¹ Umwaume akolanda ku mwanakashi Alale ubune amakasa yobe yamoneka mu ndyato wemwana mwanakashi wa mfumu! Ukubulungana kwa matanta yobe kwaba kubati fikosa, umulimo wamaboko ya kwa aolwesolwe wa milimo sha muntu. ² Umu obe waba kubati ni nsani yobulungana; leka yena ubululisha umwangashi wakusankana. ulufumo lobe lwaba kubati ni mbale ya ngano iyashingulukwa na maluba. ³ Amabele yobe yaba kubati ni nsebuba shibili, ba mpundu ba katili. Umukoshi obe kubati lupungu lwa meno ya nsofu; amenso yobe fishiba fya mu Heshiboni pa mpongolo ya Bati Rabimu. ⁴ Umona obe waba kubati lupungu lwa mu Lebanoni ulwalungatana na Damaseke. ⁵ Umutwe obe waba palilwebo kubati ningamali; umushishi kumuwe obe waakufitulukila nokukashikila. Imfumu ikatilwa ku mishiwa ya iko. ⁶ Efyo wayemba kabili efyo watemwikwa webo we mutemwikwa wandi, nokubekwa! ⁷ Icimo cobe caba kubati cilya ica lucindu, kabili amabele yobe kubati tupukutu twa cisabo. Nebo nalyebele, ⁸ ''Nebo mkofwaya ukunina lulya lucindu; nebo nkoikatilila ku misambo ya luko. Leka amabele yobe kubati tupukutu twa myangashi kabili leka icena ca mona obe abe kubati maapele. ⁹ Leka akanwa kobe kubati mwangashi uusuma sana, uukofumfukila bwino bwino umutemwikwa wandi ukutentemukila pa milomo abo abakolala. ¹⁰ Nebo ndwamutemwikwa wandi, kabili ena alankabila nebo. ¹¹ Isa wemutemwikwa wandi, Leka fwebo tuye mu mpanga; leka fwebo tuyelala mu mishi ¹² Leka fwebo twime pamaca ku kuya kumabala ya myangashi, leka fwebo tumone umfwa ifimuti fya myangashi filibalwile, umfwa fyena filitutile iubuluba nokusapula, kabili umfwa amateke yali namaluba kulya nebo nkoya kukupa icitemwiko candi. ¹³ Mondalake ikopela icena ca iko; pa mwinshi epo tukoikala pali imitundu yonse iya fisabo fyakuibela ifipya nefya kale, ifyo nebo nkusungile webo, wemutemwikwa wandi.