¹ Nolu nalipilikile elo nalinwine amenso yandi, elo nalimwene, moneni, umufungilo ukopupuka! ² Malaika alilandile kuli nebo," Nindo ukomona?" Nalyasukile, "Ndimwene umufungilo ukopupuka imikono amakumi yabili ubutali elo umukono ikumi limo mu bufumo." ³ Nolu alilandile kuli nebo, "Icitipu icalekufumina ponse pa calo conse. Pantu onse umuyo akoputulwako ukulingana ne fyo cayebwa ku lubili lumo, elo onse uukolapa umulapo wabufi akoputulwako ukulingana nefyo cayebwa ku lubali lumbi. ⁴ Nkalekucituma ukufuma - ukukupampamika kwakwa Yawe wa milalo - eico calekwingila u ng'anda ya mugo elo na mu ng'anda ya umo uyo uukolapa ubufi mwishina ilyandi. Cakalekwikalilila mu ng'anda yakwe elo nokulekupwilishisha imbao sha iko elo na mabwe." ⁵ Nolu makalika uwalikulanda kuli nebo alifumine elo alailandile kuli nebo, "Inuna amenso yobe elo mona cindo cikoisa!" ⁶ Nalilandile ati, " Cindo ici?" Alilandile. " Uyu museke uukwete efa uyo ukoisa. Aya emampulu yabo iya mu calo conse. ⁷ Nolu imkupiko yalikupukwilwepo pa museke elo mwali umwanakashi uwikele panshi mu kati ka ici! ⁸ Malaika alilandile, "Ubu ebubifi!" Alimuposele ukumubweswsha mukati ka museke, elo aliposele inkopiko pa kanwa ka uko. ⁹ Nalinwine amenso yandi elo nalimwene abanakashi babili bakoisa mukupalama kuli nebo, elo nomwela wali mu mapindo yabo - pantu balikwete amapindo kubati mapindo yakwa kabaso. Balimishe umuseke pa mulu pakati ka calo no mulu. ¹⁰ Eico nalilandile kuli malaika uwalikulanda kuli nebo, "Nikwisa bakotwala umuseke?" ¹¹ Alilandile kuli nebo, "Kukula ing'anda mu calo ca Shinari pali ici pakati ulo ing'anda ikopekaniwa, umuseke ukatekwa palya pa capenishiwa ca uko."