¹ Muli isho nshinku Yoani kabatisha aishile aleshimikila mu matololo ya Yudea aletila, ² ''Lapileni pantu ubufumu bwa mu mulu buli mupepi.'' ³ Pantu niyu wine casoselwepo kuli Esaya kasesema, ukutila, ''Ishiwi lya ulebilikisha ukufuma mu matololo.''Pekanyeni bwangu inshila yakwa shikulu, ⁴ Nomba Yoani alefwala ifyakufwala fya masako ya ngamali nomushipi wa mpapa akushinguluka umusama wakwe. ⁵ Ifyakulya fyakwe fyali ni makanta kabili nobuci bwa mumpanga. Mu Yerusalemu monse mu Yuudea, kabili muci putulu conse uku shinguluka umulonga wa Yordani baleya kuli ena. ⁶ Balebatishiwa kuli ena mu mulonga wa Yordani, baletumbula nemembu shabo. ⁷ Lelo ilyo amwene abengi abamu ba Falise na basaduke baleisa kuli ena mukubalishi wa, atile kuli bene, ''Mwebufyashi bwa mafwa fwa, nani wamusokele ukufulumuka kubu kali ubo ubuleisa? ⁸ Twaleni ifisabo ifyawamina ukulapila, ⁹ mwitontokanya mwebene mukatila, 'tuli no mufyashi abrahamu. Eco natila kuli imwe ukuti Lesa ali namaka yakwinya abana bakwa Abrahamu na mumabwe aya. ¹⁰ Kale kale isembe nalibikwa ku mushila ya fimuti, eico umuti onse uushitwala ifisabo fisuma ulatemwa panshi nokuposwa mu mulilo. ¹¹ Namubatisha na menshi mukulapila. Nomba uleisa panuma yandi mukalamba ukuncila ine, elyo nshilingile ukusenda ne ndyato shakwe. Ena akamu batishisha no mupashi wamushilo no mulilo.'' ¹² Icakukulwilako cakwe, cili muboko kwakwe muku wamya pacipelelo cakwe nokukolonga nika inganu shakwe mubutala. Lelo akosa umusungu mumulilo uyo teti bashimye.'' ¹³ Elyo Yesu aishile ukufuma ku Galili uku fika ku mulonga wa Yordani mukubatishiwa kuli Yoani. ¹⁴ Lelo Yoani aleasha ukumulesha, nokutila, ''Ine mfwile ukubatishiwa kuli iwe, ninshi waishila kuli ine?'' ¹⁵ Yesu alyankwile no kutila kuli ena, ''Cisuminishe nomba, pantu cili calungama ifwe ukufikilisha ubulungami bonse, ''Eico Yoani ali musuminishe. ¹⁶ Panuma abatishina, Yesu afumina apo pene mumeshi, kabili moneni, imiyulu yaiswike. Amwene umupashi wakwa Lesa uleika panshi nge nkunda kabili waikele pali ena. ¹⁷ Moneni ishiwi lyaishile ukufuma mu mulu lilitila, ''Uyu emwana mwaume wandi. muli ena emombekelwa.''