¹ Uyu ewali umulimo wapanga ya mutundu wakwa Manase ekutila Makiri, ewali beli lyakwa Manase kabili ewali wishi wakwa Gileadi. Imfyalwa yakwa Makiri yapelwe mpanga yakwa Gileadi na Bashani, pantu Makiri ali muntu wabulwi. ² Impanga yashelepo yapelwe ku mutundu wakwa manase, yapelwe kumi kowa Abiesere, Heleke, Asiriele, Shechemu, Hefele, na Shemida. Aba emfyalwa yaku caume cakwa Manase umwana mwaume wakwa Yosefe, abaiminineko imikowa yabo. ³ Nomba Selofehadi, umwana mwaume wakwa Hefere umwana mwaume wakwa Gilead umwana mwaume wakwa Makiri umwana mwaume wakwa Manase takwete abana baume, leelo akwetefye abana banakashi. Amashina ya bana banakashi bali ni Mala, Noa, Hogla, Milka, na Titsa. ⁴ Baile kuli Eleazari shimapepo, Yoshua mwana mwaume wakwa Nuni, ne ntungulushi, batile ''Yawe akonkomeshe Mose ukupela ifwe icakupyaninina muli ba munyinafwe.'' Eico, mukukonka amafunde yakwa Yawe, apele abo banakashi nge cakupyaninina muli bamunyinabo mulishibo. ⁵ Ifuputulwa fya mpanga ikumi limo fyali fyakwa Manase mu Gileadinamu Bashani, ifyaba kwishilya lya Yordani, ⁶ pantu abana banakashi bakwa Manase bapokelele icakupyanina camu bana baume. Mpanga yakwa Gileadi yashelepo yapelwe ku mfyalwa yasheleko iyakwa Manase. ⁷ Iciputulwa cakwa Manase cafikile ukufuma ku Ashere nokufika ku Mikimetati, ilikukapinda kakukabanga ka Shechemu. Elyo umupaka waile ku kapinda kakukulyo kubaleikala mupepi no tumfukumfuku twaku tapua. ⁸ (Mpanga ya Tapua yali yakwa Manase, leelo mushi tapua pa mumpaka wakwa Manase yali yabantu bakwa Ephramu.) ⁹ Umumpaka waile kukamana kamukuku kan. Iyi misumba ya kukulyo ku kamana mu mishi yakwa Manase yali yakwa Ephramu. Imipaka yakwa Manase yali kukapinda kakukuso lubali lwa kamana kamukuku, nokupelela kuli bemba. ¹⁰ Impanga yakukapinda yakwa Ephramu, na impanga yaku kapinda kakukuso yali yakwa Manase; bemba ewali umumpaka. Kukapinda kakukuso Ashere kuti afika, na kukabanga ka Isakari. ¹¹ Kabili mu Isakari na mu Asher, Manase akwete Betesheani ne imishi yauko, Ibleamu na imishi yabo, abekashi ba mu Dorena imishi yauko, bamu Endor na imishi yauko, abekashi bamu Taanaki ne imishi yauko, na bekashi bamu Megido ne imishi yauko (nomusumba walenga itatu wali wakwa Napefiti.) ¹² Leelo mutundu wakwa Manase tawali na cikwatwa capa misumba, pantu abena Kenani batwalilile ukwikala muli iyi mpanga. ¹³ Elyo abena Israeli bakoseleko, abenna Kenani basungilwe mukucula, leelo tababapwilikishe ukubafumyamo. ¹⁴ Elyo imfyalwa yakwa Yosefu yatile kuli Yoshua, nokusosa, ''Bushe cinshi mutupele ifwe umulimo umo uwa mpanga na iciputulwa cimo icakwaikalamo, ukufuma akale na nomba twaliba bantu abafula, na Yawe alitupala ifwe?'' ¹⁵ Yoshua atile kuli bena, ''Nga muli bantu abengi abampendwa kabiyeni pamulu mwebene nu mutengo muwamye umushili ne ncende mwebene mu mpanga ya Perisi na iya Refa, mucitefi, ukufuma nakale icalo caba ica tupilikabili naicepesha saana kuli imwe.'' ¹⁶ Imfyalwa yakwa Yoshua yatile, ''Icalo catupili tacatukumane ifwe. Leelo bonse abena Kenani abekala mumipokapoka balikwata maceleta yafyela, kumo nabali mu Bethshan nemishi yabo, nabali mumipokapoka ya Yesreele.'' ¹⁷ Elyo Yoshua atile kuba ng'anda yakwa Yosefu- kuli Ephramu na Manase, ''Muli bantu bafula, kabili mwalikwatisha amaka. Imwe tamulingile ukukwata iciputulwa cimo icampanga yapelwa kuli imwe. ¹⁸ Ne calo catupili cikaba cenu. Nangu cakwebeti mwaba ifimuti, imwe mukaiwamye nayo ikaba cikwatwa cenu mubukulu bwamipaka. Imwe mukafumyemo abena Kenani, nangu cakwebati bali kwata ama celeta yacela, nangu cakutila baliba abakosa.''