¹ Impanga iyo bapendwile umutundu wakwa Yosefe yatendeke ukufuma ku Yodani pa Yeriko, kukabanga yatumfukufuku iya Yeriko, mukati mumatololo, ukuya pamulu ukufuma ku Yeriko ukupita mumpili ya calo ca betele. ² Elyo yafumine ku Betele ukuya ku Luzi no kupita ku Atarote mumpangaya bena Ariki. ³ Elyo yatentemwike na lwa kumasamba ku mupaka wa bena Yafleti, ukufika fye na ku mupaka wa bena Bete Horoniwa mwisamba elyo no kuya ukuyafika ku Gesere, yapelele kuli bemba. ⁴ Cali muli iyi nshila emo imitundu yakwa Yosefe, Manase na Eframu bapokelele ubupyani bwabo. ⁵ Umupaka wa nutundu wakwa Eframu uluko no uluko; umupaka wabo uwabupyani nikukabanga ukuya ukufuma ku Atarote Adari ukuyafika ku mulu wa beti Horoni, ⁶ nokufuma kulya yakonkenyepo ukufika kuli bemba. Ukufuma ku Mikmetati ku kapinda kakukuso wapilibukile ku kabanga ukulola ku Tanati shilo ukupitilila ku kabanga ka Yodani. ⁷ Elyo yaile panshi ukufuma ku Yanoo ukufika ku Atarote no kuyafika ku naara, elyo no kuyafika ku Yeriko, ukupwililila pa Yodani. ⁸ Ukufuma ku Tappua umupaka waile kukapinda ka ku kulyo ukuyafika kumumana wa KAna nokupelela muli bemba. Ici cali ca bupyani ica mutundu wakwa Eframu, umukowa no mukowa, ⁹ pamo ne misumba iya sontelwe umutundu wakwa Eframu mukati ka bupyani ya mutundu wakwa Manase- imisumba yonse ukubikapo nemishi yashiko. ¹⁰ Tabatamfishe kunse abena Kenani abo abaikele mu Gesa, eico abena Kenani bekala mu Eframu ukufika ubushiku buno, leelo aba bantu babalengele, ukubomba incito yakupatikishiwa.