¹ Mwe bamunyinane, nga cakuti umo asangwa mukuluba, imwe mwebabumupashi mufwele ukumubwesha mu mupashi wa mutende. Beni abaibaka pakuti mwitunkwa. ² Sendelaneni ifisendo umo ni mubiye, ne co kufikilisha amalango yakwa Kristu. ³ Ngacakuti umo aletontonkanya ukubapo fimo ilyo yali nangu cimo, aleicepafye umwine. ⁴ Cila umo afwile abebeta imiimo yakwe, no mulandu wakuitakisha kwakwe kukaba mu mwinenefye eka kabili temuli onse iyoo. ⁵ Pantu cila umo akasenda icisendo cakwe. ⁶ Uulesambilisha icebo afwile ukwakanyako ifintu fyonse ifisuma kuli umo uufunda. ⁷ Mwibepekwa. Lesa teshentakwa, pantu conse ico umuntu abyala, ico eco ckasombola. ⁸ Pantu uyo ubyala imbuto ku mubili, ukufuma ku mubili akasombolako ubonaushi. Lelo uyo uubyala umbuto ku mupashi, ukufuma ku mupashi akasombola umweo wamuyayaya. ⁹ Kanshi lekeni twinaka mukucitab icisuma, pantu panshita iya linga tukakwata ubusombishi, ngacakuti tatunenukile. ¹⁰ Eico kanshi, ilyo tukwete ishuko, natucite icisuma kabantu bonse, maka maka kulyabo aba mu ng'anda ya citetekelo. ¹¹ Moneni ifilembo ubukulu nalemba kuli imwe ne minwe yandi. ¹² Abo abalefwaya ukuilanga ubusuma kumubili bakeesha uku mupatikisha ukusembululwa. Bacita ici paku leuka ukupakaswa pa mulandu no musallaba wakwa Kristu. ¹³ Pantu takwabapo nangu nyabo aba sembululwa bene abasunga amalango, lelo balefwaya imwe musembululwe pakuti baleitakisha mu buntunse bwenu. ¹⁴ Lelo nshifwile ukuitakisha kano mu lupanda lwakwa shikulu Yesu Kristu, umo icalo catanikilwa kuli ine na ine ku calo. ¹⁵ Pantu takuli ukusembululwa ukupendwa icili conse nangu ku kaana sembululwa, lelo icipandwa cibumbwa cipya. ¹⁶ Kulya bo bonse abendela umwabela icicebo, umutende no luse fibe pali bene, napali Israeli wakwa Lesa. ¹⁷ Ukufuma nomba takuli wakuncusha, pantu nalisenda pamubili wandi ifibala fyakwa Yesu. ¹⁸ Ukusenamina kwa kwashikulu Yesu Kristu kube no mupashi wenu, bamunyinane. Ameni.