¹ Pantu ine ndefwaya imwe mwishibe ubukulu bwa kushomboka kwandi pali imwe, nabali ku Laodicea, kabili nabambifye abanambonapo amenso na menso. ² Nbombela ukutila imitima yabo ibe iyakoseleshiwa mu kuletwa pamo mucitemwiko kabili na mu bunonshi bonse ubwa kushininkisha ukwafikapo ku kwiluka, mu bwishibilo bwa bwilye bwa kwa Lesa, uyo ni Klistu. ³ Muli ena emwafisama yonse amano no bwishibilo. ⁴ Ndelande fi pakutila nelyo umo ekamubepa no mulyo wa mashiwi ayabujenjeshi. ⁵ Nangulaline nshili naimwe ku mubili, lelo ndi na imwe ku mupashi. Ndasekelela pa kunona muyano kabili no kukose bwa citetekelo muli Klistu. ⁶ Ifyo mwapokelele Klistu Yesu shikulu, efyo mwende muli ena. ⁷ Mube abanda mushila muli ena, abakulwa pali ena, aba shimpwa mu citetekelo ngefyofye mwa mwafundwa, no kufula mukupa amatotelo. ⁸ Mumone ukutila tapali nangu umo uwakuminonka busha ukupitila mu mano ayashika no kulufiwa kwafye ukulingana ne ntambi sha bantu, mu mubela wa mipashi ya pano sonde no kukana ba mu mubela wa kuli Klistu. ⁹ Pantu mu mubela wa mubili wakwe mwikala umwisulo onse uwa kwa Lesa. ¹⁰ Imwe mwalisushiwa muli wene, uyo waba umutwe pali kateeka onse na maka. ¹¹ Muli wene na imwe mwalisembululwa no kusembululwa ukushicitwa ku bantu ukwakufunya inkanda ku mubili, lelo mu kusembululwa kwa kwa Klistu. ¹² Imwe mwalishikwa nankwe mu lubatisho, kabili muli wene imwe mwalibushiwa ukupitila mu citetekelo mu makayakwa Lesa uyo uwa mubushishe ukufuma ku bafwa. ¹³ Ilyo mwalishikwa nankwe mu lubatisho, kabili muli wene imwe mwalibushiwa ukupitila mu citetekelo mu maka yakwa Lesa, uyo uwa mubushishe ukufuma ku bafwa. Ilyo imwe mwali abafwa muli bumpula mafunde bwenu kabili na mu kukana, sembululwa ukwa mibili yenu, amilenge aba mweo pamo nankwe no kutwelela shonse imembu. ¹⁴ Ena afutile ukulembwa kwa butantiko bwa milandu Yesu isho shaleponkana naifwe ne mitande yashiko. Ena alifisenda ku kufipopela pa lupanda. ¹⁵ Afulile ifya maka na bukateeka no kufilenga nsoni pa lwalala, ku kuficifya pa lupanda. ¹⁶ Eco nomba, mwuleka nangu umo amupingule mu kulya nangu mukunwa, nangu palwa mutebeto nangu umweshi upya, nangu palwa bushiku bwe sabata. ¹⁷ Ifi fyaba cinshingwa ca fintu ifileisa, lelo Yesu emubili wacine. ¹⁸ Mwileka nangu umo uyo uwulefwaya ukuicefya no kushinshimuna kwa ba malaika amupingule imwe ukufuma ku cilambu cenu, umuntu wamusango uyo engila mufintu efyo ena amona no kuba nakatutumushi pafintu ifyabula ubupilibulo ku kutontonkanya kwakwe ukwa bumubili. ¹⁹ Ena tekatilila ku mutwe, iyo kutendekela ku mutwe eko umubili onsefye upokelela no kubikwa pamo ukufikafye na mu mishipa ne waku shonse imembu. ²⁰ Nga imwe mwafwilile pamo na Klistu ku mipashi ya pano sonde, ninshi mwikalila ngababa ku fipope fye sonde; ²¹ Wilaikata, nangu kusonda, nangu ku kumya?'' ²² Fyonse ifi fintu fili no kuloba ilyo filebomba, ukulingana ne filangililo ne misambilishishe ya buntunse. ²³ Inshi mitande shaba nemimonekele ya mano, nemicitile yaiko iya mipepele no bufuke no buluku bwa misungile ya mubili. Lelo tayaba ne mponfu sha kucimfya ulunkumbwa lwa mubili.