¹ Paulo, umutumwa wakwa Kristu Yesu ukupitila mubufwayo bwakwa Lesa, na Timote muninefwe, ² Kubantu bakwa Lesa abamushilo naba munina abacishinka muli Kristu aba ba ku Kolose. Lekeni ukusenaminwa kube kuli imwe, no mutende ukufuma kuli Lesa Tata na shikulu Yesu Kristu. ³ Tulapela amatotelo kuli Lesa, wishi wakwa Shikulu Yesu Krstu, kabili lyonse tulamipepela. ⁴ Twalyumfwa pa citetekelo cenu muli Kristu Yesu ne Citemwiko ico mwakwata pa bantu bakwa Lesa bonse abamushilo. ⁵ Mwakwata ici icitemwiko pamulandu we subilo lyabikwa kuli imwe mumulu. mwa lyumfwilepo pali ili subilo kunuma mu cebo ca cine, imbila nsuma, ⁶ Ilyo yaisa kuli imwe. Iyi mbila nsuma iletwala icisabo kabili ilekula mu calo monse. Ilecita ifi muli imwe ukufuma ubushiku mwayumfwile no kusambilila palwa kusenaminwa kwa kwa Lesa mucine ⁷ Iyi embila nsuma ngefyo mwasambilile kuli Epafra, umubomfi munensu umutemwikwa, uuli mubomfi wakwa Kristu uwacishinka ukwimininako ifwe. ⁸ Epafra ali tulenga ukwishiba icitemwiko cenu mu mupashi. ⁹ Pamulandu wa ici icitemwiko, ukufuma ubushiku twaumfwile ifi tatwaleka ukumipepela. Tulapepa ukuti mwingesulamo ukwishiba kwabufwayo bwakwe mu mano Yonse nokwiluka kwaku mupashi, ¹⁰ Pakuti mukende mu mubelo wa yana kuli shikulu ne fimutemuna munshila shonse: mukutwala icisabo mu mulimo onse uusuma no kukula mukwishiba ukwakwa lesa, ¹¹ Mukuba aba koseleshiwa na maka yonse umwabela amaka yabukata bwakwe pakuti mwinga kwata ukushipikisha ukukalamba nokulolela, kabili munsansa. ¹² Ukupela matotelo kuli Tata, uwamilengele ukukwata iciputulwa mu fya bupyani ifya bantu bakwe abamushilo mu lubuto. ¹³ Alitupokolola kulupaka lwa mfifi nokututwala mubufumu bwa mwana wakwe uwatemwikwa, ¹⁴ muli uyo twakwatila ukulubulwa, ukwelelwa kwa membu. ¹⁵ Cipasho cakwa Lesa uushimoneka, kabili kufibumbwa fyonse. ¹⁶ Pantu muli ena ifintu fyonse emo fyabumbilwe, ifyo ifya mumulu nefyo ifya pe sonde, ifintu ifimoneka nefishimoneka. Cibe mabufumu nangu balupaka nangu buteko nangu bumulopwe, fyonse ifintu fyapangilwe ukupitila muli ena na palwa ena. ¹⁷ Enafye umwine abapantanshi ya fintu fyonse, na muli ena ifintu fyonse fya ikatana capamo. ¹⁸ Emutwe wa mubili, nolukuta. Entendekelo, ibeli ukufuma kubafwa, ico akwata icifulo cakubalilapo pa fintu fyonse. ¹⁹ Pantu Lesa alibekelwemo ukuti muli ena mwingekala umwisulo wakwe onse, ²⁰ nokuwikisha ifintu fyonse kuli ena ukupitila mu mwana. Lesa alipanga umutende ukupitila mumulopa wa musalaba wakwe. Lesa awikishe ifintu fyonse kumwine, cibe fintu fya pe sonde nangu fintu fya mumulu. ²¹ Panshita imo naimwe mwali abeni kuli Lesa kabili mwali abalwani mwitontonkanyo ne ficitwa ifibi. ²² Lelo nomba alimiwikisha ukupitila mu mubili wakwe uwabuntunse ukupitila mumfwa, acitile ifi mukuti engamimika kucinso cakwe abashila abakaele, kabili abakaele pacinso cakwe, ²³ nga mwakonkanya mucitetekelo, abalimbwa kabili abaiminina ndi, ukukana fumishiwa kwisubilo lya mbila nsuma ilyo mwaumfwile, iyi embila nsuma iya bililwe ku muntu onse uwabumbwa panshi ya mulu. Iyi embila nsuma iyo ine, Paulo, nasangwike umubomfi. ²⁴ Nomba ndabekelwa mukucula kwandi pali imwe, kabili ndesusha mu mubili wandi ifilebulila mumacushi yakwa Kristu pamulandu wa mubili wakwe, uuli lukuta. ²⁵ Nikulu ululwine ulukuta eko naba umubomfi, ukulingana nababukasunga ukufuma kuli Lesa ubwapelwe kuli ine palwa imwe, mukufikilisha icebo cakwa Lesa. ²⁶ Ishi ninkama ishafishilwe pa nshita na pa nkulo lelo nomba shalisokolwelwe kubantu bakwa lesa abamushilo. ²⁷ Nikuli bena uko Lesa alefwaya ukulenga ukwishibika ubunonshi bwa bukata bwa iyi nkama pa bena fyalo iili ni Kristu, isubilo lya bukata. ²⁸ Tubila ena, ukusoka nokusambilisha bonse na mano yonse, pakutila twi ngemika umuntu onse uwa kula muli Kristu. ²⁹ Pamulandu waifi ndabomba no kulwisha ukulingana no bulamba ubo ubulebomba muli ine mu maka.