¹ Naye, Polina, Mangisapa kaye uwe navuwanda kina timatitipe Anutu ala pumalanda aye wandaga, tige tuvagina Kraisti Isu nda___Nayeva kaye uwe timatiti kina kegitavaya Efesasi siti vindi miye. Nayeva Polinaye,kenavaya Anutu ala punatama Anutu va naisagatagi tigeti aposeli eliya Kraisti Isu nda vutoka. ² Nayeva pure uwe Anutu tavalembage Isu Kraisti tavele ayeva timikiye tiyuma akusama mite aogima mikenanava. ³ Age mema Anutu inatapuwe, Tavele Isu Kraisti avawamba! Aeva kaga esegiena wapa tamu enavela kaga inatisa aogienawa Kraisti tamigasika. ⁴ Aindi Anutu kaga ena vikenava mo kaga mavindisa ginapa ayewa ala pugaitaye Kraisti tasa, aye ago tavama atalama pagasala Anutu kina ndana pulatataye tauti ka ena kamba mima. ⁵ Pipa nanaviyema aeva tayeka avuwatagina, Aeva Anutu paitaka napigasima taye tawima tavamekena Kraisti ngeliya tasa. Aeva paitaka napigaitisa puma aye amundana potakena yagarawa ndana pulatatika, pigo aeva pikena napigaiti ndana vutaye. ⁶ Pavitaka tayeva Anutu ka tamupukune tave enalaka yagara wambata avuwanda yagarama auta putika, aogienalaka puma tawimetaye. ⁷ Isu igaluva tata-taye ugasuga enaoma talakuma mitombe tasa. igaluva tata-taye yala puma; pipa, Anutu agunda enale melagaitaye, nanaviyema aeva avuwama, aogima avuwatika tayeka. ⁸ Aeva aogima taka tayekava avuwama esegi pilage ena tamitaye. ⁹ Anutu va aeva agovima kakama landa napiena wapa pagusama ulamiye. tayepa taopegita agaune Kraisti ngeliyaka pumalati kana. Piyaviye aeva pavi ngaukai pukuwema pumalati kana. ¹⁰ Anutu va pilage enawa pumalatipa pindaga pukuwema alapotataye kaga inatisa enage mamba vindisa enageva mema kata pukuwema, piyavekina Kraisti asa kaga enalapa kavikiyema. ¹¹ Paitakapa Anutu va alapugai ndiye tivama Kraisti ke kata pulita kuwema. Aeva ago pilage pugaindiye, aeva kaga yagava pindana vukuwe ikibipa ano pikiye. ¹² Anutu piya vutipa tage Kraisti ka tamatiti puma mite age mema Anutu esegiena vindi awaga ukunombeka. Taye amalusa gina mindune taumale Kraisti pindi atakuno mbeka. ¹³ Pipa Kraisti pindiye pavi kayege, aindi kaye taga kamana avitambe, kana mono kamana kawi mekena-- pipa aye pindi kamatiti ena kata pugaitambe Holi Spiriti vindi. ¹⁴ Pipa Holi Spiriti oma pulayaki gasima Anutu ugainda enava mekunema. pingawa enaoma amingaka awagava une! ¹⁵ Pavika Anutu va igoma ndanava pugatataye, papikega naye avitopa kaumaga tave Isu pindi malo agevu tambeka pike mo Anutu alapotanda kina kauma amembe kega, ¹⁶ Nayeva pika kamba minauwe Anutu ka aisa pure kaga yaga yopa. ¹⁷ Naye pure yopa Anutu tavelemba Isu Kraisti, avawamba kane tama tave esegi yaku pindi migagai, aeva tiyopekili aogima napima agakiveye kaga ena tiyaki gasipindiva. ¹⁸ Nayeva purepa Anutu ka uwe kaga enavindiva puliya kenoma nanavaya pulatakena pilage vugaindi pindiva, pipa nanaviyema agaune aeva taga kamana ipindiva. Naye pure yopa mo tavepe ena pukuwe ute timukuwe ugaindi pipa ayewa ala pugainda kinami tendaga ugaindine. ¹⁹ Pi naye pure yopa tigeva agaiyoma esegi enawataka pindisa puma taopiye tauma amombe kina Kraisti ka. Aeva esegilaka puwanda eliya pulataya, ²⁰ Paviya pisapuma esegi enawa pindisa puwanda pindisava Kraisti tova aogatataye, pigo Kraisiti pa mesu asitama avamete malungata inatisa kumati mesu atataye. ²¹ pimbaliva, Kraisti aevalaka inata taka miyenoma esegi spriti vela kaga tave esegi ena minda kinapa aye amenda pindi mi-iyoma kaga yagava. Isu va inata taka miyenoma kaga kina mandava agasima, ma ivamana nane,mo kaga asiasima. ²² Anutu va kaga kinapa mema Kraisti ngese enaoma amenda pindiya pugaitaye, aye agisa vindi mi-iyoma. Piya votama Anutu va Kraisti pa alapotama aye amenda pindi mikena kaga kina kaga aukaisa amatiti kina. ²³ Pipa piyambaka kaga kinapa Kraisti aunkwa mi-iyoma. Aeva kaga esegi enawapa ayeta amatitipi kina pindi miyenoma, paviyama mo kaga ena vutindana pumetama putisa puma.