¹ Kabili Yawe alandile kuli Mose, Ati, ² ''Mubushiku bwakubalilapo ubwa mweshi wakubalilapo uwa mwaka upya emo ukemike icikulwa ca mushilo emukutila, icikulwa ca kukumaninako. ³ Ukabike icipao ca pangano mukati, no kucinga insalu ku cipao. ⁴ Ukengishe itebulo nokuliteyanya bwino kabili ukengishe icakutekapo inyali no kusanika inijili shaciko. ⁵ Ukabike icipailo ca golide pantanshi yaci pao cacipangano no kukobeka icakucinga pa mwinshi wacikulwa ca mushilo. ⁶ Ukabike ici pailo ca kutulilapo umutulo wa koca pantashi ya cikulwa ca mushilo incende yakulonganinapo. ⁷ Ukapike ica kubikamo amenshi yakusamba pakati ka cikulwa ca mushilo ne cipailo kabiloi ukabikemo na menshi. ⁸ Ukatanike ulubansa ukushinguluka no kukobeka lubansa. ⁹ Ukubule namafuta yakusuba no kusuba icikulwa ca mushilo na fyonse ifi limo. ukacisangulula ne fipe fyonse ifilimo. ¹⁰ Ukasube icipailo ca kutulilapo umutulo wa koca ne fipe fyonse ifya ciko ukasangulule icipailo pakuti icipailo cikabe ica mushilo nganshi. ¹¹ Ukasube ne cakubikamo ameshi yakusamba icapangwa na blonse necakucitekapo no kucisangulula. ¹² Elyo ukapalamike Arone na bana bakwe abaume kumwinshi wa cikulwa ca mushilo no kubasamba mu menshi. ¹³ Uafwike Arone ifyakufwala ifya mushilo, ukamusube no kumusangangulula pakuti abombe bushimapepo kuli ine. ¹⁴ Ufwile wapalamika abana bakwe abaume no kubafwika amakoti ya fyakufwala. ¹⁵ Kabili ubashishe ngefyo washishe wishi pakuti babombe bushimapepo kuli ine no kusubwa kwabo kukaba ukwa muyayaya ecishibilo ca ku nkuko shabo." ¹⁶ Ifi efyo Mose acitile, Akonkele fyonse ifyo Yawe amakonkomeshe. Acitile fyonse. ¹⁷ Kanshi icikulwa ca mushilo caimikwe pa bushiku bwantanshi ubwa mweshi wantashi mu mwaka wa bubili. ¹⁸ Mose aimike icikulwa ca mushilo, abikile amashinte ya ciko panshi, no kubika ama fulemu ya ciko no kubikamo imipindo no kwimika icenshi shaciko. ¹⁹ Ayanshile itenti pa mulu wa cikulwa ca mushilo no kubikapo icakufimba pe tenti pa mulu waliko ukulingana nefyo Yawe amukonkomeshe. ²⁰ Abulile amabwe yacipangano no kubika mucipao kabili abikile imitembo ku cipao no kubika inkupiko pa mulu wa cipao. ²¹ Aingishe icipao mucikulwa ca mushilo no kubika insalu yakucingilako no kucinga ku cipao ca cipangano, ukulingana nefyo Yawe amukonkomeshe. ²² Abikile itebulo mu cikulwa ca mushilo mu mbali, kukapinda ka ku kuso, kunse yansalu ya kucingilako. ²³ Atentekenyepo imikate ku cinso cakwa Yawe, ukulingana nefyo Yawe amukonkomeshe . ²⁴ Abikile necakutekapo inyali mucikulwa ca mushilo, apalungetene ne tebulo, ku kapinda ka ku kulyo. ²⁵ Asanike ne nyali ku cinso ca kwa Yawe, ukulingana nefyo Yawe amukonkomenshe. ²⁶ Abikile icipailo ca golide mu cikulwa ca mushilo pantanshi ya nsalu yakucingilako. ²⁷ Alefukumwinepo ifyanunkila, ukulingana nefyo Yawe amukonkomeshe. ²⁸ Abikile ica kucinga pa mwinshi wa cikulwa ca mushilo. ²⁹ Abikile ici pailo ca mutulo wa koca pa mwinshi wa cikulwa ca mushilo, itenti lyakukumaninapo. Pakuti atule umutulo wa koca, no mutulo wa, ngan, ukulingana nefyo Yawe amukonkomeshe. ³⁰ Abikile ica kupikamo ameshi pa katika kacikulwa ca kukumaninapo ne cipailo, no kubikamo amenshi ya kusamba. ³¹ Palya epo Mose na Aaroni na bana bakwe abaume balesambila kuminwe na ku makasa. ³² Ilyo baingile mucikulwa cakukumaninapo na lintu bapalama pa cipailo balesamba ukulingana nefyo Yawe akonkomenshe Mose. ³³ Mose ateyenye ulubansa ukushinguluka icikulwa ca mushilo ne cipailo no kubika ica kucinga panpongolo ya lubansa Efyo Mose apwishishe umulimo. ³⁴ Elyo ikumbi lyakupile icikulwa ca mushilo, no bukata bwa kwa Yawe bwaiswile ici kulwa ca mushilo. ³⁵ Nao Mose afikilwe ukwingila mu cikulwa ca kukumaninamo pantu ikumbi lyaikele pa mulu wa ciko no bukata bwakwa Yawe bwaiswile icikulwa ca mushilo. ³⁶ Ilyo ikumbi lyaima ukufuma pa cikulwa ca mushilo, abena Isreali kuba pa lwendo. ³⁷ Lelo, nge kumbi talimine ukufuma pa cikulwa ca mushilo, elyo tabaleenda mpaka ubushiku lyaima. ³⁸ Pantu ikumbi lya kwa Yawe lyaleba pa cikulwa ca mushillo akasuba, na munshita ya bushiku umulimo e walebapo uo abana ba Isreali bonse balemona mu bulendo bwabo bonse.