu mesuva puma ayetu imatiti kina mema kapi kakana vuma kaga atama kikena kana namapa, mesuva pikena tave yagara mema kapi imatiti pute kina mema ayewati aoso kinaena vutaye. ²² Isu va tigeke mema nama kikena viye kapi, tarayaga Judage kamba Juda gema, kapindi katu mi-iyoma Anutu Spiriti wapindi potatisa puma.