¹ Kegi vaya wawaya imatiti pikive kava Isu ka Kraisti yema,igeva Anutu ndagara miki veye,kevaya Ava wambaka avuwa kivipa yagara wamba kega avuwakiye. ² Pina ami ngaka tageva Anutu ndagara gava tavuwa gagaye,piya vika Anutu auma agaruvate tavuwa gagaune ageka. ³ Tageva tavuwane Anutu ka piya vika tageva age auma agaruvaune nana viemaye,kamba yesegi yeliya piye age auma agaruva kena. ⁴ Kaga wawaya Anutu kina mindepa mamba vindisa yesegi enava ago mema mara kaitaye. Kraisti Isu yesegi ena laka tage kanara mema mara kaikune mamba vindisa yesegi enava. ⁵ Ke mamba vindisa yesegi enava kanara mema mara kaikiye mamba vindiva? Pi wawaya Isu Kraisti agande ageva Anutu ndagara yema. ⁶ Tageva kaga yaga napinapi veno Isu Kraisti kava, Anutu mambavindi aisagata gina tumitika.Anutuva Isu wani kamba ayakitaye, kambaye wanike korake Anutu nda Awamusa oma Isuva Anutu ndagara yema. ⁷ Pipa nana viemaye,kakaga ena mindi yema pagusama Isu ageva Anutu tisa tumita yema. ⁸ Anutu nda Awamusake wani Joni memite pike takae yara puliti korangwa atigitika. Pi kakaga ena oma pagusama ulamitayeIsuva Anutu tisa kana tayema. ⁹ Tageva avigagaunewasanami pagusama ulame kamana Anutu kamanapa tavelaka yanema, Nana viemaye,Anutu agwa pagusama iye Isu Kraistiva agewa ndagara yema. ¹⁰ Kaga wawaya imatitipe kinamiva Isu Kraisti kava Anutu ndagara yema piyamba pagusa gagaye Isuka.Pigo kevaya Anutu kamana kamba imatitipe kinamiva kambari kamanane ugagaye,nana viemayeigeva kamba imatitipe Isu kva Anutu ndagara yemava. ¹¹ Anutu kamana ngoma togama asiyasi mikena ena tamigagaye,pi togama mikena enava yagara wa Isu Kraisti tisa kanaye. ¹² Pigo wasana kega vaya Kraisti ta atokae kivembepa asiyasima aogama mikena ena mekivene. Pavi yama wasana kevaya Kraisti ge kamba atokae kivi kava asiyasima mikena enava kamba mekivene. ¹³ Nage ma ngisa kaeyopa Isu Kraisti ta kamatiti pembe kina ta kaeuwe pi Anutu Ndagara ga pigo igeva aogama asiyasima mikena ena mikiye. ¹⁴ Piya vute tage agaveve vute gita ka enaga aviga kunombepa age agela aogima taka mekune pindanava. ¹⁵ Piya vute Anutu va tage aviga kunombe ndanava,tage pindanava ago mekune. ¹⁶ Pigo kage aga gana ka kanando agunda ena vekinapa pi agunda ena omava kamba aegu yema pekinava,pigo ageva Anutu ka pure uma aviga kina ageva aopikiye. Nage yopa pi agunda ena oma wasana aegu gagai pikaya uwe. Kaisa agunda ena omava wasana aegu gagaye,nagava pika pure iyoma yasuwe. ¹⁷ Kaga ena kamba aogi vindanava pipa agunda enaye,piya vipa to kaisa agunda ena omava wasanava kamba aegu gagaye. ¹⁸ Tageva ago agaune ka yagarama Anutu ndagara ena vikivipa, ageva agunda enava kamba vugagaye. Kevaya Anutu ndagara ena vikivipa ageva auta kaviye kina Satani va kamba laga enava kamba votakiye. ¹⁹ Tageva ago agaune Anutu tisa kana tunema to tageva agombepa Satani va kamba eva vulatakiye mamba vindiva. ²⁰ Piya vika tageva agaune Anutu ndagara kanama napi ena tami gaitaye,pigo tageva Anutu va taga nema agakune, piya vute,tage Anutu ge atokae kune ageva taga nema pavi yagara wamba Isu Kraisti ge. Ageva taga Anutu gana aogama asiyasima mikena ena tamitaye. ²¹ Yagara nembi gitava,pagasa miyo kambari goti omapa.