¹ Catike nge fi mu ikoniamu ukutila Paulo na Banaba baingile pamo mwi sunagoge iya ba Yuda no kulanda mu nshila imo iya kuti ibumba ilikalamba ilya ba Yuda na ba Giriki batetekele. ² Lelo aba Yuda abo abashali na cumfwila, ba bifishe amatontonkanyo ya bena fyalo kabili ba balengele ukufulilwa bamunyinane. ³ Eco baikele kulya panshita iyitali, ukulalanda mukushipa na maka yakwa shikulu, ilyo wene apele ifi shinka palwa mbila yakusenamina kwakwe. Ena acitile fi mukupela ifishibilo ne fipesha mano ukucitwa ku ninwa ya kwa Paulo na Barnaba. ⁴ Lelo abantu ba mu musumba bali patulikana, bamo baibikile ku lubali lwa ba Yuda, bambi nabo ku batumwa. ⁵ Bonse abena fyalo na ba Yuda (pamo nentungulushi shabo) ba eseshe ukulabacusha kabili no kubapola amabwe, ⁶ Lelo ilyoline bene baishibe palwa ici, bene bafulumukile ku lukaonia ku misumba ya Lisitila na Debe kabili nefifulo ifya shingulwikeko, ⁷ Uko ekobatwalililw ukubila imbila nsuma. ⁸ Ku Lisitila umuntu umo ali naikalako, uwabwa amaka mu makasa yakwe, uwalemana ukufuma mu nda yakwa nyina, uyo uwushatalile endapo. ⁹ uyu umutu aumfwile Paulo alelanda. Paulo atontele amenso yakwe pali ena no kumona ukutila ati ali necitetekelo ukuti engaposhiwa. ¹⁰ Eco asosele kuli ena mwishiwi ilikalamba ukutila, ''Iminina pa makasa yobe, ''Elyo ulya muntu atolweke mu mulu no kwenda aleshinguluka. ¹¹ Ilyo ibumba lyamwene ifyo Paulo acitile, babilikishe amashi yabo, ukutila mucilimi caci lukaonia, ''imilungu yaisaba nga bantunse kabili no kwikila pali ifwe'' ¹² Balitile Barnaba ''seusi.'' na Paulo ''Eermesi'' pantu ewali kalanda mwine mwine. ¹³ Na shimapepo wa kwa sensi, uyo itempele lyakwe iyalife panse ya musumba, aletele ingo'mbe na maluba pa mpongolo; ena na mabumba balefwaya ukutula ilambo. ¹⁴ Lelo ilyo abatumwa, Baenba na Paulo, ba cumfwile, balepawile insalu shabo no kuya mukwangufyanya mwibumba, balebilikisha ukutila, ¹⁵ ''Mwe bantu, cinshi mulecitila ifi fintu? naifwe bene tuli bantufye, no mubela umowine nga imwe tulemweba imbila nsuma ukutila mufwile mwaluka ukufuma kuli ifi fintu fyabula ubuyo nokuya kuli Lesa uwamweo, uwapangile umulu, icalo, bemba na fyonse ifyabamo. ¹⁶ Mu nkulo shakale, ena alisuminisha inko shnse ukwenda munshila shashiko. ¹⁷ Lelo neliline, ena taishile umwine ukwabula ubunte, muli ici ena acitile ubusuma no kupela imwe imfula ukufuma ku mulu kabili nokutwalisha kwa fisabo pa nshita yafiko, ukwisusha imitima yenu ne fyakulya kabili nokusekelela.'' ¹⁸ Nangufye naya mashiwi, Paulo na Banaba tabakumanishe ukukanya ili bumba ku kubatulila ilambo. ¹⁹ Lelo aba Yuda bamo ukufuma ku Autike na ikoniamu baishile no kongola ibumba. Bapolele Paulo amabwe kabili no kumutantanishiha kunse ya musumba, batontonkenye ukutila nafwa. ²⁰ Lelo ilyo abasambi baimine ukumushinguluka, ena aliyima no kwingila mu musuma. Ubushiku bwakonkelepo, wene aile ku Debe na Baynaba. ²¹ Panuma babila imbila nsuma muli ulya musumba no kukwata abasambi abangi, bene babwelulukile ku Lisitila, ku ikoniamu na ku Autioke. ²² Bene ba twalilile ukukoselesha imweo ya basambi no kubeba ukutwalilila mu cisumino, ukutila, ''Ifwe tuli nokwingila mu bufumu bwa kwa Lesa ukupitila mu macushi ayengi.'' ²³ Ilyo bene ba basontele abakalamba muli cila cilonganino kabili bapepele no kufunga nokubalubwila kuli shikulu,uyo bene basuminemo. ²⁴ Elyo bene bapitile mu pisidia no kwisa ku pamfilia. ²⁵ Ilyo basosele icebo mu pega, bene batentemukile ku Atalia. ²⁶ Ukufuma kulya bene baile mubweto ku Antioke, uko bene babatulile ku kusenamina kwa kwa Lesa pa mulimo uo bene bapwishishe. ²⁷ Ilyo bafikile mu Autioke nokulonganya icilonganino pamo, bene bashimike fyonse ifyo Lesa acitile muli bene, nefyo wene aiswile icibi ca citetekelo ku bena fyalo. ²⁸ Bene baikele inshita ntali na basambi.