¹ Mbuse e bwetaki bayekoli bahahe laabo la bayele, akaaya boo ngulu e botsaki melimo mbe, pe a bumesi botatsi ngia pe yeketa ngia ² Lita baina la bapotolo laabo la bahele, o felo, Simoni eetakemi Piele, pe Andele, monginena elahe; mona o Zebedia, pe Yoane, monginena owae. ³ Pilipo, pe Batelemi; Toma, pe Matai, mito o mokili, Yakobo, mona o Alfea, pe Tade; ⁴ Simoni mo Kananita; pe Yudasi mo Iskaliota, ano etambaki Yesu. ⁵ Bane nde bebayi ba laabo la bahele bane bete toma Yesu, mbuse e bwayi boo metsindo mene: so kia ngi bapakano, pe so hola a bingumba bi ba Samalia; ⁶ Kiaka nga ngi pate ite unga i mbele e Isalaele; ⁷ Kiaka, sakola pe beka: keka e Likolo ebai kwawe. ⁸ Umoyi o baito betatsi, e sekwesa ba wei, pe etala batatsi ba mbala, e tsaka melimo mbe mbe. Boukoli bokunda, aya bokunda. ⁹ So sila ata wolo, ata mbela, ata basambo, a meliki me mepoto mi aino; ¹⁰ ata liwowo po e lokendo, ata tulu iyele, ata bi boloko, ata lingenda, fuko ine mosali ekoki a yema ye yae ye bolei. ¹¹ A yemoi yengumba to lohia lo kohola onu, bwi hole amba mito omoyi o ngindo ekoki boyaesi onu; pe yala ngwae tee ane eo kokia onu. ¹² La boka hola a mbele, aya lo mbele okalo, ¹³ pe la mbele ebayi a bwinoli bafaya mina bohai bwa ino bolwe a lo mbele; kasi la etsi bai a bwinoli bafaya mina bohai bwa ino bo hule ngino. ¹⁴ Tango ene etsio kwinola wo onu pe etsio kokoka wo baoyi baino, tsua a mbele loo too yengumba yoo pe fufola mekele mya ino. ¹⁵ Le yekela onu ko solo mwasa u yesambi moki u Sodoma la Gomolo utso ko sambesama ombe a bwemaeli aine yo yengumba. ¹⁶ Lita nga toma onu aine ba pate katsikatsi e mbu enene. Bo lowale aine fele, pe boyiisesi aine bibenga. ¹⁷ boya kengesi a baito po ine beko faka onu a ba tsimilalo pe beko ofa onu fimbo a Sinagogi ya ibo. ¹⁸ Booko tomama po ela felo e ba guvelenele pe felo e ba kumi ba lohia po e boyali ba temo baiyo pe ba bapakano. ¹⁹ Kasi tango ene eko faka boo onu, so yatungesia ine iya eka beka oye ata bune eko poma oye: ine eokoeka oye yo ko mwayema ko la ngonga. ²⁰ Po ine ta oye eko beka, Molimo wa Ato nga eko beka kati elaho. ²¹ Mongi nena e kofaka mongi nena a bowo, pe aha amona; bana be komaela baboti bayi bo, pe boolaki bo. ²² Etso kokunda u nu bo kuatu, po e lina lila; po ine a no e konanga motema akwitu e kuma. ²³ Ane ekoniokola wo a file e moi; tsila a esiaka. Ngayekela o nu kosolo, u nu botso kofoesa ba file i isalahele komona o mito a kalua. ²⁴ Bayekoli be tseteli molakisi; ata baito ba mosala boeteli nkolo. ²⁵ I koki a bayekoli bakele bo o ine molakesi o hi bo, pe baito bamosala o hi ne nkolo o hi bo. La baketaka a no molakisi yembele e djabulu, mbala ye nga ekoki bo bwetaki a lingina baito ba mbele e lahe! ²⁶ Suanga ye ma; po ine yema yo hitani i tsibai ine ye nene mbuse, yo i tsi yali po balembele. ²⁷ Ine yekeli ngo u nu a djima, ekela bo katikati a mwasa pe po ene yekeli bo u nu a litoyi; bosakole likolo li mbele. ²⁸ Boti ya nge a no e koolaka bilongo pe tsokoolaka molimo, boange ni a no ekoki boolaki molimo pe bilongo lifelo. ²⁹ Sotamba noli yele po e kete? imoli, i tsokokua a mbu a mokano wa to i tsiyali. ³⁰ Pe a lisiaka ngwele i meto yahino kwitu i tangami. ³¹ Soanga yema: o nu bweteli simi ko yefela yenoli. ³² I moli, mito nda e kotatole ngo felo e baito, ngo pe le komotatola felo ko aha owa a no eyeli alikolo; ³³ Ano e kofete ngo felo e baito; ngo pe lekomofeta felo aha owa a no e yali a likolo. ³⁴ Sosumesa i ne ngo lewi po buisi ahi likolo limbu ndiyali po bo e boluesi ahi, a i ndji mopanga. ³⁵ I moli ilui ngo bwisi bo fakani katikati e mona oolome a ise o wahe, katikati e mona owali a inena owahe, katikati mwali o mona a i nene o bili; ³⁶ Pe mito e kuhukola banguna baito ba mbele e lahe. ³⁷ Ano e kudji ise owahe, simi ko inena owahe boeteli ngo e tsikudji ngo, pe ano e kokunda mono wahe o lome simi ko a o wali boeteli ngo e tsikundji ngo; ³⁸ A no e tsokosila ye kulusu e lahee, pe tsibili ngo, tsikundji ngo. ³⁹ A no e kobatela bo moi bowahe e koungesa, pe ano ekoungesa bomoi bo wahe po e la e koukola. ⁴⁰ A no e konangela unu a kanangele, pe a no e konangele ngo, e konangela pe ano e tomi ngo. ⁴¹ A no ekonangela polofete oine polofete ekoukola mbano e polofeti, pe ano e konange mose mbwi oine mosembwi ekoukola mbano e mosembwi. ⁴² Pe mito nda ekwaya sanga kopo emoyi bayi e fiyo a omoyi okeoke po ine eya moyekolia owa, nga yeke la unu solo,etsihoko hungesa mbano e lahe.