¹ Muli nshilya nshiku Yohane kabatisha alishile nokubila imbila mu matololom ya ku Yuda no kulabila ati, ² ''Kamulapila, pantu ubufumu bwa ku Lesa buli mupepi.'' ³ Pantu mfi efyo alabila umwine nokulabilwa na Isaya kasesem, ati, ''ishiwi lya kuli ngo uukoita mu matololo, ''Likopekanya inshila ya mfumu mukweba ti nji nshila ibe iyololokele.'' ⁴ Nomba Yohane kafwite ifya kufwala fya masako ya ngamela no mushipi wa mpapa mumi sana wakwe. Alikulya ba makanta no buci. ⁵ Ilo Yerusalemu, aba Yuda bonse ne fyalo fyonse ifya ngu lwike inyika ya Yolodani balishile kuli Ye. ⁶ Bali balishiwe kuli ye munyika ya Yolodani, kabatula ne membu shabo. ⁷ Lelo ilyo abwene aba Falise naba Sadduki abengi ba koisa kuliye muku batishiwa alabile kulim bo ati, ''Mwebomwe bana bamafwafwa nibani ba mwilula ukubutuka ku bukali ubukoisa? ⁸ Eico twaleni ifisabo ifikofwaikwa ukulapila. ⁹ Mwitontonkanyapo pafya ukuilabisha mwebene, ati tulikwete ba Abrahamu bata! pantu nko labila kulimwe ati, Lesa alikwete amaka ya kwe engenya abana ba ku Abrahamu mu mabwe. ¹⁰ Pali yo nshita isembe lya libikilwe ku mishu ya citi. Eico conse iciti ici latwalapo ifisabo ku citeta noku ciposa mumulilo. ¹¹ Nko mubatisho ku menshi mukulapil. Uyo uukoisa panuma ya nji eukwete amaka ukucila ne, nshilingilepo nokubwala inkwandasha kwe,. Aku mubatisha kumupashi wa mushilo na ku mulilo. ¹² Ulupelwakwe luli muminwe yakuli ye emo akwilulwila ica cipimo; akubika ne ngano shakwe mu butala, imisunga aku yoca mu mulilo.'' ¹³ Yesu kaisa ukufuma ku Galili no kuya ku nyika ya Jolodani mukubatishiwa kuli Yohane kaba tisha. ¹⁴ Lelo Yohane alikwesha ukukana uku mubatisha, no kulabila ati,'' Nalikufwaya we ukubatisha ne, nmga waisa kuli ne?'' ¹⁵ Yesu ali mwaswike nokulabila,'' Cisuminishe nomba, apntu cililingile fwebo ukufikilisha ubulungami bonse.'' Yohane kacisuminisha. ¹⁶ Yesu alibatishiwa peka mpalya ku menshi ne ulu kali suka. Kabona umupashi waku Lesa ukoisa panshi ukulokuba ati ni nkunda nokwikala pali Ye. ¹⁷ Boneni, ishiwi lya lishile ukufuma kwi ulu no kulabila ati, ''Ngu emwana wandi Emo nsansamukila na ne.''