¹ Mubuntunga Kristu alitulubwile ukuba abatungwa. Iminine aba shipa,eico mwiba nakabili abatuungululwa kwikoli lya busha. ² Lolesheni, ine, Paulo, ndesosa kuli imwe ukuti nga imwe mwebene mwba abasembululwa, Kristu takakwatemo nelyo cimo muli imwe ³ Ine ndebwekesha ukusosa kuli cila muntu uyo uukesosa umwine ati afwile ukusembululwa eshibe ukuti alingile ukusunga amalango yonse. ⁴ Imwe mwaliputulwa ukufuma kuli Kristu, imwe mwebalungamikilwa ku malango; imwe tamwakakwateko ulubali ku luse. ⁵ Patnu ukupitila mu mupashi, mu citetekelo, emo ifwe tulelolela isubilo lya bulungami. ⁶ Muli Yesu Kristu nangu ukusembululwa nangula ukukana sembululwa tacaba cintu, lelo citetekelo fye icibomba mu kutemwa. ⁷ Mwalebutuka bwino. Ninani uwamifumishe mukumfwila ifya cine? ⁸ Ukakukoselesha takwishile ukufuma kawa mwitile! ⁹ icitutumushi cinono cilenga umufuba onse ukwima. ¹⁰ Ine ninkwata icitetetekelomuli shikulu ukuti tamwakatontonkanye nelyo cimo icaibela. Onse uulemifulunganya ali nokupingulwa, uuli fye onse. ¹¹ Mwabamunyinane, nga ine ncili ndebilisha ulwa kusembululwa, cinshi ico inebacili balempakashila? Muli uyo mulandu icilibwe cauipinunako ico ica musalaba califuunishiwapo. ¹² Nga kuli abo abalenicilinganya imwe, ine kuti cawama bailungwila fye abene! ¹³ Pantu imwe mwaitilwe ku bantungwa, mwebamunyina. Lelo mwileka ubutungwa bwenu bube icakumitungulula ku kuli bumubili; lelo ukuptila mukutemwa mupyangilane umo na umo. ¹⁴ Pakuti amalango yonse yafikilisha mu cebo cimo; "ufwile ukutemwa umunobe nga fintu waitemwa we mwine." ¹⁵ Lelo nga cakuti mwala sumana no kuyonaula umo na munankwe, cengeleni pantu limbi kuti mwayonaula bonse. ¹⁶ Lelo ndesosa ati, endeleni mu mupashi elyo imwe tamwakalecita ukufwaya kwa bumubili. ¹⁷ Pantu ififwaya umubili filapinkana no mupashi, elyo ifi fwaya umupashi filapinkana no mubili pantu ifi filalwishanya cimo ne cinankwe, pakuti mwicita ifintu ifyo mulefwaya. ¹⁸ Lelo nga mwatungululwa no mupashi, tamuli bamalango. ¹⁹ Nomba imilimo ya mubili yalishibikwa: Ubulalelale, ukukowela, imibele yansoni, ²⁰ ukupepa utulubi, ubuloshi, ukupatana, ifikansa, ubufuba, icipyu, ulubuli, akapatulula, ²¹ umufimbila, bucakolwa, iciwowo, nafimbi ifyamusango uyu, ndemusoka, nga fintu na musokele pakubala, nasosele ati abalecita ifyamusango uyo tabakengile mubufuma bwa kwa Lesa. ²² Lelo ifisabo fya mupashi ku temwa, insansa, umutende, ukutekanya, inkumbu, ubusuma, ictetekelo, ²³ ukufuka, umutembo, ukuiteka, nokuisuunga; kufyaba nga ifi takwaba ifunde. ²⁴ Abo ababa muli Kristu Yesu bali tanika umubili pamo noluunkumbwa ne mifwaile yabuko. ²⁵ Nga twaokalila mu mupashi, lekeni tulendela mu mupashi. ²⁶ Lekeni ifwe twiba abayumfwa, abakalifyanya umo no munankwe, abalwambo umo no munankwe.