¹ Imwe mwalibushiwa kubafwa pamo na Klistu, fwayeni ifintu fyamu mulu, uko klistu aikala kukuboko kwa kulyo kwakwa Lesa. ² Bikeni imitima pafintu fyamumulu, tefintu fyamu calo. ³ Pantu mwalifwa, ne mweo yenu yalifisama pamo na klistu muli Lesa. ⁴ Ilyo Klistu akamoneka, uuli mweo wenu, kabili mukamone nankwe mubukata. ⁵ Eico ipayeni, ifilundwa fyapano calo -ubulalelale, ubupulumushi, ulunkumbwa. lubi, ubulili, ifili kupepa utulubi. ⁶ Nipali ifi fintu epo ubukali bwa kwa Lesa bulri shila ku bama babashibeela. ⁷ Na imwe bene emibeele mwaleedalamo kale ilyo mwaleikala muli iyo misango. ⁸ Lelo nomba muli no kuleka ifi fyonse ifili nge ubukali icipyu, amapange yabi, ulwambo, kabili nokutukana insele ukufuma mutunwa twenu. ⁹ Mwilabebana, pantu mwalifuma muli bumuntu bwakale ne mibeele yaiko, ¹⁰ kabili mwalifwala ubuntu bupya ubulelengwa cipya cipya mukwishiba ukukonka ukulingana mukwishiba cipasho camyo uwacilengele. ¹¹ Emulandu takuli mu kiliki namuyuda, uwasembululwa noshasembululwa, umuntu, umwina mpanga, umusha, umuntungwa, Lelo Klistu nionse, pantu aba muli bonse ¹² Eico, nga basalwa bakwe, aba shila kabili abatemwikwa, fweleni umutima waluse, abacikuku, abafuka, abamutembo, nomutekatima. Mulewikishanya. ¹³ Muleikwatila icikuku. Ngacakuti umo aleilishanya pamunankwe umbi, muleelela munshila imo iine ngefyo shikulu amyelela. ¹⁴ Pali fyonse ifi, kwateni ukutemwa, ukwaba icakwikatanya icapwilika. ¹⁵ Lekeni umutende wakwa Klistu uteeke mu mitima yenu. Ni uyu mutende eo mwaitilwe mumubili umo. Kabili beni abakutotela. ¹⁶ Lekeni icebo cakwa Klistu cikale muli imwe umupwilapo, ukusambilisha nokulangilila umo nomankwe namano yonse, ukwimba amalumbo ne sha kutasha kabili nenyimbo shamupashi nokutotela mumitima yenu kuli Lesa. ¹⁷ Ifyo fyonse mucita mu mashiwi nangu muficitwa, muficitile ukutotela kuli Lesa tata ukupitila muli wene. ¹⁸ Mwebakashi, nakileni abalume benu ici calilinga muli shikulu. ¹⁹ Mwebalume, temweni abakashi benu, kabili mwiba nabukali kuli bena. ²⁰ Mwebana, mulenakila abafyashi benu muli fintu fyonse, pantu ecatemuna muli shikulu. ²¹ Bashifwe, mwilakalafya abana benu, pakuti betomposhiwa. ²² Mwe basha, mulenakila bashikulwine ba pano calo muli fyonse, telyo balipofye iyoo, pakuti mubatemine, lelo ne mitima iyacinshinka, muletina shikulu. ²³ Fyonse ifyo mulecita, bombeni ukufuma mu mutima ngabalebombela shikulu te kubantu iyoo. ²⁴ Muleshiba ukuti mukapokelela icilambu cakupyana ukufuma kuli shikulu. Ni shikulu Yesu eomubo mbela. ²⁵ Pantu na onse uucita ukukana lungama akopokelela ukufululwa kwakuna lungama uko acitile, kabili takwaba kapatulula.