¹ Elo nalipilibukile nalinwine na menso yandi elo nalimwene amakeceta yane yakofuma pakati kampile shi bili; elo ne mpili shibili shapangilwe umukuba. ² Iceleta lya kulekubalilapo lyalikwete bakabalwe abakukashika, icelleta lya bubili lyalikwete bakalwe abakufita. ³ Iceleta lyabutatu lyalikwete bakabalwe abakubuta, neceleta lya kulenga bune lyalikwete bakabalwe abamabala yakukashikila. ⁴ Elo nalyasukile nalilandila nakuli makaila uwalandile nanebo, " Findo ifi shikulu wandi?" ⁵ Makaila calyasukile nokulandi kuli nebo, "Lyi emyela ine iya mu mulu iikoya nokulekufuma pacifulo apo yali ikoiminina pali shikulu we sonde lyonse. ⁶ Umo ukokwata ba kabalwe bakufita akoya ukulekufumina ku calo cakukapinda, kabalwe bakubuta bakoya ukulekufuma ku calo mbonshi; elo naba kabalwe abamabala yakukashikila bakoya ukulekufumina ku calo cakumbonshi." ⁷ Aba bakabalwe abakokosa balifumine elo balikutontonkanya ukulekuya mukululumba pe sonde, elo malaika alilandile, "Namulekuya mukulekululumba pe sonde!" Elo balile pe sonde lyonse. ⁸ Elo alibilikishe kuli nebo elo nkulekulandi kulinebo ukwebati, " Lolesha pali bena abakofumina ukulekuya ku calo ca kukapinda ka kukuso; bakalekulekutontolola ka umupashi wandi palwa calo ca kukapinda ka kukuso." ⁹ Elo ishiwi lyakwa Yawe lyalishile kuli nebo, ukwebati, ¹⁰ "Bula icamutulo ukulekufuma kufifungo - ukulekufuma kuli Heldai, Tobila, elo na Jadaia - elo kabuye buno bwine bushiku elo ucitwale mung'anda yakwa Josaia - umwana mwaume wakwa Zephania ufumine ku Babele. ¹¹ Elo bula silfere na golide, elo upange icilongwe elo ulekucibika pa mutwe wakwa Joshua umwana mwaume wakwa Jehozadaki, shimapepo mukalamba. ¹² Landa kuli ena ukwebati, 'Yawe wamilalo akolanda ici: Uyu muntu, ishina lyakwe ni Musambo! Akale kukulila apo abelele elo nomba akalekukula ihema lyakwa Yawe. ¹³ Eo wine ukokula ihema lyakwa Yawe, elo akalekufwikwa ifya bufumu,elo akekala nokulekuteka pa cipuna cakwe icabufumu. Akalekuba shimapepo pa cipuna cakwe icabufumu, elo akalekupanda amano ayanutende pakati ka fibili. ¹⁴ Icilongwe cikapelwa kuli Hedai, Tobija, Jedaia elo na kuli Iten umwana mwaume wakwaZepahania nge cakwibukisha mwi hema lyakwa Yawe. ¹⁵ Lelo kuli bena abakoba ukulepele bakesa mukulekukule hema lyakwa Yawe, elo mukalekwishibo kulekwebati Yawe wamilalo alitumine mwebo kuli nebo; elo ici cikakucitika nga mucacine mukokutika kwishiwi lyakwa Yawe Lesa wesu.!"