¹ Panuma ya ifyo Yesu walile ku bushilya wa bemba wa Galili, uwitwa kabili bemba wa Tibelia. ² Cinkupiti wa bantu walimukonka pantu balimwene ifishibilo fintu alikucita paba kulwala. ³ Yesu waile pa mulu wa lupili no kwikala kulya nabasambi bakwe. ⁴ (Nomba icakucilila umuyebeto waba Yuda, wali palamine). ⁵ Ilyo Yesu wamwene cinkupiti akoisa kuli wene, alile kuli Filipi, "Nipi twalashita umukate wakuti aba balye?" ( ⁶ Lelo yesu alandile mukwesha Filipi, ico umwine alishibile fintu ali no kucita.) ⁷ Filipi walimwasukile, "Umukate wa ndalama imyanda ibili tekuti ukumane pakuti cila umo abulepo nangu fye akapinfya." ⁸ Umo pa ba sambi bakwe, Andeleya, wabo wakwa Simoni Petelo, atile kuli yesu. ⁹ Kuliko umulumendo alikwete imikate isano iya barle ne sabi libili, lelo findo fili mu bafulile ifi?" ¹⁰ Yesu atile, "IIkalikeni abantu panshi." Nomba icani cali fulile mu ncende ilya. Eico abaume balikeleko. Bali amakana yasano. ¹¹ "Elyo Yesu wabulile umukate na panuma yakutotela, aliupele kuli abo abaikeleko. Acitile cimo cine nakwi sabi, ukulingana fintu balikulabila. ¹² Ilyo abantu baikutile atile kubasambi bakwe, "Kolonganyeni utubufungau utushelepo pakuti pekaluba nangu ku sako." ¹³ Eico balikolongenye no kwisuba imiseke ikumi na ibili iya bufungau bwa mikate iya barle iyashelepo kuli abo abalile. ¹⁴ Awe, ilyo abantu bamwene ici cishibilo cintu acitile, batile, "Caciine uyu e kasesema uwali no kwisa pano sonde," ¹⁵ Ilyo Yesu aishibile ukuti balefwaya ukwisa mwikata ku maka nokumucita imfumu, alifumineko kabili no kuya ku lupili eka. ¹⁶ Ilyo cali cungulo abasambi bakwe balitentemukille ku musumba. ¹⁷ Baliminine mu bwato, kabili balimukuya pa mumana ku Kapernahumu, kwalifitile pali iyi nshita na Yesu ali talaisa kuli bena. ¹⁸ Umwela uukulu walikupupa, no muma walimukwima. ¹⁹ Ilyo atile kuli nalimo bamailosi nalimo batatu wangula bane balimwene Yesu akoenda pa mumana akopalamina ku bwato, kabili balyumfwile umwenso. ²⁰ Lelo atile kuli bena, "Ninebo! Mwikwata mwenso." ²¹ Eico balimukufwaya ukumupokelela mu bwato, na popene ubwato bwalifilile ku mulundu kuntu balimukuya. ²² ubushiku bwakonkelepo, icintu bwingi icaiminine ku bushulya bwa mumana bamwene ukuti twakwali ubwato bumbi kano fye bumo, nokuti Yesu taingilemo na basambi bakwe lelo abasambi bailile beka. ²³ Nangula cali ifyo, kwaliko amato ayaishile ukufuma ku Tiberia muoeoi ne cende uko balilile imikate panuma Yesu atotele. ²⁴ Ilyo icintu bwingi caishibile ukuti bonse Yesu nangula ba sambi bakwe tabaaliko kulya, baliingile abene mu mato no kuya ku Kaperhumu mukufwaya Yesu. ²⁵ Pa numa ya kumusasnga ku bushilya bwa mumana, batile kuli ena,"Kafundisha, Mwaishile lwisa kuno?" ²⁶ Yesu alibasukile, atile, "Icine,cine, mukomfwaya tepomulandu mwalimwene ifishibilo, lelo pantu mwalilile imikate kabili mwalikutile. ²⁷ mwalabombela ifyakulya ifitwala ku mweo wa muyayaya iyo umwana wa muntu akomupela, ico Lesa wishi alibika icishubilo pali ena." ²⁸ Elyo batile kuli wena, "Findo tufwile ukucita, pakutila tulekubomba umulimo wakwa Lesa?" ²⁹ Yesu alyasukile no kutila kuli bena, "Uyu emulimo wakwa Lesa: ukuti mutetekele muli uyo untu antumina." ³⁰ Elyo batile kuli wena, "Cakwishibilako ndo cintu uli nokucita, pakutila tumone no kukutetekela? Cindo nkocita? ³¹ Ifikolwe fyesu fyalilile manamu matololo, ngefyo calembwa, alibapele umukate uwafumine ku mulu kukulya." ³² Elyo Yesu alibasukile, Icine, cine tali Mose uwabapele mana wafumine mu mulu, lelo ni tata uukomupela umukate uwa cine ukufuma mu mulu. ³³ Ico umukate wa kwa Lesam niyo uukofuma ukufuma mu mulu no kupela umweo kwii sonde." ³⁴ Eico batile kuli wena, " mukwai, mwekutupela uyo mukate lyonse." ³⁵ Yesu atile kuli bena, "Ninebo mukate wa mweo; uukwisa kuli nebo takomfwe icilaka no yo uukotetekela muli nebo takomfwe icilaka. ³⁶ Lelo ndimwebele nati mumbwene no kubulo kuntetekela. ³⁷ Onse uyo tata akompela akesa kuli nebo - no uukoisa kuli nebo nshaka mu sowe awe. ³⁸ Ico nalikile ukufuma mu mulu, temukucita ukufwaya kwandi, leo ukufwaya kwa uyo uwantumine. ³⁹ Uku ekufwaya kwa wantumine, ukuti nshilufishepo nangu umo pali abo ampele, lelo nkababusha pa bushiku bwakwelekelesha. ⁴⁰ Ico uku ekufwaya kwa tata, ukuti onse uubebela umwana no ketetekela muli wena, akwate umwep wa muyayaya na nebo nkamubusha pa bushiku bwa kupelekesha." ⁴¹ Eico bab Yuda balikungwinta palwa wena pantu alilandile ati, "Ninebo mukate kwaikila ukufuma mu mulu," ⁴² Batile, "Bushe uyu te Yesu mwana Yosefu, uyo wishi na nyina tulibeshibile? Nga kanshi akolanda shani nomba, naikila ukufuma mu mulu?" ⁴³ Yesu alyasukile nokutila kuli bena, lekeni ukulakungwintana. ⁴⁴ Takuli nelyo umo uwingesa kuli nebo kano tata uwantumine amukula, kabili nkamubusha mu bushiku bwa kupelekesha. ⁴⁵ Calilembwa muli bakasesema, kutika no kusambilishiwa ukufuma kuli tata esa kuli nebo. ⁴⁶ Takwaba nangu umo uwamona Tata, kano fye uyo uwafuma kuli Lesa- ewamina Tata. ⁴⁷ Icine, cine uyo uutetekela alikwete umweo wa muyayaya. ⁴⁸ Ninebo mukate wa mweo, ⁴⁹ Ba wishinwe balilile mana mu matololo, kabili balifwile. ⁵⁰ Uyu emukate uwikila ukufuma ku mulu pakuti umuntu alyepo no kubulo kufwa. ⁵¹ Ninebo mukate wa mweo kwafumine ku mulu. uuli onse nga alyako uyu mukate, akekalilila umuyayaya. Umukate uyi nkapela mubili wandi uukapelelwa umweo we sonde." ⁵² Aba Yuda balifitilwe no kwamba ukubikana ifikansa, abati, "Nga kyo muntu engatupela shani umubili wakwe ku kulya?" ⁵³ Elyo Yesu atile kuli bena, "Icine, cine, kano fye mwalya umubili wa mwna wa muntu no kunwa umulopa wakwe, tamwakakwate umweo muli mwebo. ⁵⁴ Onse uukolya umubili wandi no ukonwa umulopa wandi alikwete umweo wa muyayaya, kabili nkamwimya pa ubushiku bwa kupelekesha. ⁵⁵ Ico umubili wandi cakulya cacine no mulopa wandi cakunwa icacine. ⁵⁶ Uyo onse uukolya umubili wandi no kunwa umulopa wandi ekalilila muli nebo nanebo muli wena. ⁵⁷ Nge fyo Tata uwa mweo antumine, kabili nge fyo nkoikala pamulandu wakwa Tata, eico uundya, nao akekala pamulandu wa nebo. ⁵⁸ Uyu emukate untu waikile ukufuma mu mulu, tefilya bawishinwe balile nokufwa. Uukolya uyu mukate akekala umushinsa nshiku. ⁵⁹ Lelo Yesu asosele ifi fintu mwi Sinagogi lintu alesambilisha mu Kaperhumu. ⁶⁰ Kabinge abasambi abengi abakitike fi batile,"iyi musosele yayafya; ninani uwingacinta? ⁶¹ Yesu pantu alishibile umwine ukuti abasambi bakongwinta pali ici, atile kuli ben, "bushe ici cikomipuntwisha? ⁶² Nga kanshi cikoba shani nga mwamona umwana wa muntu akonona ukubwelela kuntu ali kale? ⁶³ Ni mupashi eulenga ukuba no mweo; umubili tawafwalisha iyoo. Ifyebo nsosele kuli mwebo mupashi, kabili mweo. ⁶⁴ Lelo bambi muli mwebo tabatetekela. "Pantu Yesu alishibile ukufuma ku kutendeka abo abashali na kutetekela na untu ali noku musengauka. ⁶⁵ Atile, "Nipa mulandi waice eco nsosele kuli mwebo ntile tamwingaba nelyo umo uwingesa kuli nebo kano capelwa kuli ena na Tata." ⁶⁶ Te mulandu waici, abengi abo musambi bakwe balbwelelemo nokukana naena nakabili. ⁶⁷ Kabengi Yesu asosele kube kumi na baili, "Tamukafwaya ukuya namwebo, mukafwaya? ⁶⁸ Simoni Petelo alimwasukile," Shikulu, nikuli nani tukoya? Ulikwete ifyebo ffya mweo wa mushinsa nshiku. ⁶⁹ Kabili natutetekela nokwisa ishiba ukuti nowebo uwa mushilo wakwa Lesa." ⁷⁰ Yesu asosele kuli bena, "Bushe nshasalile mwebo, abekumu nababili, na umo muli mwebo ni kasebanya?" ⁷¹ Nomba asosele pali Yuda umwana wakwa Simoni Iscariote, ico ali ni wena, umo uwamu bekumi, uwali nokumusenuka.