¹ Samsone ku Gaza nokumona Gilende, kabili aile kulala nankwe. Abena Gasa balyebelwe ati, ''Samsone alishile kuno.'' ² Abena Sasa baike kunshinguluka cilya cifulo kabili munkama, balimulele bushiku bonse. Balandile abati, ''Tukololela ukufika ku kuca kwabushiku, elo tukomwipaya.'' ³ Samsone alele mubusanshi ukufika pabushiku pakati. pakati kabushiku alibukile nokuya kwikata impongolo ya musumba na maingwe yabili. Alifishimpwile mumunshipili imipindo na fyonse, alifibikile pamabeya nokufipita ukuya kufibika palupili kumulola wa Hebrone. ⁴ Panuma ya ifi Samsone aishile kutemwa umwanakashi uwali kwikala mu mupokapoka wa Soreke ishina lyakwe lyali kuba ni Delila. ⁵ Bakateeka ba bapelishi baishile kuli wene, ukwisa kumweba abati, ''Umubeleleke Samsone nokumona umwaikala amaka yakwe ayakalamba, kabili nimushila nshi twinga mucimfya amaka, nokumukaka kukumu cusha. umfwa ukacita ifyo, nacila umo muli baifwe akokupam isha Silfere ikana limo, no mwanda umo. ⁶ Elo Delila alandile kuli Samsone, ''napapata , njeba maka yamusango nshi mwaba nayo ukulenga mwingakakwa Nomuntu ukulenga mwingatungululwa?'' ⁷ Samsone aishile kulanda kuli ena, ''Umfwa baile bankala ku nshinga shibishi cine lubali isha kubula ukuma, lwena nkabula amaka nokuba nga umuntu onse.'' ⁸ Elo bakateeka ba bapelishiti baile kuleta kuli Delila inshinga shibishi cine lubali isha kubula ukuma, nao akakilishi Samsone ku nshinga. ⁹ Lelo alikuba nabaume mukama abali kuba muli ulya muputule ,munkama. Nao alandile kuli ena, ''Aba Pelishiti baisa kuba pali iwe, Samsone!'' lelo aliputawile shilya kumulilo. Kanshi inkama yanaka Yawe tayali kwishibikwa. ¹⁰ Elo Delila aishile kulanda kuli Samsone, ''ifi efyo mwaisa kumfishanya nokumbepa ubufi. Nkopapata, landeni kuli ine ifyo mwingacimfiwa.'' ¹¹ Aishile kulanda kuli ena, ''Umfwa bankaka ne myando ipya iyabula iyabula kubombapo mulimo lwemo, lwena nkabula amaka nokuba nga umuntu onse.'' ¹² Nao Delila apitile imyando ipya nokumukaka, elo alandile kuli ena, ''Aba Pealishiti baisa kuba pali iwe, samsone!'' Abaume bali kulolela mukati kulya muputule. Lelo samsone aputawile ilya myando ku minwe yakwe kubati bushipa. ¹³ Delila aishile kulanda kuli samsone, ''ukwisa kufika apa mukomfishanya no kulanda ubuli kuli ine. landeni kuli ine ifyo mwinga cimfiwa wapikwile ifikuti cinelubali ifyakuba mumushishi wandi pamo ne capikwilo, lwena nkesa kubo ngomuntu onse.'' ¹⁴ Ulo Samsone ali kuba mutulo, kabili alandile kuli ena, ''Aba Pelishiti baisa pali iwe, Samson!'' Alibukile ukufuma mutulo, nokuputula icapikulwa ukufuma ku mpopo pa cipikulo. ¹⁵ Elo alandile kuli ena, ''kuti mwalanda shani ati, 'mwalintemwa,' ulo tamukoakanyako nebo ifyankama fyenu? mwampumya pali iyi imiku itatu kabili tamukonjeba umwaba amaka yenu ayakalamba.'' ¹⁶ Cila bushiku alikumutitikisha pamaka ku mashiwi yakwe, kabili alimupetiikishe apakalamba nokukabila kuti nga alifwile. ¹⁷ Kanshi Samsone amwebele fyonse nokumweba ati, ''Nshabala kubapo necibeyo cakubeya umushishi ku mutwe wandi, ico ndi mwina nasiri wakwa Lesa ukufuma munda muli mayo. Umfwa umutwe wandi wabeyewa, elo amaka yandi yakaya, kabili nkesa kubula amaka nokuba nga umuntu onse.'' ¹⁸ Ulo Delila amwene ukuti amweba icishinka pali fyonse, atumine nokukuta intungulushi shaba Pelishiti, ukubeba ati, ''Iseni kuno pantu alinjebele fyonse.'' Elo intungulushi shaba Pelishiti shaishile kuli ena, balipitile nesha silfere muminwe yabo. ¹⁹ Alimulengele ukulala pamolu yakwe. Akutile nomwaume umo kukuleka amubeye ifikuti fyakwe ifyali cine lubali ku mutwe wakwe, kabili alitendekele ukumucusha, ico amaka yakwe yalimutwike. ²⁰ Delila alandile ati, ''Aba Pelishiti baisa pali iwe, Samsone!'' Alibukile ukufuma mutulo nokulanda ati, ''nkofumamo nge nshiku shonse kabili nkoipukumuna kukufuma muminwe yabo.'' lelo tali kwishiba ati Yawe alimushile. ²¹ Abapelishiti balimwikete nokuya kumulobola amenso. Baishile kumuleta ku Gasa no kumukaka kufikailo fya mukuba. Alepela mu nganda ya cifungo. ²² Lelo umushishi wakwe walitendekele ukumena nakabili panuma ya kubeya. ²³ Intungulushi shaba Pelishiti balikolongene kukucita icelambo cikulu ku mulungu wabo Dagone, nokusekelela. Balandile ati, ''Umulungu we wacimfya samsone, umulwani wesu, nokumubika muminwe yesu.'' ²⁴ Ulo abantu bamumwene, balumbenye umulungu wabo, ico balandile abati, ''umulungu wesu wacimfya umulwani wesu nokumupela kuli ifwekonaula wacalo cesu, uwaipeye abanensu.'' ²⁵ Ulo balikusefya, balandile abati, ''Kuteni Samsone, kukuleka atulenge ukuseka.'' Bakutile Samsone ukutula mucifingo nao aishile kulenge ukubasekesha. Bamulengele ukuya kwiminina pakati ka mishingishi ibili. ²⁶ Samsone aebele akalumendo kamwikete kuminwe, ''Nsuminisha njikate ku mishingishi apaikala ici cikulwa, ukuleka nshintilileko.'' ²⁷ NOmba iyi nganda yaliswilemo abaume na banakashi. intungulushi shonse isha bapelishiti shali kulya. Pamutenge pali abaume nabanakashi imakana yatatu, abalikumona uko samsone akobasansamusha. ²⁸ Samsone alitile Yawe nokulanda ati, ''shikulu Yawe, kosheni amano! nkomipapata, ukumpako amaka umukufye umo mpo, Lesa, ukuleka ncite icilandushi pamuku umo kuba Peshiti pakuntokola amenso.'' ²⁹ Samsone aikete kuli bashentele kabili abapakati apashintile icikulwa, nokushintililako, shentele umo ku kulyo, umbi ku kuso. ³⁰ Samsone alandile ati, ''lekeni mfwile pamo naba Pelishi! Atambalike na maka yakwe necikulwa cawilile pa ntungulushi napa bantu bonse abali kuba mukati. Eico abo aipeye pakufwa kwakwe balicilile pabo aipeye mu mweo wakwe. ³¹ Elo bamunyina na bonse aba nganda yakwa wishi baishile. Bamupitile, nokumuleta ukwisa kumushika pakati ka sora na Eshtaole mu nshishi yakwa Manoa, wishi. Samsone apingwile isreali imyaka amakumi yabili.