¹ Josiya ali ne myaka cineconsekonse ilyo atendeke uku teka aali tekele imyaka amakumi yatatu na umo mu Yelusalemu. ² Ali citile ifya lungama mu cinso cakwa Yawe, elo alyendele mu mbela shakwa Davidi icikolwe cakwe, elo tapilibukile ukufuma mu mbela nelo ku kuboko kwa kulyo nangu ku kuboko kwa kuso. ³ Pantu mu mwaka wali ku lenga cinekonse konse kwa kuteka kwakwe ulo acili fye umu cece, ali tendekele kuku fwaisha Lesa wakwa Davidi, icikolwe cakwe, mu mwaka ikumi limo na fibili, ali tendekele uku wamya Yuda na Yelusalemu ukufuma mu ncende isha musansamo, ba shentele ba Asherah, ne fimpasha fyakibaswa ne fimpasho fya kwengwa. ⁴ Abantu balitobawile panshi ifi pailo fyakwa Baali mu menso yakwe; ali puntwile no kupatula ifi pailo fya cena cisuma ifyo fyali pamulu wa fiko. Ali Yobawile bashetele ba Asherah ne fimpasho fyakubaswa, na ifimpasho ifyaengwa mu tupinfya tupinfya mpaka fyali u lukungu. ⁵ Ali salangenye no u lukungu pa nshishi sha abo abali kutula kuli fyena. Alyo cele namafupa yaba shimapepo babo pa fipailo fyabo. Muli uyo musango uyo musango, ali aliwemye Yuda na Yelusalemu. ⁶ Ali citile fimo fine mu misumba ya bena Manassi, Ephraimu, na simeoni, inshila yonse iya ku Naftali, no mwa onawilwe umu shungulukilwe shena. ⁷ Ali tobawile panshi ne fipailo, ukumaula bashetele ba Asherah elo ne fimpasho ifya kusaswa mu bunga, no kuputula uku lekaya ifi pailo fyonse ifya cena cisuma ukupita monse mumishi ya bena Isreali. Elo ali bwelulukile ku Yelusalemu. ⁸ Nomba mu mwaka ikumi limo na cinekonsekonse isha kuteka kwakwe, panuma Josiya aliwemye icalo ne Hema, ali tumine shafani umwana mwaume wakwa Azalia, maaseya, bwana mala wamu sumba, na Yoa umwana mwaume wakwa Yoahasi kalemba, ku kulungika inganda yakwa Yawe lesa wakwe. ⁹ Balile kuli Hilka, shimapepo mukalamba, no kumutula ne ndalama isho ishatulilwe mu nganda yakwa Lesa, isho obena lebi, ba malonda bapa mwinshi, bali ku kolonganya ukufuma ku bena manase na Efraimu, ukufuma kuli bonse abalebeshi mu bena Isreali, mu bena Yuda monse na bamuli Benjamini, na bekashi bamu Yelusalemu. ¹⁰ Bali pele ne ndalama ku baume ku tungulula u mulimo pe Hema lyakwa Yawe. Aba baume balilipile ababomfi bali ku lungika no kubwekeshapo Ihema. ¹¹ Bali lishilipile bakapala wa mba na bali kukula ku kushitamo amabwe aya putaulwa ne mbao sha kupalikila, no kukulila ku mbao ifi kulwa ifyo imfumu shimo sha mu Yuda shalikusha shikoiponenafye. ¹² Abaume balipombele umulimo bucishinka. Baka tungulula babo Jahati na Obadiya, abena Lebi, abana baume bakwa Merari, na Zakaria na Meshulami, ukufuma mu bana baume ba bena kohathiti, Bambi abena lebi, bonse abali bamushika ba nyimbo abasuma sana, balifye lubali ku kulangilila abaume bali kubomba. ¹³ Aba abena Lebi mu kutungulula abo abali kupita ifisolobelo fya kukulilako na bonse abaume bambi abali ku bomba munshita iili yonse. kwaliko abena lebi abali niba kalemba, abalashi, na bamalonda ba pampongolo. ¹⁴ Ulo bali kufumya indalama isha lelelwe mu nganda yakwa Yawe, Hilkia shimapepo ali sangile ikitabo cefunde lyakwa Yawe ilyo lya pelwe u kupitila muli Mose,'' ¹⁵ Hilkia alilandile kuli shafani kalemba, ''Nebo ndi sangile ikitabo cefunde mu nganda yakwa Yawe'' Hilkia ali letele ikitabo kuli Shafani. ¹⁶ Shafani ali twele ikitabo ku mfumu elo nakabili alilondolwele kuli ena ukweba ati, ''aba bomfi bobe bakocita fyonse ifyo wa lashikele kuli bena. ¹⁷ Bali fumishe indama shonse shasangilwe mu nganda yakwa Yawe, elo balipele mu munwe ya balekusopa elo naku babomfi abaume.'' ¹⁸ Shafani kalemba alyebele imfumu, ''Hilkia shipepo alimpele ikitabo. ''Elo shafani ali libelengele ku mfumu. ¹⁹ Caishile ngefi ukweba ati ulo imfumu ya unfwile amashiwi ya funde, ali lepawile insalu shakwe. ²⁰ Imfumu yali konkomeshe Hilkia, Ahikamu umwana mwaume wakwa Shafani, Abdoni umwana mwaume wakwa Mika, Shafani kalemba, na Asaiahi, umubomfi wakwe umwine, u kweba ati, ²¹ ''Kabuya no kwipusha Yawe' ubufwayo bwakwe pali nebo, na kuli abo abashele mu Isreali elo na mu Yuda, pamulandu wa mashiwi ya mu kitabo ilyo ili sangilwe. pantu likalamba, ubukali bwakwa Yawe buli pongolwelwe pali Fwebo. Likalamba pa kweba ati ici pa kweba ati bengalekunakila fyonse ifyalembelwemo.'' ²² Elo Hilkia, na abo imfumu ya konkomeshe, kabili kuli Guldahi kasesema umwanakashi, umukashi wakwa Shallumi umwana mwaume wakwa Tokhati umwana mwaume wakwa Hasrahi, kasunga wa ca kusungilamo ifya kufwala (kanakshi aikele mu Yelusalemu mu musumba wa cibili), bali landile nankwa muli ine. ²³ Kanakashi ali landile kuli bena, ''Ici eco Yawe, Lesa wakwa Isreali, akolanda; Eba umwaume uwa kutumine kuli nebo, ²⁴ Ici eco Yawe akolanda mona, Nkoleta bwangu u bonaushi pali iyi cende na pa bekashi baiko, Fyonse ifitipu ifya lembwa mu kitabo ifyo ba belanga pacinso ca mfumu ya mu Yuda. ²⁵ Ifi fikacitika pa kweba ati balisulile nebo no kulaica ifya cena kuli tu lesa tumbi, elo balinkalifishe kuli fyonse ba panga ne minwe shabo, elo ubukali bwandi bukapongolikela pali iyi ine incende, elo tayakashimiwe'' ²⁶ Lelo ku mfumu ya ku Yuda iya tumine webo ku kwipusha Yawe ifyo enga cita, ici eco ukalanda kuli ena, Yawe, Lesa wakwa Isreali alanda ici: Pama shiwi ayo waumfwile, Pa ²⁷ kweba ati umutima obe wali fukile, na webo wali nakilile we muline pacinso cakwa Lesa lintu wa umfwile amashiwi palwa iyi ncende na palwa bekala calo, elo napa kweba uli inashishe we mwine pacinso candi elo uli lepwile insalu shobe elo nokulila kuli nebo, na nebo wine ndi kutikile kuli webo ili lya kwa Yawe mona. ²⁸ Nkomikolonganika ku fikolwe fyeno. Mwebo mwa kulakulonganishiwila mu nshishi yenu mu mutende, elo amenso yanu taya kalekumona ububi ubuli bonse nkaleta pali iyi ncende na ku bekalamo.'' Na baume balibweshemo iyi imbila ku mfumu. ²⁹ Elo imfumu yali tumine bakabilo elo bakolonganikile capamo abakalamba bonse aba mu Yuda na mu Yelusalemu. ³⁰ Elo imfumu yalile pamulu ku nganda yakwa Yawe elo na baume bonse aba mu Yuda na bakashi ba mu Yelusalemu, na bashimapepo, bena Lebi, na bantu bonse, ukufuma ku bakalamba ukufika ku banono. elo ali belengele mu matwi yabo amashiwi yonse ayo mu kitaba ca cipangano ico ca sangilwe mu nganda yakwa Yawe. ³¹ Imfumu ya liminine mu ncende yaiko no kupanga cipangano pacinso cakwa Yawe, ku kulaendela muli Yawe, elo nokulekusunga amafunde yakwe na mashiwi yakwe, ne fipope fyakwe, elo nomutima yakwe onse no mupashi wakwe onse, ku kubela amashiwi ya cipangano ayo aya lembelwe mu kitaba ici. ³² Ali lengele bonse abasangilwe mu Yelusalemu na mu bena Bejamini uku lekwiminina mu cipangano Abekashi bamu Yelusalemu balikalile mu cumfwila ku cipangano cakwa Lesa, Lesa wa fikolwe fyabo. ³³ Josiya ali fumishepo fyonse ifya muselu ukulekufumya mu fyalo fyali fya bantu bamu Isreali. Ali lengele cila umo mu isrealio uku shinshimuna Yawe lesa wabo. Elo inshiku shakwe shonse, tabafumineko ukukonka Yawe, lesa wa fikolwe fyabo.