¹ Panuma ya ifi Paulo afumine ku Anthens no kuya ku Kolinti. ² Kulya akumenye umu Yuda uweshina lya Akwila, umwina Ponti, uwafumine ku Itali no mu kashi wakwe Priscilla, pantu Kilaudio alikonkomeshe ukuti aba Yuda bonse bafumine ku Roma. Paulo aile kuli bene, ³ Pa mulandu alebomba incito nabo balebomba, aitile nabo noku bomba, pantu bali niba kapikula bamatenti mu ncito. ⁴ Eico Paulo ale lanshanya nabo mu Sinagogi cila Sabata, ukusesha ukubongola bonse aba Yuda naba Giliki. ⁵ Nomba ilyo Sailasi na Timoti bafumine ku Makedonia, Paulo ali ipeleshe ku cebo, no kupela ubunte kuba Yuda ukuti Yesu ni Kristu. ⁶ Lelo ilyo aba Yuda bamu lwisishe no kumutuka, Paulo abakuntile umungwila wakwe nokuti kuli bene, "Lekeni umulopa wenu ube pa mitwe yesu; ndi wakaele. Ukufuma ino nshita nkaya ku bena fyalo." ⁷ Elyo aishile fuma palya no kuya ku ng'anda yakwa Tito Yusito, umwaume uwalepepa Lesa. Ing'abda yakwe yalifye mupepi na Sinagogi. ⁸ Kilisipo, umukalamba wa Sinagogi alisumine muli Lesa pamo naba ng'anda yakwe; elyo abena Corinto abengi abamumfwile ici balisuminie elyo nokubatishiwa. ⁹ Lesa atile kuli Paulo ubushiku mucimonwa, "Witina lelo sosa elyo wi ikala shilili. ¹⁰ Pantu ndi na iwe, elyo tapali nangu umo uukesha ukucita icabipa kuli iwe, pantu ninkwata abantu abengi muli uno musumba." ¹¹ Paulo aikele kulya umwaka umo ne myeshi mutanda, alesambilisha icebo cakwa Lesa pakati kabo. ¹² Lelo Ilyo Gallio aishileba umulashi waku Akaia, aba Yuda bali isa pamo no kwimina Paulo noku mutwala kucilye ca milandu; ¹³ Batile, "uyu muntu ale ongola abantu ukupepa Lesa mumusango uwapusana na mafunde." ¹⁴ Lelo elkyo Paulo alefwaya ukuti atampe ukusosa, Gallio atile kuba Yuda, "imwe mweba Yuda, nga cali mulandu uwa ku luba nangu umulandu uwabipisha, kuti caba icamano ukulanshanya na imwe. ¹⁵ Lelo pantu aya mepusho yaba mashiwi na mashina na mafunde yenu, putuleni uyu mulandu mwebene nshilefwaya ukuba kapingula wa iyi milandu." ¹⁶ Gallio abafumishe napa cipuan ca bupingushi. ¹⁷ Eico bonse baikete Sositeni, umukalamba wa Sinagogi, ku maka noku muma kutanshi iya cipuna cabupingushi. Lelo Galio tasakamene pafyo bacitile. ¹⁸ Paulo panuma yakwikala kulya inshinku ishingi ashile bamunyina no kuya ku Siria na Priscilla elyo na Akwila ilyo talafuma palya baninina amato pa ncende ya, Kenkelia, alibeya imishishi pa mulandu wa cilayo alaile. ¹⁹ Ilyo bafikile ku Efeso, Paulo ashile Prisila na Akwila kulya kwine elyo ena aile ingila mu Sinagogi no kulanshanya naba Yuda. ²⁰ Elyo Baipwishe Paulo ukuti ekale inshita itali, alikene. Lelo ilyo alefuma pancende bali, atile, ²¹ "nkabwela nakabili ngacakuti bufwayo bwakwa Lesa." Elyo aisa fumako ukuya ku Epheso. ²² Elyo Paulo afikile ku Caesarea, ali isa aya nokuya posha icilongaknino caku Yelusalemu elyo kabili aisa tentemuka aya ku Antioki. ²³ Panuma yakwikalako kulya, Paulo alifumineko nokupita muncende sha Galatia na Fulugia noku koselesha abasambi bonse. ²⁴ Lelo umu Yuda umo uweshia lya Apolo umwina Alekisadilia muku fyalwa, aishile ku Efeso. Ali uwacenjela sana mumilandile yakwe elyo kabili ali ni kanyekanye mu malembo ya mushilo. ²⁵ Apolos ali uwakanshiwa bwino muma funde yakwa Lesa. Ico ali uwaswangana mu mupashi alelanda nokufunda ukufikapo ifintu ifyakumine palwa Kwa Yesu, lelo aishibefye ulubatisho lwakwa Yoane. ²⁶ Apolos atampile ukulanda uwashipa mu Sinagogi, Lelo ilyo Priscilla na Akwila bamumfwile balimusendele lubali noku mulondolwela inshila yakwa Lesa bwino bwino. ²⁷ Elyo alefwaya ukuya pitako ku Achaia ba munyina bali mukoseleshe nokulombela kuba sambi abali ku Achaia pakuti benga mupokelela. Ilyo afikile, ali afwilisha apakalamba abo abasumine ukupitila muku senaminwa. ²⁸ Apolos alicimfishe aba Yuda mumaka muku kangana kwa pa lwalala, ukulango ukupitila mu fyalembwa ifya mushilo ukuti Yesu e Kristu.