¹ Panuma yaici kwali umutebeto wa ci Yusa kabili Yesu alimine ukulya ku Yerusalem. ² Nomba mu Yerusalem pa mwinshi wa mpanga pali icishiba ico icitwa mululumi lwa cina Aramaic Bethesda,kabili cilikwete nssaka shisano ishafimbwa. ³ Ne bumba ilikulu lya bantu abali abalwele, Impofu, Abalema, Nangula ababulebe balikulala palya. ⁴ Pantu malaika wakwa shikulu alikwikila alipanshi nokufundaula amenshi panshita imo imo kabili noyo onse uwaponenemo ilyo amenshi yacili nayafundauka alipolele ku bulwele bonse aculileko. ⁵ Palipo umuntu umo palya uwalwele pa myaka amakumi yatatu na cine konse konse. ⁶ Ilyo Yesu amumwne anala palya, elyo panuma aishile kwiluka ukuti aikala palya panshita ntali, alisosele kuli ena, "Bushr ulefwaya ukupola?" ⁷ Umulwele alyasukile, "Mukwai, nshikweye nangu umo uwakumbikamo mu cishiba ilyo amenshi yafundauka, Awe ilyo ndeyako, umbi atentemukilamo ukunchila." ⁸ Yesu alimwebele, "ima, senda umusengele obe, no kwenda." ⁹ Apopenefye umuntu alipolele, kabili alibulile nomusengile wakwe nakabili alyendele. Nomba bulya bushiku bwali bwe sabata. ¹⁰ Eico aba Yuda balilandile kuwaundapilwe, !Lisabata Tauli uwasuminishiwa ukusenda umusengele obe. ¹¹ Alyasukile, "Uyo uumposeshe aliyebele, "Bula umusengele obe no kwenda." ¹² Bali mwipwishe, "Ninani umuntu alandile kuli webo, "Bula umusengele no kwenda? ¹³ Nomba apo uwaundapilwe tamwishibe ngakuti aba nani pantu Yesu ali alilee munkama, pantu pali ibumba pa ncende. ¹⁴ Panuma cinono, Yesu alimusangile mwi tempele nokumweba, " Mona ulipolele! wibembuka nakabili, pakuti icntu icibi tacicitikile kuli webo." ¹⁵ Umuntu alile nokya kulanda ku ba Yuda ukweba ati ni Yesu wamundapile. ¹⁶ Nomba palundu waifi fintu aba Yuda bapakese yesu, pantu acitile ifi pa sabata. ¹⁷ Yesu alibasukile, "Tata acili akobomba nanomba. nandibo wine, nkobomba." ¹⁸ Nomba pamulandu wa ici aba Yuda bafwaisha sana ukumwepaya tyepamulandu weka uwakutila isabata, lelo aitile Lesa nga wishi wakwe, ukuitunga mwine ukulingana na Lesa. ¹⁹ Yesu alibasukile, "Icine cine, umwana tacita cintu palwakwe, kano fye ifyo amona wishi acita, pantu ifili fyonse widhi acita, no mwana efyo acita mu musangoumo wine. ²⁰ Pantu wishi alitemwa umwana kabili alamulanga fyonse ifyo umwine eka acita kabili akamulanga ifintu ifikulu ificileli pali pakuiti mukapapikishe. ²¹ nPantu ngefyo Tata abusha abafwa nokubapela umweo, efyo fine no mwna apela umweo kuli onse uo afwaya. ²² Pantu wishi tapingula nagu umo, lelo ailpela ubupingishi bonse ku mwana. ²³ Pakweba ati uli onse akacindike mwana ngedyo bacindika wishi. uyo nawishi uwa mutumine. ²⁴ Cine, cine uyo unkoumfwa ishiwi lyandi nokutetekela muli uyo wantumine nakwata umweo wamuyayaya kabili tesekwa, lelonafuma mu mfwa ukwingila mu mweo. ²⁵ Cine, cine nkomweba inshita ikweisa kabili naifika, Ilyo abafwa bakomfwa ishiwi lya mwana umwaume wakwa Lesa, kabili bakomfwa bakaba no mweo. ²⁶ Pantu ngefyo wishi aikwatila umweo umwine, kanshi efyo apela ku mwana pakuti nao aikwatile umweo eka. ²⁷ kabili wishi alipela umwana amaka yakupingula pantu mwana wamuntu. ²⁸ Mwisunguka pali ici, pantu kuli inshita ileisa ilyo onse uli mu inshishi akomfwa ishiwi lyakwe. ²⁹ Kabali akafumamo: Bonse abacitile ifisuma bakabukila ku mweo, kabili abo ababo mbele ifibi bakanikila ku bupingushi. ³⁰ Nshingacita cintu palwamdi. Pafyo gumfwa, ndapingula, nobupingushi bwandi bulungami pantu nshifwaya kwandi lelo bufwayo bwa uyo wantuma. ³¹ Ngacakuti nebo nemwine naibela bukambone, nwandi tebwa cine. ³² Kuli umo ushimila ukambone pali nebo kabili ndishibile ukuti bukambone apeela pali nebo bwacishibka. ³³ Mwebo mwalitumine kuli Yohani, nao alishimikile ubunte bwa cine. ³⁴ Lelo ubunte ubo mpokelela tabwafuma ku muntu nalanda ifi fintu pakwebati mupusuke. ³⁵ Yohani ali ni myali ilyali kwaka nokwakidha, nomwebo mwali abakukabila nokusekelela mu lubuto lwakwe ulwa kashita kanono. ³⁶ Lelo ubuntu ndi nabo bukulu ukucila pa bwakwa Yohane, pantu imilimo iyo Tata ampela ukupwilishisha, milimo iyo incita, ipeela bukombone palwa nebo uwantumine Tata ewa ntumine. ³⁷ Tata uwa ntumine umwine eka alipeele ubunte palwa nebo. Tmwatalile amumfwa ishiwi lyakwe no kumona imimonekele yakwe nangu limo. ³⁸ Tamukwete ne cebo ckwe mukati kenu, pantu tamukosumina muli uo uwamutumine. ³⁹ Mulafwayafwayaamalembo pantu mutononkanya ukuti muli aya emwabo umweo wamuyayaya kabili aya yene malembo yashimuka ubunte bwandi. ⁴⁰ Kabili tamjulefwaya ukwisa kuli ine pakwebati mukwate mweo. ⁴¹ Nshipokeleal ubunte ukufuma ku bantu, ⁴² lelo ndidhibile ukuti tamwa kwata ukutemwa kwakwa Lesa muli imwe mwebene nabene. ⁴³ Nalishila mwishina lyakwa Tata, namwe tamwampokelela. Nga cakuti umbi aishila mwishina fye lyakwe, kuti mwamupokelela. ⁴⁴ Kuti mwacetekela shani, mwebapokelela ubukata ukufuma kuli umo nomwankwe lelo tamufwaya ubukata bwine ukufuma kuli Lesa eka? ⁴⁵ Mwitontonkanya ukuti nebo neka nkamuseba kuli Tata. Uyo ukamiseba ni Monse, Uto uo mwakwatamo isubilo. ⁴⁶ Ngacakuti mwali tetekela Mose, nandibo kuti mwatetekela, pantu alembele pamulandu wandi. ⁴⁷ Ngatamutetekele amalembo yakwe kuti mwatetekela shani amashiwi yandi?