¹ Panuma Yesu afyelwe mu Betelehemu wamu Yuda munshiku shakwa Eloti imfumu abalalume abaishibile kabafika mu Yerjusalemu ba ukufuma kukabanga bakolabila ati, ² ''Alipi uwafwelwe imfumu yaba Yuda? katubina ulutanda twakwe kukabanga tulishilw namuku mupepa.'' ³ Elo imfumu Eloti yaumfwile mfi kaipamfiwa na Yerusalemu yonse. ⁴ Eloti kaleta pamo bionse bashimapepo abakulu nabakalemba babantu, nokubepusha ati, ''Nipi umulibushi alinoku fyalilwa? ⁵ Kabalabila kuliye ati, ''Mu Betehemu waku Yuda, pantu nci ecalembelwe kuli ba kasesema, ⁶ 'Nomba we, Betelehemu, muncende yaba Yuda taupo ucepeshe palibakateka baba Yuda, pantu muliwe mwakufuma uwakuteka, uwakucema abantu bandi abena Isreali,.'' ⁷ Elo, Eloti mubumfisolo aitile abalalume aba sambilile mukubepusha, mukulungana ninshita ndo ulutanda lwabonekele. ⁸ Kabantu ku Betehemu nokulabila ati, ''akanini. Amwa kasanga mundetele akasebo pakuti nande ningesa nokukapepa.'' ⁹ Panuma bakutika kufumu, kabaya munshila iyabo, no lutanda ulo babwene kukabanga kalubatungulula paka lwaisa kwiminina apo akana akali. ¹⁰ Elo babwene ulutanda, kabasekela ne nsansa ishingi. ¹¹ Kabengila munanda nokubona akana akanini na Maria nina. kabawa panshi nokukapepa. kabesula ifipao fyabo nokukape ifyabupe fya golide. libani, na muli. ¹² Lesa kabasoka kuciloto ukutabwetela kuli Eloti eo kaba bwelela kucalo cabo ukubomfya inshila imbi. ¹³ Panuma yakubwelela, umungelo wamfumu kabone ka kuli Yosefe muciloto nokulabila ati, ''Ima, piita akana akanini nanina, nokubutukila ku Egupto. Ukekale kulya mpaka nkokwebe. pantu Eloti akufwaya akana akanini ukukonaula.'' ¹⁴ Mbulya bushiku Yosefe kaima noku piita akana akanini na nina nokubutuka mu Egupto. ¹⁵ Aikele nkulya mpaka imfwa yakwa Eloti. Nci ca filishe ifyo imfumu yalabile muli kasesema ayi, ''ukufuma mu Egupto kanjita umwana wamdi umwalalume.'' ¹⁶ Nakambi Eloti, elo abwene ati kabamupumya abalalume abamano kafilwa sana. katumako, kafita abana abalalume bonse abamu Betehemu na mumipaka yauko anali nemyaka yakufyalwa ibili no kwisa panshi, ukulingana nenshita iyo aumfwile ku ba mano. ¹⁷ Eco kacifikilisha icasoselwe muli Yelemia kasesema. ¹⁸ ''Ishiwi kalyumfwika mu lama, ukulila noku losha ukukulu lakelo akolila abana bakwe, akana nokuta lalikwa, pantu baililila.'' ¹⁹ Elo Eloti afwile, bonei, umungelo wamfumu kaboneka muciloto kuli Yosefe mu Egupto nokulabila ati, ²⁰ ''Íma nokupita umwana nanina nokuya ku calo cakwa Isreali, pantu mbo abalikufwaya ubumi bwakwe balifwa.'' ²¹ Yosefe kaima, kapita nomwana nanina, kaisa namu calo kwa Isreali. ²² Nomba elo aumfwile ati akelao akoteka mu Yuda ukupyana wishi Eloti, kaumfwa umwenso ukuyankulya. Pamuma Lesa kamusoka muciloto kaya ku calo ca Galileya. ²³ Kaya nokwikala mumusumba uwalikwitwa ati, Nasaleti, Nci kacifikilisha ifya soselwe muli kasesema ati, akwitwa umunasaleti.