¹ Tare ma Tepuro avuran banta ma erinain ne ma teti ma ben ma ataru ure ma bema ma banuna mei ire teti tifa tiva'e pin ka'e kun orene. ² Mei ei ida va anude va anoma ine va peran no van'e, mei aunpin nafi, baiya ma eriyain pinafi, mei ma teti pinke ma uwama'an ma erinain baiyafin mase, meivan tetisi kakan ma erinain damu pe erighen. ³ Ida va ena kaiyo va a'esin maen ena asa maka tino ida mei erighanti eravin dana ma erintin men mi, ma namu avu ava ai'in banta ma aman amasi eine mei namu dana'si anin mino. ⁴ Iye ena kaiyo ma do uren beiyan daghan aman dani uren mino ma kama se ma siyain ma meira ma mono tiyain dana ida esen. Meivan men bei Ayarafenu mi mono namunpin kumanen uren beiyan da'ghan aman Ayarafenu pi anden. ⁵ Ida ei ina fono ei ma'ma ba ma tei ma danasinta ma e'in tiame una'e. ⁶ Mei iye bein bakiyan ei tare afovai'e ma'an ughanti bei mei ma afokasi ma inain dama ana afokasi inten. ⁷ Mai namu dana sinta ina dana sinta ano doriyan meira mana'a ano ana tare bein bakiyantin ma bein ma asake ma do'aman a'ghenpa den ⁸ Mei namu dana sinta va afoka'intin, be ofenke aunan poke ma Tepuro aviran banta ano mei beu arinaine. ⁹ Banan'non i doran mano namu banta kaiyo i erin afoka'en ma mino akona va kampun dana kaiyo va se. ¹⁰ Mino namu kaiyo ano mei ma auyoranain kayo kampuni ene. Meivan ma ida ma anunu ma puntakein dana pinke mantein meivan men anunu mantein pura finke ma kama'en banten. ¹¹ Meivan Ayarafenu beu akona kampun dana ininpin amen'e meivan men beu kampun dana'san mumunan'e. ¹² Iye ida ma puntakein avu ava mumunan'en mei beu kipanten mei beu ni anunu namu dana sintara'i kaen. ¹³ Meivara teti kakan na mino damu irenan'ra tifa tiva'eyan ma kakan banta ma anunu ein kaiyo meivan Ayarafenu iren ka ein. Mei Ayarafenu ein nara amaen be'ini kamae bampin dene, me aun ma puntakein dana ka mumunan'e. ¹⁴ Mei teti mono ma tiyaruna'ra i tirene, meivan ei Tepuro aviran banta ein kakan bi aminten. ¹⁵ Meivan tifa tiva'e ei akona'e va mantave va ei mumunan na bakano mei ma peyan avu ava ma tian mein ma baiya ra va bomponpin ma uware'inafi. ¹⁶ Iye tetima anunu uren aman tetin ayaka ma kama'en banta den mei kama'in dana beni kamafine. ¹⁷ Eyan na eyan ma dariyo onara safi ma ei baiya sinta sa dafibe va puntarano