¹ Ulo bonse bashamfumu abalikwikala kwishilya lwa Yodani mucaalo ca mpili, no mwakubatama yaku Lebanone- Abena Hiti, abena amori, abena Kenaani, aba Pelisi, Abena Hibi, nomwina Yebusi- ² Aba balyapene capamo mukukokomeshiwa kumo, ku kupanga ubulwi pali Yoshua na Isreali. ³ Ulo abekashi ba mu Gibeone ulo baufwile ifyo Yoshua alikucita ku Yeriko na ku Ai, ⁴ Bene bacitile amaano yabucejeshi. Balile inge kombe. Bapitile batumba ba pao abafumuka nokubabika pampunda shabo. Elyo balisendele ingambi shamwangashi, na ifyo bali kukakanya. ⁵ Balikubika ifyakalee na infikamba kulya yama kasa yabo elyo bali kufwala mu fyakale, nfyaku fwala ifyasenguka. Shonse imikante umo bali kusungila ifyakulya fyalyumine no ukufuma. ⁶ Nolu balile kuli Yoshua mukambi ya Gilgali elo alandile kuli wena na ku baume ba Israeli, ''Tulyendele ukufuma ku calo ukutali Saana, eco nomba pangeni icingano nafweebo.'' ⁷ Abaume kwa Israeli bali landile na kubena Hibi, ''Naumo mwikala pepi nafwebo. kuti twapanga shani icipangano namwe? ⁸ Balandile kuli Yoshua, ''Tulibabofi benu,'' Yoshua alilandile kuli bena, Nimwebo bani? ''Nikwisa mwafumine? ⁹ Balyasukile kuli wena, ''Ababofi ben balishile kuno ukufuma ku caalo ukutatali saana pamulandu washina lyakwa Yawe Lesa wenu. ¹⁰ Tuliufwile ulukumo palwa ena na pali fyonsefye ifyo alimukucita mu Egupto Na fyonsefye ifyo acitile kushamfumu shibili nshabena Amori kwishilya lya Yordan- ku Sioni yaku Heshe boni na kuli Ogi mfumu ya bashani uuyo uwali pa Ashtalofe. ¹¹ Abakalamba bensu na bekashi bonse aba caalo censu balitwebele fwebo, npiteni impao muminwe yenu pa bulendo. Kauyani mubakumanye kabili mubebe bena, ''Tulibabofi benu. Pangeni nafweebo icilayo.'' ¹² Uyu mukate wesu, walifye uwakukaba ilyo twalipitile ukufuma uku mayanda yesu pa ubushiku ilyo twalikuteyanya ukwisa kuli bamweebo. Lelo nomba, moneni, cili ulyumine na ukufufuma. ¹³ Inshi nyambi shamwangashi shali inshipya ulo twalikulongamo, kabili moneni, nomba moneni yileswa. isalu shesu ne ndato shesu filiusengwike kukulepa kwabulendo. ¹⁴ Elyo abena Isreali babuilepo pa mpao shabo, lelo tabaipwishe Yawe ukubalangilila. Yoshua alipangile umutende ne apangano nabo pakubaleka babe nomweo. ¹⁵ Intungulushi shabantu nasho shalipangile umulapo nabo. ¹⁶ panuma yashiku shitatu apo abena Isreali atile cipangano nabo ulo baishibe ukuti bali bena mupalamano elo bateikala mupepi nabo. ¹⁷ Nolu abantu bkwa Isreali balimine no kwisa ku misumba yaba pa bushiku bwalenga shitatu. Imisumba yabo yali ni Gibeone, kephirahe, Beerothe, na Kiriathe, Jearime. ¹⁸ Abantu bakwa Isreali tababasashile intungulushi shabo shaliticile umulapo kuli bena pamenso yakwa Yawe Lesa wakwa Isreali, Bonse abena Isreali balimukulushanya pa ntungulushi shabo. ¹⁹ Lelo shonse intulushi shulandile kubantu bonse Tulicile umulopa palwa kwa Yawe. Lesa wakwa Isreali nomba kabili tekuti tubacite icabipa. ²⁰ Ifi efyo twalacita kuli; pa kulesha ubukali ubuli bonse ukwisa pali fwebo pamulandu wamulapo tulapile kuli bena, tulebale ka ukwikala nomweo. ²¹ Intungushi shatile ku banti babo, ''balekeni babe nomweo, ''kanshi abena Gibeoni balishile kuba bakateba ba nkuni kabili bakatapa bamenshi ya bonse abena Isreali ingefyo intungulushi shalandile pali bena. ²² Yoshua alibakutile nokwebati, ''Nindo mwatubelelekele fwebo ulo mwa ebele ati, fwebo tulibakutali ukufuma kuli mweebo; ulo mwebo mukoikala mutende nefwe? ²³ Nomba pantu pali ici mwatipwa kabili bamo muli mwebo mukalakubasga bonse, abe bonse aba puntula inkuni na natapa amenshi ya mu Yuda ya kwa Lesa wandi.'' ²⁴ Balyaswile Yoshua nokwebati, pantu calyebelwa kubabofi benu Yawe Lesa wenu alikokomenshi kumubofi wakwe Mose kukupela icaalo conse, na ukonaula bonse abekashi ba mu caalo pameso shensu pamulandu wenu mwebo. Efyo twacitile ici cintu. ²⁵ Nomba moneni, walekutwikata mu maka yobe. conse ico mukomona cili weme kabili cili lungeme mucite kuli fwebo citeni.'' ²⁶ Nao Yoshua alicitile bena; Alibapokolwele kumaka ya bantu bamu Isreali, ukwebati abena Isreali tababepefye bena. ²⁷ Palibulya bushiku Yoshua alilengele abena Gibeoni bakaputula bakuni na bakatapa ba Meeshi ya mu mushi ni na ku cipailo cakwa Yawe kuli ubu ubushiku, mu cifulo cilya Yawe asalile.