¹ Kabili Besalele na Oholiabu no muntu onse uwaishiba incito uo Lesa apeele incito na maka yakwishiba ifyakubomba umulimo uli onse mu kukula incende ya mushilo bakabome incito ukulingana na fyonse ifyo Yehoba asosele.'' ² Mose aitile Basalele, Oholiabu, no muntu onse uwa mano Yawe apele amano, uo umutima waimshe ukupalaa pali ena ukwisa no kubomba umulimo. ³ Bapokelele ukufuma kuli Mose umusangulo onse uo abena Israele baletele kukukula incende ya mushilo. Abantu balitwalile ukupela ifya kuitemenwa cila lucelo kuli Mose. ⁴ Kabili bonse abantu abasambilile balebomba mu ncende ya mushilo baishile ukufuma ku mulimo ilyo balebomba. ⁵ Abantu abalebomba baebele Mose, ''Abantu baleleta ifingi ifyacila ku kubomba imilimo iyo Yawe atwebele ukubomba.'' ⁶ Eico Mose abafundile ukuti takuli nangu umo mu nkambi uwa kupela icili conse ica musangulo wa kukula incende ya mushilo. Elyo abantu balekele ukuleta ifi ifya bupe. ⁷ Fyali lundilwepo ukucila pafyalipo pa milimo yonse. ⁸ Kabili bonse abantu abaishibe pali balya abalekula icikulwa pamo ne nsalu ikumi ishapangilwe ukufuma ku lushishi lwa kolokondwe ulwa pyatwa na kulushishi lwa buulu, amasako ya mpanga, uwa tumpikwa mufyakashika uwa bikwamo bakerubi. Iyi emilimo yakwa Baselele, umuntu uwaishibe. ⁹ Ubutali bwa cila nsalu imikono amakumi yabili na cine konse konse mu bwipi imikono ine. Shonse insalu shalifye ishalingana. ¹⁰ Baselele alundanye insalu shi sano ku shibiye, ne nsalu shimbi shisano ashilundenye ku shibiye. ¹¹ Apangile utwakukofyamo utwa buulu mupepi ne cipembe ca nsalu yakulekelesha mu cakuninako cimo, kabili acitile cimocine mu pepi ne cipembe cansalu iya kulekelesha mu yabubili. ¹² Apangile twakukofyamo amakumi yasano mu cipambe cansalu yakulekelesha mu calenga bubili. Kabili utwa kukofyamo twaliloshenye. ¹³ Apangile utwakukofyamo utwa golide amakumi yasano no kulundanya insalu pamo na bena pakuti icikulwa cikatane. ¹⁴ Basalele apangile insalu shamasako ya mbushi nge ca kukupa ku cikulwa; apangile utwali ikumi na kamo palishi insalu. ¹⁵ Ubutali bwa cila nsalu bwali amakumi yatatu, nobwipi bwa cila nsalu bwali imikono ine. Cilansalu ikumi na kamo shali ishalingana. ¹⁶ Alundenye insalu shisano sheka na shimbi insalu mutanda sheka. ¹⁷ Apangile utwa kukofyamo amakumi yasano mu cipembe ca nsalu iya kulekelesha pa ca kubalilapo, no tukukofyamo amakumi yasano mu cipembe ca nsalu yakulekelesha iya lundene ne yabubili. ¹⁸ Basalele apangile utwakukofyamo amakui yasano kukulunda ku cakukupako pamo pakuti tube icakaniko cimo. ¹⁹ Apangile icikulwa icakufimbako kumipo yaba sukusuku iyatumpikwa mu fya kashika,ne cakufimba cimbi pa mulu ku mikupo basilu ²⁰ Basalele apangile amaulemu ukufuma kucimuti ca mushita pa cikulwa. ²¹ Ubutali bwacila fulemu bwali imikono ikumi,no bwipi bwa cilefulemu bwali umukono umo na hafu. ²² Cilefulemu lya lekwata tubili utwa kwikatililako ku kulundanya amafulemu pamo.Acitile ifif ku mafulemu yonse aya cikulwa. ²³ Apangile amafulemu mu cikulwa mu nshila iyi:amafulemu amakumi yabili kulubali lwa kukapinda kakukulyo. ²⁴ Basalele apangile amashinte ya silfere amakumi yane ayakuba pe samba lya mafulemu.Kwali amashinte yabili ayakubika panshi ye fulemu limo ku kulunda amafulemu pamo,na mashinte yabili panshi ya mafulemu yabiye kukulundanya amafulemu pamo. ²⁵ Na kulubali ulwabubili ulwa cikulwa,kukapinda kakukuso,apangile amafulemu amakumi ya bili. ²⁶ Na mashinte ya yako amakumi yane aya silfere.kwali na mashinte yabili panshi ye fulemu lyaku balilapo,yabili amashinte panshi ya likonkelepo ifulemu,na fimbi. ²⁷ Na kunuma ya cikulwa ku masamba,Baselele apangile amafulemu mutanda. ²⁸ Apangile amafulemu yabili kunuma ya fifutu fya cikulwa. ²⁹ Aya amafulemu yalilekene pa kati,lelo yali lundene pa mulu mu mupeto umo.Ayapangile yabili kuli yonse muli iyi inshila pa fifutu fibili. ³⁰ Kwali amafulemu cine konse konse,pamo na mashinte ya yako aya silfere.Kwali na mashinte ikumi limo na mutanda muli yonse,yabili panshi ye fulemu ilya konkapo,na fimbi. ³¹ Basalele apangile imipindo isano kucimuti ca munshita iya kubika ku mafulemu aya li kulubali lumo ulwa cikulwa, ³² Imipindo isano iya kubika kumafulemu kulubali lumbi ulwa cikulwa,ne mipindo isano pakati kamafulemu,na ku lubali lwa kunuma yacikulwa ku masamba. ³³ Apangile imipeto mu kati kama filemu,iyali,iya pulamo mu mulu,ukutula pampela ukufika pa mpela. ³⁴ Afimbile kumafulemu na gold.Apangile imipeto yaiko iya gold,iya kwikasha ku mipeto,no kufimba imipeto na gold. ³⁵ Basalele apangile insalu ya buulu,no bwama sako yampanga,no bwakashikace na kubushishi bwakolokondwe umusuma,mu musango wa bakerubi,imilimo ya bantu aba ishibe. ³⁶ Apangile ne nsalu ineshi shine isha cimuti camu akasha,no kufibikako gold.Apangile utwakukobelako ku fibumba,no kuposa pali bena amashinte yane aya silfere. ³⁷ Apangile ica kucingilila ice tenti ku mwinshi.Ica pangile muli buulu,no bwa masako ya mpanga,no bwakashika ce,ubwabomfiwa ubwapyatwa bwino,imilimo yakwa kapikula. ³⁸ Apangile icakucingilila incenshi shisano no twakukobekelako.Aafimbile pa mulu wa tuuko ne fikakilo fya fyafiko ifya gold.Amashinte ya shiko yasano ayapangilwe no mukuba.