¹ "Bamunyinane naba shifwe kutikeni ku kuipokolola kwandi uko nomba ndecita kuli imwe." ² Ilyo icintu bwingi caumfwile Paulo alesosa kuli bena mu lulimi lwa ci Hebere, baali tondolo, atile, ³ "Ine ndi mu Yuda, uwa fyalilwa mu Tasi waku Kilikia kabili nasambilile muli uno wine musumba pa nkasa shakwa Gamalici. Nasambilishiwe ukulingana nenshila ya mafunde yaba shifwe. Nali pimpa pamulandu wakwa Lesa, ngefyo naimwe bonse muli ilelo. ⁴ Nalipakashilwe ii nshita ku mfwa, ukukaka no kupeela mufifungo bonse abaume na banakashi, ⁵ ngefyo bashimapepo mukalamba na bakalamba bonse kuti ba peela ubunte. Naali pokelele amakalata ukufuma kuli bene pali ba munyinabo mu Damaseke, kabili naile kulya kuku ba leta nabakakwa ku Yelusalemu kuku kandwa ⁶ Calicitike ukuti ilyo naleya nokupa lamina Damaseke mupepi nakasuba pakati apo pene ulubuto ulukalamba ukufuma mumulu lwa tendeke ukusaniak uku shinguluka. ⁷ Napopene panshi no kumfwa ishiwi lya sosa kuli ine, 'Saulo Saulo, ninshi ule mpakashila?' ⁸ Nalyaswike, 'Niwe ani shikulu?' Atile kuli ine, 'Nine Yesu umwina Nazareti, uo ulepakasa.' ⁹ Abo abaali pamo naine bamwene ulubuto, lelo tabaishibe ishiwi lya uyo uwa lesosa kuli ine. ¹⁰ Natile, 'kuti nacita shani, Shikulu?' Shikulu atile kuli ine ati, 'Ima no kuya mu Damaseke. Kulya eko baleya kweba fyonse ifyapekanishiwa pali iwe ku kucita.' ¹¹ Nshalemona pamulandu wakubekesha kwa lubuto lulya kabili pakutungululwa ku maboko ya abo abaali pamo naine, naishile ku Damaseke. ¹² Kulya nakumenye umwaume uwainikwe Anania, umwaume uwapetama ukulingana na malango kabili uwasoselwa ubusuma kuba Yuda bonse baleikala mulya. ¹³ Aishile kuli ine, aiminine pali ine nokusosa ati, 'munyina Saulo, pokelela ukumona.' Muli ilya ine inshita naali mu mwene. ¹⁴ Elyo atile ati, 'Lesa wa ba shifwe nasonta iwe ukwishiba ubufwayo bwakwe, ku kumona abalungami no kumfwa ishiwi ilileisa ukufuma ku kanwa Kakwe. ¹⁵ Pantu iwe ukaba ubunte pali wene ku baume bonse pafyo wa mona no kumfwa. ¹⁶ Nomba ninshi ulepembela? Ima, ubatishiwe, no kusamba imembu shobe, uleita peshina lyakwe.' ¹⁷ Panuma nimbwelela ku Yelusalemu, kabili ilyo nalepapa mwi tempele calicitike pukuti nalipeelwe icimonwa. ¹⁸ Namumwene asosa kuli ine ati, 'Angufyanya no kufuma mu Yelusalemu bwangu, pantu tabakasumine ubunte bobe pali ine.' ¹⁹ Natile, 'Shikulu, abene balishiba ukuti nalikakile no kuma abo abasumine muli imwe mwi Sinagogi lyonse. ²⁰ Ilyo umulopa wakwa Stefani inte yenu wasumine, naine wine naiminine palya nokusuminisha, kabili na lelonda namalaya ya abo bonse aba mwipeye.' ²¹ Lelo asosele kuli ine ati, 'kabiye, pantu nkakutuma ukutali ku bena fyalo."' ²² Bakutile kuli wene mpaka kulya kulanda. Elyo basanswile amashiwi yabo no kutila, "Fumyeni umuntu uyu pe sonde, pantu tacilingile ukuti abe no mweo." ²³ Ilyo balepunda, baleposa amalaya yabo, nokuposa ulukungu mu mwela, ²⁴ Umukalamba wabashilika akonkomeshe Paulo ukuletwa mu nkambi ya bashilika. Akonkomeshe ukuti bamwipushe amepusho noku muma ifikoti, pakutila umwine eshibe ninshi balepundila filya pali wene. ²⁵ Ilyo bamukakile ukuti bamume ifikoti, Paulo atile ku mukalamba wa fita uwaiminine mupepi ati, "Bushe calisuminishiwa kuli iwe ukulopola umwaume umwina Roma ifikoti uyo kabili uushila pingulwa?" ²⁶ Ilyo mushika aumfwile ifi aile kuli mushika wa mpuka noku mweba ati, "Ninshi uli pakucita? Pantu uyu mwaume mwina Roma inkonko." ²⁷ Mushika wa mpuka alishile no kusosa kuli wene, "Njeba, bushe uli mwina Roma inkonko?" Paulo atile, "Ee" ²⁸ Mushika wa mpuka alyasukile ati, "cali cipendo ca ndalama icikalamba ukuti mpoke icitupa cakuba umwikashi." Lelo Paulo atile, "ine nafyelwe umwina Roma inkonko." ²⁹ Elyo abaume abaleya mukumwipusha bamushile apopene. Mushika wampuka nao aumfwile umwenso, ilyo aishibe ukuti Paulo aali mwina Roma, pantu ali mukakile. ³⁰ Pabushiku bwa konkelepo, mushika wampuka alefwaya ukwishiba icishinka umulandu aba Yuda bapele Paulo. Eico alimukakwile no kweba ba shimapepo mukalamba na bashicilye bonse ukukumana. Elyo atentemwishe Paulo no kumuteeka pa kati kabo.