¹ Josiya ali sungile ica kucilila kuli Yawe mu Yelusalemu, kabili balipeye ne mpanga sha ca kucilila pa bushiku bwalenga ikumi limo na fine ubwa mweshi wa ntanshi. ² Ali lashike ba Shimapepo mu fitungu fyabo no ku bakoselesha bena mu mulimo uwa mu ganda yakwa Yawe. ³ Ali landile ku bena Lebi abali ku sambilisha abena Isreali bonse kabili abo aba patulwilwe kuli Yawe ati,''Bikeni ici pailo ica mushilo mu nganda iyo Solomoni umwana mwaume wakwa Davidi, imfumu ya bena Isreali yakukile. Tekwesha ku senda ici mukoshunguluka pa mabeya na kabili. Nomba shinshimunene Yawe Lesa wenu, no ku bonbe abantu bakwe Isreali. ⁴ Ipekanyeni mwe bene ukulingana ne shina ,ya mayanda ya fikolwe fyenju na mabumba yenu, ukulakukoka ne fipope fyakwa Davidi, imfumiu ya bena Isreali, elo ne fyakwa Solomoni, umwana wakwa umwaume. ⁵ Iminineni mu ncende iya mushilo, sendeni ifitungu fyenu pamo na mabumba yenu ukulingana na mayanda ya fikolwe fyaba ndume shenu, ne nkulo sha bantu, no kusenda icende shenu pamo na mabumba yenu ukulingana no mayanda ya fikolwe fya bena Lebi. ⁶ Ipayeni ne mpanga sha ca kulila, isangululeni mwebene pekanyeni ne mpaanga isha ba ndume yenu ku kucita ukulingana ku cebo cakwa Yawe ico ca pelwe no kuboko kwakwa Mose. ⁷ Josiya alipele impaanga amakana amakumi yatatu no twana twa ngombe isha mutulo ya pa ca kucilila ku bantu bonse abasangilwepo, kabili alipele ne ngombe amakana yatatu fyonse ifi fya fumine ku fikwato fya mfumu ine. ⁸ Intungulushi shakwe sha lipele umutulo wa kuitemenwa ku bantu, bashimapepo, na bena Lebi. Hilkia, Zakalia, na Jehieli, intungushi abali mu nganda yakwa Lesa, balipele kuli ba shimspeo amakana yabili ne myanda mutanda mutulo wa ca kucilila ne ngombe imyanda itatu. ⁹ Kabili konanina, na shemia, na Netaneli, banduma shakwe, na Hashabia, Jeieli, na Jozabadi, imfumu sha bena Lebi balipele umutulo wa ca kucilila ku bena lebi amakana yasano ne ngombe imyanda isano. ¹⁰ Eicho umulimo walipekanishiwe, na bashimapepo baliminine mu ncende shabo, pamo na bena Lebi mu mabumba yabo, mu kwangula ku fipope fya mfumu. ¹¹ Balipeye ne maanga sha ca kucilila, na bashimapepo bali sanshile umulopa uyo bapokelele ukufuma mu minwe ya bena Lebi, na bena Levi balifundile impaanga. ¹² Bali fumishe umutulo wa caocewa, mu kutila ba shakanye mu mabumba ya mayanda ya fikolwe fya bantu, ku kufitula kuli Yawe, ngefyo ca Lembwa mu kitabo cakwa Mose. bali citile cimo cine ne ngombe. ¹³ ba lyocele ne mpaanga sha ca kucilila no mulilo ukulakukonka ulutambi. pa fya mutulo wa mushilo, balipike mu mitonto, mu malongo, na mu mitondo ya pa mitebeto, elo bali sendele bwangu ku bantu bonse. ¹⁴ Bali konkenye ukupekanya imitulo shabo abene, ne sha ba shomapepo, pamulandu bashimapepo, inkulo shakwa Aroni, bali tangatilwe mukutula imitulo ya ocewa na mafuta mpaka fye ubushiku, eicho abena Lebi balipekenye ne mitulo shabo abene ne sha bashimapepo, ne nkulo shakwa Aroni. ¹⁵ Ba kemba ne nkulo shakwa Asafi, bali mu ncende shobo, ngefyo Davidi ali kutungulula, Asafi, Hemani na Jedutani uwa lemwena imfumu ifimonwa, na banalonda bali pali cila mpongolo. Tabali nokulasha apo babalashike, pamulandu bandume shabo abena Lebi bali Kuipekanya pali bena. ¹⁶ Eicho, pali ilya nshita umulimo onse u wakwa Yawe wali sendelwe ku kuisefiwa kwa ca Kucilila na ku kutula umutulo wa caocewa pa cipailo na ku nge fyo imfumu Josiya akonkomeshe. ¹⁷ Abantu bamu Israeli abo abalipo balisungile ica kucilila pali ilya nshita, kabili elyo nomutebeto wa mukate uushatutumuka pa nshiku cinelubali. ¹⁸ Ukusefiwa kwa ca kucilila kwa musango uyu takwatalilwe citwapo mu Isreali ukufuma mu nshita sha kwa Kasesema Samuele, nangu ni mfumu iyi biye tayatalile aisefyapo ica kucilila ca musango nge fyo Josiya acitile, pamo pene na bashimapepo, abena Lebi, na bonse abantu bamu Yuda na Isreali abo abaliko, na bekaasshi bamu Yelusalemu. ¹⁹ Ici ica kucilila cali sungilwe mu mwaka wa lenga ikumi na cinekonsekonse umo Josiya atekele. ²⁰ Panuma yaifi fyonse, panuma Josiya alipekenye Ihema mu muyano, Neko, imfumu yamu Egupito, yalile ku kulwisha abena karikemishi pa mumana wa Yufrate, na Josia alile ku kulwisha ena. ²¹ Lelo Neko alitumine inkombe kuli ena, akolanda ati, ''Findo nebo ndi nokucita na webo, imfumu ya ku Yuda? Nebo nshishile mu kwimina webo buno bushiku, lelo mu kwimina i nganda iyo Nebo nkolwisha. Lesa na konkomeshe nebo ku kwangufyanya, eicho leka ukulakucilinganya Lesa, uli pamo na nebo, nangu kutiakonaula. ²² Nangula cali ifyo, Josia alikene ukupilipuka ukufuma kuli ena. Ali isakile umwine ukuti a mulwishe. Takutikile ku mashiwi yakwa Neko aya yaishile ukufuma mu kanwa kakwa Lesa, eicho alilile ku kulwa mu matololo yamu megido. ²³ Arkas alilashile imfumu Josiya, ne imfumu yali landile ku ba bomfi baiko,'' Miteni nebo, pantu nebo ndicenenwe ifilonda bubi bubi.'' ²⁴ Eicho aba bomfi bakwe bali mupitile kunse ye celeta, no ku mubika ena mwi celeta ilibiye. Bali mupitile ena ku yalusalemu, uko afwilile. Ali shikilwe mu nshishi sha fikolwe fyakwe. Bonse mu Yuda na Mu yelusalemu bali moloseshe Josiya. ²⁵ Yelemaya aliliseshe Josiya mu luimbo, bonse abaume na banakashi bakemba balalosha palwa kwa Josiya ukufika nalelo. Ishii nyimbo sha lishile kuba ni ntambi mu Isreali shali lembwa mu nyimbo shamalosho. ²⁶ Ukwisa ku malyashi yambi palwa kwa Josiya, ne milimo yakwe iisuma iyo acitile mukubela ku fya lembwa mu mafunde yakwa Yawe, ²⁷ ne milimo yakwa, ukufuma mu kutendeka ukufika kumpela yali lembwa mu cilabo shamfumu shaku Yuda na mu Isreali.