¹ Ire'ti tifa tiva'e, amu'sa kusin ta, ma'a'e ka'kan ava'ya ai'nen hari'anti amdani'e afova'sa o be'i mino damu irema ban'te. ² Ma'a seva amuko teti namu banta aumante erente're, namu avu'ava si in banta kayo. Nai'sa ughena, ko'ghon mano i'da mumuna avu'ava dam'bana'fi. ³ Ma'a ugha, mino damu Ayarafenu ire ahden bake iren akona uwanta'e dafia akona inte'en na mumunan banta va. ⁴ Teti ire'tini mumunan ka'kan pin deken ban'ne ma'aughan'ti ire'ti kasa ma'i dana'si ma'e kasa para bakure ori'a bano, Ma'i dana sami teti akona ara baiya irem'pin tiya're. ⁵ Ka'kan mano iren aya ughan'ti Ayarafenu'i anunu oma afova'i inono Tepuro ma teti'si ume baren'ne. ⁶ Ma'a ughanti tifa tivae'o tare iren'pin teti akona baiya teti'si ka'kan Tepuro avi'ka, tare ire'ni mino afa'avae ayona ame, i'ye i'da dora na i'da ini'e bakurinte'fo ire'ma teti pinte manta euh'na. ⁷ Ire'ti yami afovai'e teti'si mino avu'ava kama ughen, ire'tin bakurino. Teti iren auba baiya pasin'ti banta'nasi i'da barara be'i au anunu dan'eraven. ⁸ Teti i'da mana'a kayo i dunan mantare, i'da biyan ugha pasin'ti ma'a ughan teti akonara dorari inura baya'e, para vara seyo teti i'da mana iren'pinte uman amirare. ⁹ Teti'ma, ma'i avu'ava sima euna'e, i'da tetinpim ma'a kama ani dana ireti o'e teti'si kama avu'ava a'nain dagah'fo. ¹⁰ Teti ma ire'ma ba eu'na, akonara i baiya ti ma'e tigare mana banta i'da doran'te, kanaino be'i i'da va dunan nano. ¹¹ Teti inekun iren aumante mana a'ano i'da doriyane iika mana a ano mana a dana ena bantai'na dana akha'ma namu'e. ¹² Tare teti akona 'ra baiya tire ini'yama'e Tepuro'pi'mi ma'a banta keka bempake baken be'i imukanta nante. ¹³ Ma'a ughati ire tifa tiva'e, ireti i'da va avesara'o, na'i dana sa punta kenafi. ¹⁴ Ma'a ughanti ma'i mana banta no ma teti tifa tiva'e ma bompon pinte ma i'da bakurinte, ma'a ughanti erti oumana afova'sa'ure i'da'va bema manafi doresi aya veva ra'i. ¹⁵ ire'ti i'da va be'i oman mana namuro andia akonara'sa ma'a sia teti tifa tiva'e i'no. ¹⁶ Ayarafenu arakusin tifo'e, be'i kanai'e ire'ti arakusin amintene mino damu sa'fi, na'i doran na barantefo Ayarafenu be ire masa bano. ¹⁷ Te'i Pori, ma te'i oma afova ugheu'na bompon ire'ni na'e. Teti yam poke i'ma bompon uwama mante're. Ma'asake'i te'i uware iyare. ¹⁸ Teti'si ka'kan Tepuro'ni arakusi ireti mino kayo ba'sa ban'no.