¹ Nomba mu lukuta lwa ku Antioki, mwali bamo bakasesema naba kafundisha. Bali Banaba, Simeoni (uwaleitwa cifita), Lukio uwa Kileni, Manaeni Cibusa mwine mwine uwa mfumu Herodi na Saulo. ² Ilyo balepepa shikulu nokufunga ukuleka ukulya, mupashi wamushilo atile, "Tupatwileniko Banaba na Saulo, bambombele umulimo uyo nabetila." ³ Ilyo bapwile ukufunga ukulya nokupepa batambikepo indupi shabo pali bena no kubatuma baye. ⁴ Eico Banaba na Saulo, ilyo batumwa ku mupashi wa mushilo, baile ku Seleukia; ukufuma kulya baile ku Cyprus. ⁵ Ilyo bali mu musumba wa Salamis, babilile icebo cakwa Lesa mu ma Sinagoga yaba Yuda. Bali na Yoani Marko uwakwa fwilishako. ⁶ Elyo bapitile mu cishi conse ica Paphos, basangile umo uwafinjelengwe umu Yuda kasesema wa bufi, uwe shina lya Bar-Yesu. ⁷ Uyu uwafinjelengwe aampene no mulashi, Sergius paulus, ulwali umwaoume uwacenjela. Uyu mwaume aitile, "Barnaba na Sila, pantu afwaile ukumfwa icebo cakwa Lesa. ⁸ Lelo Elymas, "uwafinjelengwe" (Ifyo efyalepilibulwa ishina lyakwe) abapililika; alaesha ukupilibula umulashi ukumufumya kucitetekelo. ⁹ Lelo Saulo, uwaleitwa Paulo aisushiwamo nomupashi wa mushil, amulolekesha, ¹⁰ kabili atile, "wemwana waciwa we, wa isulamo imisango iyakulufya kabili iyabubifi. Uli mulwani wa musango wabulungami, Tawakaleke ukupusanya inshila Ishololokew isha kwa shikulu, tefyo? ¹¹ Nomba lolesha, ukuboko kwakwa Shikulu kuli pali kiwe, kabili walaba impofu tawamone akasuba pali ino nshita. "Palya penefye Elymas aponenwa na fube fube nemfifi; atampile ukushinguluka mukufwaya abantu abakumwikata kukuboo nokumutungulula. ¹² Panuma umulashi amona ifyacitika alisumine, pantu alipapile kukusambilisha palwa kwa shikulu. ¹³ Ilyo Paulo nabanankwe bafumine ku Paphos nokwisa ku Perga mu Pamphylia. Lelo Yoani alibashile nokubwelela ku Yelusalemu. Antioki ya Pisidia. ¹⁴ Paulo nabanankwe bafumine ku Perga nokwisa ku Antioki ya Pisidia kulya baile mu Sinagogi pa bushiku bwe sabata nokwikala panshi. ¹⁵ Panuma yakubelenga amafunde nobusesemo, intungulushi shamu Sinagogi babatumne akasebo, nokutila, "Bamunyina, nganamukwata ilyashi ilili lyonse ilya kukoselesha abantu kuno soseni." ¹⁶ Eico Paulo aiminine nokulanda nokuboko kwakwe; "mwebaume mwe bena Israeli kabili mwebacindika Lesa, umfweni. ¹⁷ Lesa wabena Israeli bashifwe nokupanga abantu abengi ilyo baleikala mu calo ca Egupto, nokuboko kwakwe ukwatambalika eko abafumishe kulya. ¹⁸ Pamyaka amakumi yane aleba sakamana mumatololo. ¹⁹ Panuma yakonaula inko cine lubali mucalo ca Kenaan apele abantu besu impanga yabo ngr ca cakupyanina. ²⁰ Ifi fyonse fyacitike pamyaka 450 panuma ya ifi fintu, Lesa alibapeele abapingushi mpaka mukufikafye pali Samwele kasesema. ²¹ Elo abantu baipwishe palwa mfumu kabili Lesa abapeele Saulo mwana Kishi, umwaume wamumutundu wakwa Benjamin, ukuba mfumu pa myaka amakumi yane. ²² Panuma Lesa amufumyapo pabufumu aimishe Dabidi ukuba imfumu. Califye pali Dabidi epo Lesa aisokolwele, nokutila, 'ninsanga Dabidi mwana Jesse ukuba umwaume wapamutima wandi uukacita fyonse ifyo ndefwaya ena ukucita.' ²³ Ukufuma mu mfyalwa ya uyu mwaume emwafumine imfumu ya Israeli, Yesu, Ngefyo alaile ukucita. ²⁴ Ilyo Yesu talaisa, Yoani ashimke ulubatisho lwa ku lapila kubantu bonse abena Israeli. ²⁵ Ilyo Yoani apwile imilimo yakwe atile, 'imwe mutontonkanya ati nine ani? Teine. Nomba umfweni, umo aleisa panuma yandi, nshilingile nokukakula intambo shapandyato shakwe. ²⁶ Banyina, mwebana bamubutantiko bwakwa Abulahamu kabili pali baimwe abacindika Lesa, pantu nikuli ifwe imbila palwa kupusuka yalituminwe. ²⁷ Ico abo abekala mu Yelusalemu nabakateeka babo tabamwishibe, kabili bafikilishe amashiwi yaba kasesema ayo belenga lyonse pe Sabata pakupeela Yesu umulandu. ²⁸ Nangulaline tabasangile mulani wakumwipailamo, baitile Pilato pakumwipaya. ²⁹ Ilyo bapwile ifi fyonse ifyalembelwe pali ena, bamwikishe Panshi uku mufumya pacimuti no kuyamushika munshinshi. ³⁰ Lelo Lesa amubusishe kubafwa. ³¹ Balimumwene panshiku ishingi abo bonse abaishile naena ukufuma ku Galileya ukuya ku Yelusalemu aba bantu ebakambonhe ku bantu. ³² Eco tulemyeba imbila nsuma, ubulayo ubwaishile kuli bashifwe. ³³ Alifikilisha kuli baifwe, kubana babo, pakubusha Yesu. Ngefyo calembwa mumalumbo tyacibili; 'uli mwana wandi ilelo ninsanguka wiso.' ³⁴ Eco amubusishe kubafwa pakuti ekabwelelako, Lesa asosele muli iyi nshila: Inkamipela icashila namapalo yacishinka ayalailwe kuli Dabidi. ³⁵ Ifi fine efyo asosele mumalumbo yambi, tamwakasuminishe uwasala wenu ukumona ukubola.' ³⁶ Ilyo Dabidi apyungile ukufwaya kwakwa Lesa munkulo yakwe, alele utulo: alipamo na wishi nomubili wakwe wapitile mukubola. ³⁷ Lelo uyo wine Lesa abusishe kubafwa teti apite mukubola. ³⁸ Eico Lekeni cishibikwe kuli imwe bamunyina ukupitila muli uyu muntu emo yashimikilwa imbila nsuma kuli imwe iyakulekelelwa imembu. ³⁹ Muli ena bonse abo abasumina balalungamikwa ku fintu fyaba mumafunde yakwa Mose ayashinga bomba mukulungamika nomuntu. ⁴⁰ Eico cenjeleni pafintu bakasesema basosele ukuti taficitike kuli imwe. ⁴¹ 'Moneni, mwebamusula kabili sungukeni kabili ilyo mukonaika; pantu ndeleka umulimo imwe munshiku shenu, umulimo uo mushakana sumina nangu umuntu amweba pali ici."' ⁴² Elyo Paulo na Banaba bafumineko abantu babapapatille ati basose aya amashiwi yamo yene nakabili nape Sabata lika konkapo. ⁴³ Ilyo ukulongana kwe Sinagoga kwapwile abengi aba Yuda na bakapepa abena fyalo bakonkele Paulo na Banaba, aba sosele kuli bena nokuba sonsomba uku konkanyapo muku senaminwa kwakwa Lesa. ⁴⁴ Mwi Sabata lyakonkelepo, umusumba onse balongene mukumfwa icebo cakwa shikulu. ⁴⁵ Elyo aba Yuda bamwene ibumba baisushiwemo umufimbila nokusosa bubi bubi ku fintu ifyo fyasosele Paulo nokumutuka. ⁴⁶ Elyo Paulo na Banaba balabeba mukupama abati nimwe twali nokubalilapo ukushimikila imbila yakwa lesa, Kanshi epo mwakana nokumona ukuti tamulingile ubumi bwape, monenki taya kubena fyalo. ⁴⁷ Pantu eco Lesa atu konkomeshepo, nokutila, 'Ninsota imwe ngo lubuuto pabena fyalo, pakuti mulete ipusukilo ukufika ukwapela yacalo." ⁴⁸ Elyo abena Fyalo baumfwile ifi, balitemenwe kabili basumbwile icebo caka Lesa. ⁴⁹ Eco abengi basontelwe ku mweo wamuyayaya balisumine. Icebo cakwa shikulu calisa bankene mpanga yonse. ⁵⁰ Lelo aba Yuda bantukile bana mayo abakankala abapetamina Lesa, kabili nabaume intungulushi sha musumba bapakese Paulo na Banaba kabili babaposele kunse yacitungu cabo. ⁵¹ Lelo Paulo na Banaba bakuntile nolukungu kumakasa yabo kuli bene. Elo baile ku musumba wa Iconium. ⁵² Nabasambi baisushiwemo nensansa kabili nomupashi wa mushilo .