¹ Namayo aklanda ku mwaume. Nko kabila ukwebati mwebo mwali kubatu ni ndume yandi; uwa inkele mumabele yakwa mayo. Ilyo lyonse nalikukumanya panshi, nali kukutomona, kabili takwali no wakunsusha nebo. ² Nali ku kutungulila webo nokukutela mu ng'anda yakwa mayo uyo uwa mfundile nebo. Nali ku kupela ukunwa umwangashi uwakununkila na fimo ifya munshi ifya kunwa ukufuma ku mateke. Namayo akolanda kumwine. ³ Ukuboko kwakwe ukwa kukuso kuli panshi ya mutwe wandi no kuboko kwa kulyo kwakwe kuko mfukatila nebo. ⁴ Namayo akolanda kui banamayo bambi Nkofwaya mulape mwebo, mwe bana banakashi bamu Yerusalemu, ukwebati mwebo tamwa cilinganye icitemwiko cesu mpaka cipwe. ⁵ Namayo waku Yerusalemu akolanda. Ni nani uyu uukoisa ukufuma mu matololo, alishintilile na pa mutemwikwa wakwe? Namayo akolanda ku mwaume. Nali kubushishe webo mwi samba lya cimuti ca mwapele; kulya noko akwimitile webo; kulya eko alikupapile webo, kulya eko akufyele webo. ⁶ Bika icikakatilo pa mutima obe, kubati cikakatilo pa kuboko kobe, pantu icitemwiko cakukosa kubati ni mfwa. Ukuipelesha kwacine kwaba kubati ku kana leka kubati ni kumbo; ukubilimuka kwakuko kufwampuka kunse; uku kubilimuka kwa cine, ukubilimuka ukwa ku kabisha ukwakucila umulilo uuli onse. ⁷ Amenshi yakushila tekuti yashimye citemwiko, nangu kubunda kwa menshi ukucipyanga ukufumapo. Nga cakwebati umuntu alipele fyonse, fikwatwa fyakwe mu ng' anda yakwe pamulundu wa citemwiko, ukupela kuit kwa sushiwa pakalamba. ⁸ Bandume bakwe na,mayo bakolanda pa bene beka. Tulikwete nkanshi umwice, na mabele yakwe yali tayala kula. Findo twingacita pali nkashi yesu pa bushiku ubo bakamulaya mu cupo? ⁹ Nga cakwebati cibumba, nga twalikulilepo ulupungu lwa Silfere. Nga cakwebati aba mwinshi, twinga muwamya ne fipampa fya mikedari. ¹⁰ Umwanakashi akoilandila umwine. Nali cibumba, lelo amabele yandi yali nomba kubati nimpungu umwa kuuba; eco ndi mu menso yakwe kubati umo uukoleta umutende. ¹¹ Namayo akolanda ku mwine. Solomone alikwete bala lya mwangashi mu Baali hamone. Alipele bala lya mwangashi kuli abo abenga sunga. Cila umo ali wakuleta ikana limo ilya mashekele ilya Silfere pa fisabo fya liko. ¹² Ibala yandi ilya mwangashi, ilyanndi fyem lili pantanshi yandi nebo; ikana limo ilya meshekele lyobe webo, Solomone, na mashekere myanda ibili yabo aba kusunga ifisabo ya liko. ¹³ Umwaume akolanda kuli namayo. Webo wiwikala mu mubala, aba longo bandi bakoumfwa kwi shiwi yobe; leka nebo ndwimfwiko. ¹⁴ Namayo akolanda ku mwaume. Endesha, we mutemwikwa wandi, elo ube kubati katili nangu insebula iilume palupili lwa fyakununkila.