¹ Tige nokina mitava ,tigeva a timatiti enava piyo kaga awamusa kava,piya vika tigeva aogima etamima kaga awamusa kava agaiyo ae awamusa paya Anutu tisava kana yema,pipa nana viemaye, igoma kambari parofeti yeliya puta nasiye kaga mavindi. ² Piya vikivi agakune pi Awamusa pa Anutu tisa kana yema pi kaga awamusa omava pagusa gagaye Isu Kraisti va Anutu ndagara wasana ena putaye. ³ Pigo kaga awamusa oma kamba pagusa kivipa Isu Anutu ndagara yema. Ageva kaga awamusa Kraisti pa agama vota gagaine tigeva ago avi gagaye kana kiyema pigo ivava ago kana gasaye mamba vindi. ⁴ Tige amana ndakara ndondo mitava,tigeva Anutu kina taye tigeva ago igasaye,nana viemaye kevaya pipindi mindipa tigeva mamba vindisa yagarava ago agasaye. ⁵ Pipa igeva mamba vindisa kinane,piya vikana igeva mamba vindisa ena manaka undini kamana gwipa avinda gini pugagaye. ⁶ Tageva Anutu kinataye,piya vikana kaga Anutu kinamitavatage kamanapa avigagaye. Pi kitasa tageva agaune tagamba Awamusa ke kambari awamusane mava. + ⁷ Tige nokinapa tavuwa gagaye tao kina kava,pipa nana viemaye tavuwa kena enava Anutu tisa kanaye, ige Anutu ndagara miva kegivaya Anutu agande,igeva ivuwa kena ena iyaki gagaye. ⁸ Anutu va tageka avuwa gagaye ka yagarama avuwa kena ena kamba ayaki kivipa,ageva Anutu pa kamba agandiye. ⁹ Kavuwa kena ena vindi minda kivembe kava, Anutu va ago amba pagusa wandiye tage pindi Anutu va oganamu yagara wa ago aisakaitaye Isu Kraisti,taimitaye mamba vindi ogama mikena enava age tisa meku nombeka. ¹⁰ Pi ngakoisa Anutu nda avuwanda ena wapa taya kitaye. Tageva amarupa Anutu kava kamba Tavuwa tombene.Kambaye. Age Anutu tageka avuwate gina yagara wa tamitaye Isu Kraisti tagenda agunda ena letaka puma gina tagepa ika pumetaye. ¹¹ Kaga nokinapa ,pigo Anutu tageka avuwatisa puma,pigo kamasa puma to kina kava tavuwa kune. ¹² Kamba ka yagarama Anutu pa agandiye.Pigo tage tokinaka tavuwa kunombe kava ,Antu va tagege miye kita pigo tageva avuwanda ena vindi mikune. ¹³ Pigo pitasa tageva agege atokaeya kana ageva tage pindi mikiye,nana viemaye ageva Awamusa kina ngwa tamitika. ¹⁴ Tageva pika agate gita pagusaune,Tavelemba Anutu aisagata yema yagara wa Isu Kraisti,wawaya kaga tumba ika pume yanoma. ¹⁵ Kaga wawaya miva pagisa gagaye Isu Kraisti va Anutu ndagara yema,age Anutu ta atokaenda gina Anutu va agege mindiye. ¹⁶ Piya vegita tageva tamatiti pume agate Anutu tageka avuwanda ena wa. Anutu tage kava avuwa gagaikana kevaya avuwa gagai ndana wa pindi miki vipa ,Anutu va agege mikiye. ¹⁷ Pina amitaka Kraisti va paguta tamitaye tage taka,piya vika tageva tave yaga avola kina Anutu koti lapa uwa uvagasawa kune.Tage mamba vindi mindata Anutu ge atokaema mindune pavi yama kraisti mamba vindi Anutu ge atokaema mitisa puma. ¹⁸ Tageva kamba tae kurum vukune Anutu kava pigo tage ageka tavuwa kivi kava,nana viemaye tavuwai ndana mava tae kuruma tage kamba laga ena pulata kena vindana megasi gagaye. Pigo Anutuka aekuru pgagai ndagara mava, ageva Anutu aumama ena wa pindi migagaye. ¹⁹ Tageva tavuwaye Anutu ka,nana viemaye,Anutu amaru tageka avuwataye. ²⁰ Pigo ka yagarama ikiye,"Neva Anutuka navuwaye" utegina agandoka kamba avuwa kivipa,pipa agwaka kambari umekiye,ageva Anutu ka kamba avuwate,kamba agandiye. ²¹ Pi alo Anutu tisa metombe pa piyama kevaya Anutu ka avuwa kivi kina mava ageva agaga-gava kava tavera avuwanoma.