¹ Muli shilya nshiku, ulo takwali imfumu u Israeli, kwali umuntu imwina Lebi, uwaikelemo mu ncende yakulepa sana mu calo ca mpili cakwa Ephraimu. Aliibulile umwine umwanakashi, up Tupile ukub umukahi wakwe ukufuma mu Betelemu wamu Yuda. ² Lelo uyu mukashi wakwe tatwete cishinnka kuli ena; alimushile nokubwelelamo ku ng'anda yakwe wishi mu Betelemu wamu Yuda. ³ Elo uulume wakwe alimine akabili alimukonkele pakwebati abwele. Umubomfi wakwe alinaena, mpunda shibili. Alimutwele ku ng'anda yakwa wishi. ulo wishi wamukashana amumwene, alisansamukile. ⁴ Wishi fyala, wishi wa mukashana, aliupapatile ukwikala inshiku shitatu. Balilile nokunwa nokusendama kulya. ⁵ Pa bushiku bwalenga shine balimine lucelocelo kabili baliipekenye ukuya, lelo wishi wa mukashana alilandile kuli wishifyala ati, "Ngale uikoshe kuku mokaula kwa mukate, elo ulekuya." ⁶ Eco bonse babili balikele panshi no kulya nokunwina pamo. Elo wishi wamukashana alandile ati, "Nakupapata wiya ulale pakwebati ukwate nshita iyabune." ⁷ Ulo umwina Lebi aimine ati alekuya, wishi wamukashana alimupapatile ukwikala, eco nao alikele nokusendama kulya nakabili. ⁸ Pa bushiku bwalenga shisano alyalamukile bwangu ati alekuya, lelo wishi wamukashana alilandile ati, "ikoshe wemwine, kabili ulolele mu cungulo." Eco bonse babili balilile icakulya. ⁹ Ulo umwina Lebi no mukashi wakwe no mubomfi wakwe baimine mukuya, wishi fyala, wishi wa mukashana alilandile kuli ena ati, "Mona, akasuba nomba kakotwala ku cungulo bushiku. Napapata ikaleni musendame ubushiku nabumbi, kabili mukwate ishinta iyabune. kutimwaima bwangu mailo mwabwelelamo kwenu." ¹⁰ Lelo umwina Lebi tatemenwe ukulala kulya. Alimine aya. Alilungeme ku Yubusi (e Yerusalemu). Alikwete ba punda ba fipe babili - no mukashi wakwe ali nankwe. ¹¹ Ulo bapalamina ku Yubusi, kasuba ninshi kaba mukuwa, elo umubomfi alandile kuli shikulu wakwe ati, "Iseni, lekeni tupasuke ku musumba wabena Yubusi kabili emo tusendame." ¹² Shikulu wakwe alimwebele ati, "Tekuti tupasukile ku musumba wabambi bambi abo abataba bena Israeli. Tukoya fye ku Sibea." ¹³ Umwina Lebi alilandile ku mulumendo wakwe ati, "Isa natulekuya ku ncende imo palisho ncende shimbi, nokusendama kulya ubushiku Sibea nangu Rama." ¹⁴ Eco balitwalilile ukuyam kabili akasuba kaliwile ulo bapalamine ku Gibea, mu mupaka wakwa Benjamini. ¹⁵ Balipasukile ukuya mukusendama mu Gibea, Balile kwikala mulubansa lwa musumba, lelo takwali muntu nangu umo uwakubasenda ukuya kusendama ku mwakwe. ¹⁶ Elo nomba umwaume umukote alimuufuma ku mabala yakwe cilya cungulo. Afumune mu calo ca mpili cakwa Ephraimu, lelo alimukwikala mu Gibea. Nomba abalikwikala mulicilya cifulo bali bena Banjamini. ¹⁷ Alinwine amenso yakwe nokumona umulumendo mu lubansa lwa musumba. Umukote alilandile ati, "Nipi mukoya? Nipi mwafuma?" ¹⁸ Umwina Lebi alimwasukile ati, "Tuli palwendo lwakufuma ku Betelemu mu Yuda tukoya ku calo cakutali mu calo ca mpili cakwa Ephraimu ukoko mfumine. Nalile ku Betelemu mu Yuda, kabili nkoya ku ng'anda yakwa Yawe, nomba takuli nangu umo uwakusenda ku ng'anda yakwe. ¹⁹ Tulikwete ifyani nefyakulya fya mpunda shesu, kabili pali no mukate no mwangashi wandi nowa mubomfi wenu umwanakashii uyu, nefya mulumendo uyu nababomfi bobe. Takuli ifyo yukokabila." ²⁰ Umuntu mokute alibaposeshe ati, "Umutende ube nenu! Nkomisunga nefyakukabila fyenu fyonse. Nomba tecakwesha ukusendama mu lubansa. ²¹ Eco umuntu aliletele umwina Lebi mu ng'anda yakwa nokulisha ba punda. Balisambile amasaka no kulya nokunwa. ²² Ulo balimukusansamusha imitima yabo, bambi abaume bamu musumba, ifyungwa fya baume, balishingulukile ing'anda, bakopumbunsha pa cibi. Balimukulanda ku mwaume umukote, umwine wa ng'anda ukwete, "Mufumye umwaume uwishile mu ng'anda yobe, pakwebati tusendane nankwe." ²³ Umwaume umwine wa ng'anda alifumine kuli bena nokubeba ati, "Iyo, ba wesu, napapata mwicita cintu cabubi! Apo uyu muntu mweni mu ng'anda yandi, mwicita ubu bubifi! ²⁴ Moneni, umwana wandi umwanakashi nacisungu noyu umukashi wakwe bali pano. Lekeni mbafumye nomba. Mubacite fyonse mukofwaya ukucita. ²⁵ Lelo mwicita ifintu ifyabubi kulyuyu muntu!" Lelo abaume tekuti bamumfwe, eco umuntu alikatile umukashi wakwe nokumupela kuli bena. Balisendeme nankwe ku maka nokumucusha ubushiku bonse, elo pa maca bamuleko aya. ²⁶ Pa maca umwanakashi alishile nokuwila pa mwinshi wa ng'anda ya mwaume umo umwali shikulu wakwe, nokusendama mpaka kwa buta. ²⁷ Shikulu wakwe alyalamukile ulucelo nkwisula ifibi fya mu ng'anda nokufumina pansa pakuya pa bulendo bwakwe. Alimwene umukashi wakwe alilele palya pa mwinshi, alitambalikile na maboko yakwe pa mwinshi. ²⁸ Umwina Lebi aimwebele ati, "Ima. Natulekuya." Lelo takwali bwasiko. Amubika pali punda, no mwaume alitampileko kuya kwakwe. ²⁹ Ulo umwina Lebi afikile ku ng'anda yakwe, alibilile umwele, kabili alikatile umukashi wakwe, nokumuputaula, filundwa filundwa, mukucita ifiputulwa ikumi limo nafibili, nokufituma mu ncende shonse isha Israeli. ³⁰ Bonse abafimweni i balilandile ati, "Icintu camusango uyu tacatala acicitwa nangu uumonwa ukufuma ubushiku abena Israeli baishile ukufuma mu calo ca egupto ukufika no bushiku bwalelo. Tontonkanyenipo! Tupandeniko amano! Twebeni ifyakucita!"